Josué 11:16 - Chuj San Sebastian Bible

¹⁶ A Josué yet' eb' soldado, xyijcan 'ec' eb' smasnil jun tzo'n̈ lum tic, atn eb' lum jolmctac witz, smasnil lum Neguev, smasnil lum Gosén, eb' lum niwc 'a'lic, lum span̈nil sti a Jordán, yet' smasnil lum stitc ch'oln yic eb' lum jolmctac witz cha, atn lum yic eb' israel.

Chuj San Mateo Bible

¹⁶ A vin̈aj Josué chi' yed' eb' vin̈ soldado ix ic'ancanec' masanil juntzan̈ lugar tic, aton lum tzalquixtac, masanil lum Neguev yed' masanil lum yic Gosén, lum ac'lic, lum ch'olquixtac d'a stitac a' Jordán yed' masanil lum tzalquixtac ayxo och d'a yol sc'ab' eb' israel yed' yac'lical.

Josué 11:16 Iomraidhean Croise

Salmos 105:44

'Ix ya'n yico'oc eb' schon̈b' chi slum jun tzo'n̈ eb' chuc nacion̈al cha, yet' smasnil tas 'awb'il 'a sat lum lum yuj eb' 'anma cha.

Salmos 78:55

'Ix yi'n can 'el jun tzo'n̈ eb' 'anma chuc chon̈b'al 'a yojltac eb' qui mam quichmec cha. Junjn petn̈ xyutj spojn can 'ec' lum lum chi 'a junjn 'in̈tal eb'. 'Ix can cajn eb' qui mam quichmec chi 'a slum eb' chuc chon̈b'al cha.

Ez 17:23

Ata 'oj wawc te 'a sjolm lum switzl chon̈b' Israel. 'Oj laj q'uib'l sc'ab' te', ax ya'n te sat, caw niwquil c'ute 'oj 'ajoc. 'Oj jawc smasnil no noc' 'iljoc 'a yich te', ax 'a scal sc'ab' te', ata 'oj 'aj cajn smasnil no ch'ic.

Ez 36:8

A lum jolmctac witz 'a yol e macb'en, til wal te niwc 'awb'ente 'oj yac' sat 'a jun tzo'n̈ lugar cha, sec a te 'oj e lo sat, yujto jab'xoj e meltzji.

Dt 1:7

A ticnec, meltzjan̈c can 'at 'a lum slum eb' amorreo 'ay 'a lum jolmctac witz, yet' 'a jun tzo'n̈ xo lugar 'ay 'a sla'nil eb' cha. Tzex 'ec' 'a lum span̈nil sti a Jordán, 'a lum jolmctac witz, 'a lum pan̈ctac, 'a lum Négueb, yet' lum 'ay 'a sti a mar 'a yol yic eb' cananeo, yet' pax lum Líbano, masnto tzc'och lum 'a sti a niwquil a Éufrates.

Josué 10:40

A Josué satn 'el smasnil eb' 'anma cajn 'a jun tzo'n̈ lugar cha. 'Ix satl smasnil eb' rey 'ay 'a lum jolmctac witz, eb' 'ay 'a yol yic Neguev, eb' 'ay 'a lum niwc pan̈an yet' eb' 'ay 'a lum pa'ctac. C'uxn xcham eb' smasnil yu'uj, man̈x 'a xon wal junc mach pitzn xcan 'a jun tzo'n̈ chon̈b' cha. C'uxn satl eb' smasnil 'icha yaj yaln Jehová, atn sDiosal Israel.

Josué 10:41

Jun 'ejmn̈ej satl eb' rey chi yuj Josué, 'ix yi'n can 'ec' smasnil slum eb'. 'Ix 'el yich yi'n 'ec' slum eb' chi 'a Cades-barnea masnto 'a Gaza, smasnil pax lum yic Gosén masnto xc'och 'a Gabaón, yujto a Jehová sDiosal Israel, a tz'a'n owal.

Josué 11:15

'Icha wal yaj yaln can Jehová 'a Moisés, win schecab', 'ixta wal xyutj yaln can pax Moisés 'a Josué, ax Josué c'uxn syiclj smasnil, may wal junc tas to ma'ix sb'o 'a tas alb'il cani.

Josué 11:2

Xya' alxoc 'a smasnil eb' rey cajn 'a jolmctac witz 'ay 'a stojlal norte 'a span̈nil sti a Jordán, lum tzcan 'a stojlal sur 'a a pama tzcuch Cineret, atn lum pan̈n 'a'lic 'ay 'a Dor 'a stojlal 'aj tz'em c'u.

Josué 11:21

An̈jtona', a 'a yic jun tiempoal cha, ata 'ix yijcan 'ec' Josué smasnil jun tzo'n̈ chon̈b' 'aj cajn 'ec' eb' yin̈tl Anac 'a lum Hebrón, 'a Debir, 'a Anab yet' 'a smasnil lum jolmctac witz yic Judá yet' lum yic Israel.

Josué 9:1

'Ix yab' sb'a eb' rey tas 'ix laj uj 'a sla'nil cha, atn eb' rey cajn 'a sc'axpil 'ec' sti a Jordán 'a stojlal 'aj tz'em c'u, eb' cajn 'a lum jolmctac witz, eb' cajn 'a lum ya'lical sti a Jordán yet' eb' cajn 'a lum c'a'lum 'ay 'a sti a Mar Mediterráneo, masnto tzc'och 'a yol yic Líbano. A eb' rey cha, atn eb' sreyl eb' hitita, eb' amorreo, eb' cananeo, eb' ferezeo, eb' heveo yet' eb' jebuseo.