Josué 11:6 - Chuj San Sebastian Bible

⁶ Palta xyaln Jehová 'ixtc 'a Josué: —Man̈ ach xiw 'a eb' 'anma cha, yujto yab'n 'icha hora tic q'uic'an, 'oj cham eb' smasnil 'a eyojltac wu'uj. 'Oj e mac' wecchjoc schej eb', ax e n̈usn pax scaruaje eb' cha, xchi.

Chuj San Mateo Bible

⁶ Palta ix yalan Jehová d'a vin̈aj Josué icha tic: Man̈ ach xiv d'a juntzan̈ eb' tic, yujto a in ol in och eyed'oc yic ol e satanel eb'. D'a yab' icha tic q'uic'an, masanil eb' ol chamem latz'naj d'a eyichan̈. Ol e mac' can̈chaj yoc noc' schej eb', ol e n̈usantz'a scarruaje eb' chi', xchi d'a vin̈.

Josué 11:6 Iomraidhean Croise

A Ch'an̈ Schab'l Libro Samuel 8:4

Ax x'aji, 'ix yamchj can 1,700 eb' soldado yuj David 'a scal owl cha, atn eb' 'et'jnac te caruaje yic owal, ax junc'l mil eb' tzb'ey 'a yoc xyamchj can paxi. Stzu'n pax n̈i'chjoc sch'an̈l yoc smasnil no chej to'jnac jun tzo'n̈ caruaje cha, cojxn no tzto'n junc ciente caruaje chi xcani.

A Ch'an̈ Schab'il Libro Yic Yab'ixal Eb' Rey 6:16

—Man̈ 'ach xiwoc, caw niwn mach 'ayc' quet'oc, 'ec'b'al 'a yib'n̈ eb' 'ayc' yet' eb' cha, xchi Eliseo.

2 Cr 20:16

Q'ui'nto tzex 'e'mch eyac' owl yet' eb'. Ax eb' 'oj q'uelc 'a sjolm lum witz yic Sis, ax xo tic, 'oj e cha e b'a yet' eb' 'a sch'olnil sti a a tzcot 'a stitc lum cusltac lum yic Jeruel.

Salmos 46:10

'Ix yaln Dios chi 'ixtic: 'Actjec eya'n owal, 'ojquejec 'eli chajtlto an ton Dios in. 'Oj alxoc 'el wab'xil 'a jun tzo'n̈ nacion̈ 'a smasnil sat lum lum tic, to cojn in niwn wel'chi, xchi.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:9

'Ix yac' lajwc jun tzo'n̈ owal, masnto 'aj tzlajw c'och yolyib'n̈q'uinl tic; 'ix wecchj can jul-lab' yu'uj, 'ix wecchj can pax jun tzo'n̈ lanza, xya'n can 'och sc'a'l jun tzo'n̈ caruaje yic owal.

Pr 20:7

A mach tojl snab'en, may tas tzyac' palta 'a sb'eyb'al, caw tzaljc'ojlal tzcan eb' yunnal.

Is 30:16

A eyico', to 'ix eyal 'ixtic: Ma'ay, yel xo wach' quiquec, to a 'a yib'n̈ chej 'oj qui 'ati, yic tzqui colnec qui b'a, xe chi. Yel ton tzeyala, 'oj e 'at 'elc cha. 'Ix eyaln pax 'ixtic: 'Oj cochc 'a yol caruaje to caw jeln sb'eyi, xe chi. Yel ton tzeyala, palta yel xo jeln sb'ey eb' 'ajc'ojl chi 'oj e pechn b'eyc'oc cha.

Is 31:1

'Oltac wal ex tz'at e sayc' scolwal Egipto. A eb' soldado yet' schej, yet' scaruaje to caw niwn sb'isul, a chi tzeya'ch yipc e c'ojol, palta matz ex q'ue q'ueln jac 'a Jehová, atn jun Dios To Cojxni.

Ez 39:9

Ax smasnil eb' israel cha, 'oj 'eltoc eb' sic' syam sb'a smasnil yamc'ab' yic owl chi 'oj can cha, atn q'uen jul-lab', smacl sat jul-lab', cotc espada, lanza yet' jun tzo'n̈ xo yamc'ab', ax jun tzo'n̈ chi 'oj sc'atztzoc eb' 'a uque ab'il.

Os 14:3

A chon̈b' Asiria matz tac' on̈ scoln on̈, an̈jtona matz tac' pax qui colx yuj no chej on̈. A tas tzlaj qui b'o yet' qui c'ab' on̈, man̈x 'oj calch qui diosalc on̈, yujto cojxn ach Mamin Jehová, ach tzac' tas 'ay tz'och yuj eb' meb'a 'unn chamnc smam, xe chi 'a Dios.

Nahúm 2:13

A Jehová tztac' yuj smasnil, a tzaln 'ixtic: 'Ayn 'och wal 'ajc'ojlal 'ayx ex 'aj Nínive. 'Oj wac' n̈usxoc jun tzo'n̈ e caruaje yic owal, ax wa'n can 'och tab'il. 'Oj in mil cham smasnil eb' e soldado, ax in satn can 'el smasnil tas 'elc'b'il cot eyu'uj. Man̈x 'a 'aj ow 'oj yutc paxtinc sb'a eb' e checab', xchi Dios.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Josué 10:8

'Ix yaln Jehová 'ixtc 'a Josué cha: —Man̈ ach xiw xon jac yuj ewinac, yujto an 'oj wac' ewin 'a yol e c'ab', may xon wal junc win 'oj ste'wtzoc sb'a ya'n owl eyet'oc, xchi.

Josué 11:5

Smasnil jun tzo'n̈ rey tic, junn̈j xyutj sb'a eb'. Axta syam sb'a eb' smasnil 'a sti a a tzcuch Merom, yic tzya'n eb' owl yet' eb' israel.

Josué 11:7

Yuj cha, ax Josué yet' smasnil eb' ajun yet'oc, 'ix c'och eb' yac' owl yet' eb' 'anma chi 'a sti a a tzcuch Merom, 'a yic to man̈ nanoc yuj eb'.

Josué 11:9

A Josué 'ix syiclj sb'on smasnil tas xyal Jehová. 'Ix smac' wecchjoc schej eb' 'ajc'ojl cha, sn̈usn pax eb' scaruaje eb' yic owal.

Josué 3:5

'Ix yaln Josué 'ixtc 'a eb': A ticnec sacb'tzejc e b'a, yujto q'uic'an 'oj sch'ox Jehová quilc tas satjub'tac yilx 'a qui calc tic, xchi 'a eb'.

Jueces 7:9

A 'a jun 'ac'wl cha, 'ix yaln Jehová 'ixtc 'a Gedeón: Lem, 'ixc muc'uc, 'at 'a'c owl yet' eb' madianita cha, yujto an tzwac' eb' 'a yol e c'ab'.

A Ch'an̈ B'ab'el Libro Samuel 11:9

'Ix yaln Saúl 'a eb' checb' yic Jabes chi 'ixtic: —Alc 'a eb' 'aj Jabes cha, to a q'ui'n 'a chimc'ual, 'oj 'at qui col eb' on̈, xchi. Xlajw cha, 'ix 'at eb' checb' chi 'at yal jun tzo'n̈ tic 'a eb' 'aj Jabes cha; yuj cha, caw 'ix tzalj chan̈ eb'.