Josué 1:6 - Chuj San Sebastian Bible

⁶ Te'n tzotj a b'a, man̈ ach xiwoc, yujto ach 'oj a pojc smacl lum eb' et israelal tic 'a 'a, atn lum 'aj wa'jnac in ti wa'n 'a eb' e mam eyicham.

Chuj San Mateo Bible

⁶ Tec'ann̈ej tzutej a b'a, man̈ ach xivoc, yujto a ach ol a puquec' lum luum chi' yic tz'ochcan lum smacb'enej juntzan̈ anima tic, aton lum vac'nac in ti' vac'an d'a eb' e mam eyicham.

Josué 1:6 Iomraidhean Croise

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 26:3

A ticnec, wach' ajcn 'a jun lum tic. 'Aynn̈ej 'ec' et'oc, ax wa'n pax in yaxilal 'ayach. A smasnil jun lum tic, 'oj wac' 'ayach, yet' 'a smasnil en̈til, sec tz'el'ch smasnil tas waljnac can 'a a mam, atn Abraham.

A Ch'an̈ Schab'l Libro Samuel 10:12

Caw te'n tzotj a b'a, ca'c quip qui colnec qui nacion̈, atn eb' chon̈b' yic qui Diosalec. B'o cab' 'icha tas tznib'j Jehová, xchi Joab.

A Ch'an̈ B'ab'el Libro Yic Yab'ixal Eb' Rey 2:2

Jab'xoj wal 'oj in chami, 'icha tz'aj smasnil eb' quit 'anmal 'a yolyib'n̈q'uinal. Caw te'n tzotj a b'a, 'icha junc winc caw te'n xo snab'en.

1 Cr 22:13

Wach'n̈j 'oj 'el'choc smasnil, toto tza ya'ilj a yiclni scuynb'il, yet' sley 'ix yac' 'a Moisés cu'uj. ¡Te'n tzotj a b'a, 'ac' ep, man̈ ach xiwoc, man̈ a chab'c'ojloc pax a b'a!

1 Cr 28:10

'Iltnab'an, a Jehová ach si'n 'eli yic 'oj a b'onc chan̈ jun n̈a 'oj scajnub'oc. Yuj cha, ¡'ac' ep, 'och cab' munljel! xchi David.

1 Cr 28:20

¡'Ac' ep, te'n tzotj a b'a, 'och cab' munljel! Man̈ ach xiwoc, man̈ a chab'c'ojloc a b'a, yujto a Jehová qui Diosal a 'oj 'ochn̈j et'oc. Ma'oj ach yactcani, masnto 'oj lajwc c'och smasnil munljel 'oj 'a b'o 'a yatut Jehová cha.

2 Cr 15:7

Palta ax xo tic, caw te'n tzeyutj e b'a, man̈ eyac' chab'c'ojlal, yujto 'oj pactzaxc e munljel, xchi Azarías 'a eb'.

2 Cr 20:11

A ticnec, a tzyutj eb' spactzan 'ayn̈ on̈, yujto ma'ix quij 'ec' slum eb' chi 'on̈. Tznib'j eb' tzyac' owl quet' on̈ yic tzon̈ yi'n 'el eb' 'a lum a lum 'ix 'ac' qui macloc tic on̈.

2 Cr 20:7

Ach qui Diosal on̈, ach 'ix ej 'el eb' 'anma cajn 'a sat lum lum tic, atn 'aj 'ayn̈ 'ec' an̈ israel on̈ tic on̈. 'Ix ac' lum 'a smasnil tiempo 'ayn̈ an̈ yin̈tl on̈ Abraham tic on̈, atn jun a wach'c'ojol.

Salmos 27:14

Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.

Dn 10:19

Xyaln 'ayn 'ixtic: Man̈ ach xiwoc. Caw tzach schamc'ojlej Dios. Cojn to tza te'wtzej a b'a, xchi. A yic wanto spaxtin 'ayn cha, 'ix 'ochx wip si'mb'il xwab'i, xwaln 'a 'ixtic: Ach wajlil, paxtinan̈ 'ayin, yujto caw wal x'ochx wip oj tzwab'i, xin chi 'a 'a.

Hageo 2:4

Palta man̈ a chab'c'ojloc a b'a ach Zorobabel, ach Josué yet' ex chon̈ab'. Munljan̈ec, yujto an Jehová in, tztac' wuj smasnil, 'ayn 'ec' eyet'oc.

Zacarías 8:9

A Jehová tztac' yuj smasnil, a tzaln 'ixtic: Te'n tzeyutj e b'a, ex to wan eyab'n jun tzo'n̈ paxti 'ix yalcn 'el eb' in checb' 'a yictax x'ejm yipnub'al yich watut sb'o'i, an Jehová in tztac' wuj smasnil.

Nm 26:53

'Oj pojxoc 'ec' lum lum 'a eb' 'anma tic, a tzyal jantc sb'isl eb' 'a junjn 'in̈tal, 'icha wal x'aj eb' stz'ib'xi.

