Josué 1:5 - Chuj San Sebastian Bible

⁵ May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.

Chuj San Mateo Bible

⁵ Malaj junoc mach ol stec'b'ej sb'a yac'an oval ed'oc yujto ayinn̈ejoch ed'oc d'a masanil tiempo, icha ix aj vochn̈ej yed' vin̈aj Moisés chi'. Malaj b'aq'uin̈ ol ach vactejcani.

Josué 1:5 Iomraidhean Croise

Gn 39:2

Palta a Jehová a 'aych yet' José, yuj cha, caw jeln x'aj 'el'chi yic 'ayc' 'a yatut spatron̈ cha.

A Ch'an̈ B'ab'el Libro Yic Yab'ixal Eb' Rey 1:37

'Icha 'ix 'aj scolwj Jehová et'oc, 'ixta pax cab' 'oj 'aj scolwj yet' ni Salomón, caw wal niwquil cab' 'oj 'el'choc yopiso ni 'a eb'an̈, xchi winac.

A Ch'an̈ B'ab'el Libro Yic Yab'ixal Eb' Rey 11:38

Toto 'oj a b'o smasnil tas 'oj wac' a b'o', wach' 'oj otc a b'a, toto 'oj a b'o tas tojl 'a in sat, ax a yiclni in ley yet' in checnb'il, 'icha ya'jnac in checb' David, toto 'ixta', 'aynn̈ej 'ec' et'oc. Caw 'oj wa'ch opiso 'a jun 'ejmn̈ej, 'icha wutjnac wa'n yopiso David cha, ax wa'n 'och chon̈b' Israel tic 'a yol a c'ab'.

A Ch'an̈ B'ab'el Libro Yic Yab'ixal Eb' Rey 6:13

'Oj in can cajn 'a e cal ax israel ex tic, ma'oj ex wactcani, xchi Dios.

A Ch'an̈ B'ab'el Libro Yic Yab'ixal Eb' Rey 8:57

A ticnec, 'ayc'n̈ej cab' Jehová qui Diosalec quet'oc, 'icha ya'jnac yet' eb' qui mam quichmec. May cab' b'a'n̈ tzon̈ yactjec can qui ch'ocoj.

1 Cr 28:20

¡'Ac' ep, te'n tzotj a b'a, 'och cab' munljel! Man̈ ach xiwoc, man̈ a chab'c'ojloc a b'a, yujto a Jehová qui Diosal a 'oj 'ochn̈j et'oc. Ma'oj ach yactcani, masnto 'oj lajwc c'och smasnil munljel 'oj 'a b'o 'a yatut Jehová cha.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Ex 3:12

'Ix ta'w pax Jehová, 'ix yaln 'ixtic: —Wal yel an 'oj woch et'oc, 'ay jun ch'oxnb'il 'oj wac' 'ayach, chajtlto an tzach in checb'ti. Ax yic tox 'ix 'elt eb' in chon̈b' chi oj 'a Egipto cha, ax wul eya'nc 'ejm e b'a 'ayn 'a jun witz tic, xchi Dios.

Is 42:16

A eb' matz uj yilni, 'oj wi't eb' 'a jun tzo'n̈ b'e to man̈ yojcoc. A q'uic'q'uinal, sacq'uinl 'oj wutc can 'a yojltac eb', ax wa'n pan̈ljoc eb' lum ch'olctac. Yowlal 'oj wac' 'el'choc jun tzo'n̈ tic 'a eb', ma'oj wactc can eb' schoc'oj.

Jeremías 1:8

Man̈ ach xiw 'a eb' 'aj tzach in chec cha. An tic, 'aynn̈ej 'och et'oc yic tzach in colni, xchi 'ayin.

Dn 11:16

A jun 'oj 'a'nc ganar cha, 'oj sb'on̈j tas 'oj snib'c 'a jun 'oj lajwc 'el yuj cha. May xon junc mach 'oj stac' ste'wtzan sb'a 'a yojltac. 'Oj 'och 'a sat lum lum caw wach' yilxi, atn slum eb' israel, ax satn 'el smasnil tas 'oj snib'c satli.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Ro 8:37

Wach'xam 'oj jawc jun tzo'n̈ tic 'a quib'n̈ec, palta caw 'oj ca'c ganar yuj jun 'ay schamc'ojlal 'ayn̈ec.

