Josué 1:11 - Chuj San Sebastian Bible

¹¹ 'Ixquec 'a smasnil camplamento, tzeyaln can 'a eb' 'anma', to tzyac' lista eb' tas tzc'uxu, yujto chab'ej tzon̈ 'e'c 'a yojl a Jordán yic tz'at qui chanec lum lum tzyac' Jehová qui Diosalec quico'oc, xchi 'a eb'.

Chuj San Mateo Bible

¹¹ Ixiquec d'a masanil campamento, tzeyalani to syac' lista svael eb' anima smasanil, yujto a chab'ej tzon̈ c'axpajec' d'a a' Jordán, yic syac'ancan lum luum chi' Jehová co Diosal quicoc, xchi vin̈.

Josué 1:11 Iomraidhean Croise

A Ch'an̈ Schab'il Libro Yic Yab'ixal Eb' Rey 20:5

Meltzjan̈, 'at al 'a Ezequías syajlil in chon̈ab', to an Jehová in, e Diosal in yet' e mam 'ichm David, an tzwal 'ixtic: Tox 'ix wab' a lesal, 'ix wil yelt yal a sat oq'ui, yuj cha, 'oj wac' b'oxc a c'ojol, ax chab'ej tzach 'at 'a watut an Jehová 'in tic.

Ex 19:11

Sb'o cab' sb'a eb', ax chab'ej tzin 'emli, 'oj in ch'ox in b'a 'a smasnil eb' chon̈b' 'a sjolm lum witz Sinaí tic.

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Dt 11:31

Ax tic, jab'xoj wal sc'och stiempoal eye'cn 'a yojl a Jordán cha, ax e c'och 'a sat lum lum tzyac' Jehová e caja'.

Dt 3:18

A 'a jun tiempoal cha, ata xwalcn jun tzo'n̈ checnb'il tic 'a eb' yin̈tl Rubén, 'a eb' yin̈tl Gad, yet' 'a spacl eb' yin̈tl Manasés. 'Ix waln 'a eb' 'ixtic: A Jehová qui Diosalec, a tz'a'n jun lugar tic eyico'oc. Jantcn̈ej ex to tztac' eya'n owal, 'ijec eyamc'ab' yic owl cha, tzlajw cha, tzex b'ab'lj yuj eb' quit israelal tic.

Dt 9:1

'Ix yaln pax Moisés 'ixtic: Ex wit chon̈ab', 'ab'tec tas 'oj wala'. 'Ix c'och stiempoal eyec' 'a yojl a Jordán yic tze satn 'el jun tzo'n̈ niwc nacion̈. Caw jeln eb' 'a eyib'an̈, caw niwc jun tzo'n̈ schon̈b' eb', oyn 'och smuroal schon̈b' eb' cha, 'ayb't pax 'a cha'an̈.

Josué 1:10

Xlajw xoj cha, 'ix yaln Josué 'ixtc 'a eb' yajl yaj 'a scal eb' chon̈b' cha:

Josué 1:2

Chamnc xo win in checb' Moisés, ax ticnec b'i'an, achxo 'oj a jucb'tzoc eb' 'anma tic, yic tzach 'ec' yet' eb' 'a yojl a Jordán, ax a c'och yet' eb' 'a sat lum lum tzwac' eyico'oc.

Josué 3:2

Xlajw yec' 'oxe c'u cha, 'ix 'ec' eb' yajl yaj 'a scal eb' 'a camplamento.