Josué 10:10 - Chuj San Sebastian Bible

¹⁰ Ax Jehová 'ix ya'n 'och xiwlal 'a snab'en eb' amorreo cha. Caw niwn eb' xchamcn 'a Gabaón yuj eb' israel cha. Xlajw cha, 'ix 'at eb' israel chi 'a spatc eb' 'a jun b'e tzq'ue'ch a chon̈b' Bet-horón. Til wal eb' smilcn eb' israel chi 'a yol b'e yic xc'och eb' 'a chon̈b' Azeca yet' 'a chon̈b' Maceda.

Chuj San Mateo Bible

¹⁰ Axo Jehová ix ac'anoch jun nivan xivc'olal d'a eb', ayic ix yilanb'at eb' israel eb'. Yuj chi' man̈xo jantacoc eb' amorreo ix miljicham yuj eb' israel d'a Gabaón chi', ix b'at eb' d'a spatic eb' d'a jun b'e pichan yem d'a Bet-horón, ix smilancham jantac eb' ix yamchaj yuj eb' masanto ix c'och eb' d'a Azeca yed' d'a Maceda.

Josué 10:10 Iomraidhean Croise

A Ch'an̈ Schab'l Libro Samuel 22:15

'Ix sjuln cot sjul-lab', atn raya, ax eb' 'ajc'ojl yajch 'ayin, 'ix 'at eb' 'eloc, 'ix satl eb' yu'uj.

2 Cr 14:12

Yuj cha, 'ix ya'n Jehová 'ajxoc ganar eb' etíope yuj Asa yet' yuj eb' yic Judá, 'ix 'at eb' 'elc 'a eb'.

2 Cr 25:13

Ax pax eb' soldado Israel to ma'ix chax 'at 'a owl yuj Amasías, atn eb' 'ix checx can meltzjc 'a yatut, a eb' cha, 'ix ya'cn lajwc eb' jun tzo'n̈ chon̈b' 'a yol smacb'en Judá. Tzchaj 'at 'a Samaria masnto 'a Bet-horón, 'oxe mil 'anma smilcn cham eb', til wal tas 'ix yel'j 'at eb'.

Salmos 18:14

'Ix a juln cot a jul-lab' atn raya, ax eb' 'ajc'ojl yajch 'ayin, 'ix 'at eb' 'eloc, 'ix satl eb' o'oj.

Salmos 44:3

Yujto man̈oc yet' yip eb', man̈oc pax yespada eb' xya'lb'ej yic xyi'n can eb' jun lum tic. Man̈ yujoc sjelnal eb' ya'n owal, palta yuj a tojlal yet' a poder, yujto 'ay a chamc'ojlal 'a eb' qui mam quichm chi 'on̈.

Salmos 68:14

Ach tic Dios ach, tztac' oj smasnil. A yic x'at eb' rey chi 'elc o'oj, 'ix pucb't eb' 'a sat lu'um, 'icha tz'aj yem q'uen chew 'a lum witz Salmón.

Salmos 78:55

'Ix yi'n can 'el jun tzo'n̈ eb' 'anma chuc chon̈b'al 'a yojltac eb' qui mam quichmec cha. Junjn petn̈ xyutj spojn can 'ec' lum lum chi 'a junjn 'in̈tal eb'. 'Ix can cajn eb' qui mam quichmec chi 'a slum eb' chuc chon̈b'al cha.

Is 28:21

'Icha wal xyutj Jehová ya'n owl 'a lum jolm witz Perazim yet' 'a lum pan̈n 'a'lic yic Gabaón, 'ixta 'oj yutc sb'a. Wach'xam matz nib'ej, palta 'oj yac' satxoc 'el schon̈ab'.

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

Jeremías 34:7

Ya' sb'a cha, a eb' soldado yic Babilonia, 'ayx 'och eb' yac' owl 'a Jerusalén, 'a Laquis yet' 'a Azeca, wan ya'n eb' yip yoch 'a smuroal jun tzo'n̈ chon̈b' tic. A 'a yol yic Judá, cojxn 'oxe chon̈b' tic mantzac 'ejm yuj eb'.

Zacarías 14:3

Palta yajn̈ej ax yelt Jehová yac' owl yet' jun tzo'n̈ nacion̈ cha, 'icha yutjnac ya'n owl 'a pecti'.

