Jonás 3:10 - Chuj San Sebastian Bible

¹⁰ A yic xyiln Dios sjeln eb' 'aj Nínive snab'en, 'ix yactn can eb' stu b'eyb'al, yuj cha, 'ix sjeln snab'en 'a yib'n̈ eb' 'anma cha, xyalni to mant 'oj yac' lajwc 'el jun chon̈b' cha, 'icha xyutj ya'n alxc 'eli.

Chuj San Mateo Bible

¹⁰ Ayic ix yilan Dios to ix sna sb'a eb' aj Nínive chi', ix yactancan schuc b'eyb'al eb', ix snaani to man̈ ol satel jun chon̈ab' chi' icha ix yutej schecan alchajeloc.

Jonás 3:10 Iomraidhean Croise

1 Cr 21:15

'Ix schecn cot jun yángel 'a Jerusalén yic tzya'n lajwoc. Palta ax yic xyilni to yelc'ojlal tzlajw 'el yu'uj, yuj cha, 'ix snan sb'a sc'ojl yuj jun yailal cha, 'ix yaln 'ixtc 'a jun yángel wan smilw cham 'anma cha: ¡Colb' cha, 'ochn̈ wa'an! xchi 'a 'a. A jun yángel Jehová cha, ata 'ayc' 'a 'aj wan ste'w trigo Ornán win jebuseo.

Ex 32:14

Xlajw cha, 'ix sjeln Jehová snab'en yic matz satl eb' schon̈b' cha.

Pr 28:13

A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Jeremías 18:7

Q'uinloc an tic, tzin nalb'ej in satn 'el junc nacion̈, mto tzin nalb'ej wi'n 'el junc mach 'a yopiso,

Jeremías 18:8

palta toto a junc nacion̈ cha, tzyij 'el sb'a 'a scal maysch'olnil, to 'ixta', man̈xtzac wa' cot jun yailal chi nab'ilx wuj 'a yib'an̈.

Jeremías 36:3

'Awtj yab' eb' 'aj Judá, toq'ue a yic 'oj yab'nc eb' yuj jun tzo'n̈ yailal to nab'il wa'n cot 'a yib'an̈, toq'ue yuj cha, ax yactn can eb' smaysch'olnilal, to 'ixta', 'oj wac' lajwc smul eb' 'a yib'an̈, xchi Dios 'ayin.

Jeremías 42:10

Toto tzchaj e c'ojl tzex can cajn 'a jun lum tic, caw 'oj ex wac' q'ue'choc yet' tas 'ay 'ayex. Man̈x 'oj ex in satli, caw wal ya 'ix wab'i, yujto 'ix wa' cot jun niwquil yailal chi 'a eyib'an̈.

Jl 2:13

Man̈ colb'ilc ton̈j tze tziljat e pichul, palta cus cab' e c'ojl yuj e mul. Meltzjan̈c 'a Jehová qui Diosalec, yujto caw wach' snab'en 'ayn̈ec. Caw tz'o'ch sc'ojol, 'ay sniwnc'ojlal, 'ay pax schamc'ojlal, tzchaj sc'ojl yi'n 'el jun yailal tic 'a quib'n̈ec.

Am 7:3

Yuj cha, snan Jehová yuj jun tic, 'ix yaln 'ixtic: —A jun tic, ma'oj ujoc, xchi.

Am 7:6

Yuj cha, 'ix snan Jehová yuj jun tic, 'ix yaln 'ixtic: —Ma'oj ujc pax jun tic, xchi.

Jonás 4:11

An xo pax tic, ¿tom an to wal ma'oj cus in c'ojl yuj jun niwquil chon̈b' Nínive tic? 'Ec'b'al 120 mil 'anma mant 'a snab'en, mant yojcoc 'aj 'ay swach'il yet' tas maysch'olnil, til pax no noc', xchi Dios.

Jonás 4:2

Yuj cha, 'ix leslwi 'a Jehová, xyaln 'ixtic: —'Ilt wal nab'n Mamin Jehová, atn wal jun tic xin na'a, yic 'aynto 'ec' 'a in chon̈ab', yuj cha, xwa'n wip in 'at 'elc 'ayach, yic tzin 'at 'a España walni. Yujto wojtac to Dios ach, caw wal 'ay a niwnc'ojlal, man̈ c'unoc scot owal. A yic tzalni to 'oj a'ch junc yailal, palta yajn̈ej tznan pax sb'a a c'ojol, yujto caw tz'o'ch a c'ojol.

Lc 11:32

A eb' 'anma 'a Nínive pecti', a yic 'ec' yalnc win Jonás yab'xil Dios 'a scal eb', caw snajnac sb'a eb'. An xo tic 'ayn 'ec' 'a tic, 'ec'b'al wel'ch 'a yib'n̈ win Jonás cha, palta matz e na e b'a. Yuj cha, a yic 'oj jawc jun c'u yic 'oj e b'eyc'ojlaxi, a eb' 'aj Nínive cha, 'oj q'ue wan eb', ax yaln eb' e mul, xchi Jesús.

Lc 15:20

Yuj cha, 'ix paxt win 'a 'aj c'ochnc cha. Ax yic najt to wal sjawi, 'ix yiln sb'a smam cha, caw x'o'ch sc'ojl 'a 'a. 'Ix 'at schanoc. Caw carela x'ati. Xlajw sc'ochi, 'ix sla'n coti, stz'ub'n 'elt sti jun yunnal chi yuj tzaljc'ojlal.