Nm 33:53

A yic tzeya'n ganar eyi'n 'ec' lum lum cha, yajn̈j cha, tze b'on 'och e b'a 'a sat lu'um, tzex can cajn 'a 'a, yujto an tzwac' e caj lu'um.

1 Co 16:13

Macwjan̈ec, caw te'n tzeyutj e b'a eya'n 'och e c'ojl 'a Cajlilec. Man̈ ex xiwoc. Caw tze te'wtzej e b'a junjn ex.

Ef 6:10

A ticnec ex wu'tac, ex wanab', caw te'n tzcutjec qui b'a 'a yol sc'ab' Cajlilec. 'Och cab' qui te'nalec yuj spoder.

Dt 1:21

A Jehová qui Diosalec, a tz'a'n lum 'ayn̈ec. A ticnec 'ochn̈ec 'a sat lu'um, 'ijec 'ec' lum 'icha 'ix yutj Jehová yalni, atn qui Diosalec yet' eb' qui mam quichmec. Man̈ ex xiwoc, may cab' mach tzchab'c'ojlej sb'a, xin chi 'ayex.

Dt 1:8

An ton 'ix wac' jun lum chi 'ayex. A ticnec 'ixquec, 'at cajc lu'um, yujto wa'jnac in ti 'a eb' e mam eyicham, atn Abraham, Isaac, yet' Jacob to tzwac' lum 'a yin̈tl eb', xchi Dios 'ayn̈ec.

Dt 11:8

Yuj cha, yicljec smasnil jun tzo'n̈ checnb'il wan waln can 'ayx tic, sec caw te'n tzeyutj e b'a yic tzeyi'n 'ec' lum lum 'oj 'och eyico'oc 'a sc'axpil 'ec' a Jordán cha,

Dt 31:23

'Ix yaln Jehová jun checnb'il 'ixtc 'a Josué win yunnal Nun: Caw te'n tzotj a b'a, man̈ ach xiwoc, 'aynn̈ej 'ec' et'oc, yujto ach 'oj e'ch eb' israel tic 'a sat lum lum 'aj 'ix wac' in ti wa'n 'ayex, xchi.

2 Ti 2:1

Ach xo, 'icha wal to wunnal ach. Caw te'n tzotj a b'a yuj swach'c'ojlal Dios tzyac' 'ayon̈, yujto junxn̈ej caj yet' Cristo Jesús.

Josué 1:18

Tzann̈j mach matz yiclni mto tztenn tas tzala, tojl cab'n̈ej schami. Cojn tas tzcal 'ayach, to te'n tzotj a b'a, man̈ ach xiwoc, xchi eb' 'a Josué.

Josué 1:7

A tas tzwal 'ayach, to tza te'wtzej a b'a, man̈ ach xiwoc, tza yiclni smasnil jun tzo'n̈ ley 'ix yalcn win in checb' Moisés 'ayach. Wach' tzotj a yiclni smasnil, sec wach'n̈j 'oj el'ch yet' tas 'oj a b'o'.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Josué 10:25

'Ix yaln Josué 'ixtic: Man̈ ex xiwoc, may cab' e chab'c'ojlal; caw te'n tzeyutj e b'a eya'n owal, yujto 'ixtn tic 'oj yutc Jehová smasnil eb' 'ajc'ojl yajch 'ayn̈ec, xchi.

Josué 13:6

Ax eb' cajn 'a lum jolmctac witz 'a yol yic Líbano, masnto 'a Misrefot-maim, yet' smasnil eb' sidonio. An 'oj wi'l smasnil jun tzo'n̈ 'anma chi 'a eyojltac ax israel ex tic. Ach 'oj a po'jc lu'um, ax a'n lum yico'oc eb' et chon̈b' tic, yic tz'ochcn lum smacl lumoc eb', 'icha wal yaj waln can 'ayach.

Josué 18:3

Yuj cha, xyaln Josué 'ixtc 'a eb': —¿B'a'n̈ wal 'oj e c'och cajn 'a sat lum lum 'ix yac' Jehová sti ya'n 'ayn̈ec, atn qui Diosalec yet' eb' qui mam quichmec?

Josué 21:43

'Ixtn tic wal xyutj Jehová ya'n can smasnil lum lum tic 'a eb' israel, atn lum 'aj ya'jnac can sti ya'n 'a eb' smam yichm eb'. 'Ix sb'on 'och sb'a eb' 'a sat lu'um, xlajw cha, xcan cajn eb' 'a 'a.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.

A Ch'an̈ B'ab'el Libro Samuel 4:9

Caw te'n tzcutjec qui b'a an̈ soldado filisteo on̈ tic yic tzon̈ 'ochc 'a owl yet' eb' hebreo cha, sec matz on̈ 'ochc can schecb'oc eb', 'icha x'aj eb' cujec, xchi eb'.