Dt 7:23

Palta a Jehová qui Diosalec, a 'oj 'a'nc 'och jun tzo'n̈ nacion̈ chi 'a yol e c'ab', jab'jnal 'oj e satl eb', masnto 'oj lajwc eb' smasnil.

Josué 10:11

'Ay pax eb' xcob' yac' ganar s'at 'elc 'a eb' israel cha, ya' sb'a wan spichlj 'ejm eb' 'a lum span̈nil Bet-horón. Ax Jehová 'ix 'a'n cot jun tzo'n̈ niwc sq'uenal sacb'at 'a yib'n̈ eb', masnto 'a Azeca. Yel xo wal caw niwn eb' xcham yuj q'uen sq'uenal sacb'at cha, 'a yib'n̈ pax eb' xtzu'x cham yuj eb' israel cha.

Josué 10:28

A 'a jun c'u cha, ata 'ix 'och pax Josué 'a yol chon̈b' Maceda yet' eb' soldado. 'Ix satcn 'el eb' jun chon̈b' cha, smiln can eb' smasnil 'anma cajn ta', man̈x 'a xon junc xcani. 'Icha wal yutjnac Josué win sreyl chon̈b' Jericó, 'ixta pax xyutj win sreyl chon̈b' Maceda cha.

Josué 10:9

'Ix cot Josué yet' eb' soldado 'a Gilgal, smasnil 'ac'wl 'ix b'ey eb' yic xc'och eb' 'a stz'ey eb' amorreo yic man̈ nanoc yuj eb'.

Josué 11:8

Ax Jehová x'a'n 'och eb' 'a yol sc'ab' eb' israel, yuj cha, xlaj cham eb' yuj eb'. 'Ix 'och tza'n eb' israel chi yuj eb', masnto 'a niwquil chon̈b' Sidón, yet' 'a Misrefot-maim, 'a stojlal 'aj tzq'uel c'u, masnto 'a lum ya'lical Mizpa. Man̈x xon junc xcan ta', c'uxn xcham eb' 'anma chi smasnil.

Josué 16:3

Tz'atx lum 'a stojlal 'aj tz'em c'u atn 'a slum eb' jafletita, masnto 'a smon̈jonal yic Bet-horón lum 'a yaln̈ 'ejmi, masnto tzc'och 'a Gezer, tz'elx c'och pax lum 'a a Mar Mediterráneo.

Josué 16:5

A smon̈jonal slum eb' yin̈tl Efraín, tz'el yich 'a stojlal 'aj tzq'uel c'u, 'a Atarot-adar masnto tzc'och 'a Bet-horón, lum 'a yib'n̈q'ue'i.

Jueces 4:15

Ax Jehová a x'a'n 'och jun niwquil xiwc'ojlal 'a Sísara cha, yet' 'a eb' 'et'jnac smasnil q'uen q'uen caruaje, yet' 'a smasnil eb' soldado. 'Ix 'at eb' 'elc smasnil. A yic xc'och yorail ya'n eb' owl yet' Barac, ax win Sísara cha 'ix 'emt win 'a yol scaruaje, 'ix 'at win 'elc 'a yoc.

Jueces 4:16

Ax win Barac, spech win eb' soldado win Sísara yet' pax eb' 'et'jnac q'uen q'uen caruaje cha, masnto xc'och eb' 'a Haroset-goim. C'uxn xcham eb' soldado chi smasnil ta', man̈x 'a junc eb' xcani.

Jueces 5:20

A c'anal 'ay 'a satcha'an̈, yet' jun tzo'n̈ xo tas 'ay 'a 'a, a eb' x'a'n owl yet' win Sísara.

A Ch'an̈ B'ab'el Libro Samuel 13:18

ax jun macn̈ xo eb' x'atcn 'a Bet-horón; ax eb' yic yoxmacn̈il, 'ix 'atcn eb' 'a lum span̈nil yic Zeboim, 'a 'aj tz'el yich lum cusltac lu'um.

A Ch'an̈ B'ab'el Libro Samuel 17:1

'Ay jun c'ual 'ix yac' eb' filisteo syam sb'a soldado, yic tzya'n eb' owl yet' eb' israel: Ata yamn x'aj eb' 'a chon̈b' Soco 'a yol yic Judá. Sb'o eb' scamplamento 'a Efes-damim. Ata 'ay 'a snan̈l Soco yet' Azeca.