Dt 20:1

A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

Dt 20:4

yujto a Jehová qui Diosalec a 'aych quet'ec. A 'oj 'a'nc owl yet' eb' 'ajc'ojl cha, a 'oj 'a'nc ca'c ganar, xchi cab' winac.

Dt 31:23

'Ix yaln Jehová jun checnb'il 'ixtc 'a Josué win yunnal Nun: Caw te'n tzotj a b'a, man̈ ach xiwoc, 'aynn̈ej 'ec' et'oc, yujto ach 'oj e'ch eb' israel tic 'a sat lum lum 'aj 'ix wac' in ti wa'n 'ayex, xchi.

Dt 4:31

Yujto a Jehová qui Diosalec, caw wach' snab'en. Ma'oj ex yactc can e ch'ocoj, ma'oj ex satl e masnil. Ma'oj sat sc'ojl 'a strato sb'ojnac yet' eb' qui mam quichmec, caw 'oj 'el'choc tas yaljnac cha.

Dt 7:24

A 'oj 'a'nc 'och sreyl eb' 'anma chi 'a yol e c'ab', ax e satn 'el eb', man̈x 'aj 'oj b'inaxc eb' 'a yolyib'n̈q'uinl tic. May wal junc eb' 'oj stac' scoln sb'a 'ayex, c'uxn 'oj e satl eb' smasnil.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.

Josué 1:17

'Icha wal xcutj qui yiclni tas xyal Moisés 'ayn̈ on̈, 'ixtnta 'oj qui yiclc pax tas tzal 'ayn̈ on̈. Cojn b'i'an, 'och cab' Jehová qui Diosalec et'oc, 'icha 'ix yac' yet' Moisés.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Josué 10:8

'Ix yaln Jehová 'ixtc 'a Josué cha: —Man̈ ach xiw xon jac yuj ewinac, yujto an 'oj wac' ewin 'a yol e c'ab', may xon wal junc win 'oj ste'wtzoc sb'a ya'n owl eyet'oc, xchi.

Josué 21:44

A Jehová, xyac' 'el'choc smasnil tas 'aj ya'jnac can sti', xya'n can junc'ojlal 'a sat smasnil lum lum cha. Man̈x 'ic stac' ste'wtzan sb'a eb' 'ajc'ojl 'a eb' israel, yujto a Jehová, a x'a'n eb' 'anma chi 'a yol sc'ab' eb'.

Josué 3:7

Xlajw cha, xyaln Jehová 'ixtc 'a Josué: A ticnec, tz'el yich ach wi'n chan̈ yet' opiso 'a sat eb' et israelal tic, sec 'oj yil eb' to 'ayn 'och et'oc, 'icha 'ix wac' yet' Moisés.

Josué 6:27

A Jehová caw wal xcolwj yet' Josué, yuj cha, 'ix puc yab'xil 'a smasnil jun tzo'n̈ lugar cha.

Jueces 2:18

A yic tzya'n 'och Jehová junc mach tzcolwj cha, ax tzcolwj yet'oc. Ya' sb'a pitznto jun colwjum cha, caw tzcolx 'el eb' 'a yol sc'ab' eb' 'ajc'ojl yu'uj. A yic tz'el yaw eb' yab'n syail, caw tz'o'ch sc'ojl Jehová 'a eb'.

Jueces 6:16

Palta xyaln pax Jehová 'ixtc 'a 'a: —'Oj stac' o'oj, yujto an 'ayn 'och et'oc. 'Icha tz'aj yem junc winc to may mach tzcolni, 'ixta 'oj 'aj eb' madianita chi yem o'oj, xchi.

A Ch'an̈ B'ab'el Libro Samuel 10:7

A yic 'oj elnc jun tzo'n̈ tic, tza b'on tas 'oj yac' Dios a b'o', yujto a 'oj colwjoc et'oc.