Jonás 2:2 - Chuj San Sebastian Bible

² 'Ix yaln 'ixtic: A wal 'a scal in yailal in 'awj 'aych Mamin Jehová. Ach ta'w 'ayin, yic 'ayn 'ec' wal 'a xab'l yich yet'l chamel. Ata in 'awj 'ayach, 'ix ab'n tas xwala.

Chuj San Mateo Bible

² Mamin Jehová, a val d'a scal in yaelal ix in avaj d'ayach. Ix ach tac'vi d'ayin ayic ayinec' d'a chamel. Ata' ix in avaj d'ayach, ix ab'an tas ix vala'.

Jonás 2:2 Iomraidhean Croise

2 Cr 33:12

Palta ax yic xyab'n wal syal cha, 'ix leslwi 'a Jehová sDiosal, xyi'n 'ejm sb'a si'mb'il 'a yojltac sDiosal yet' eb' smam yicham.

Salmos 116:3

A yailal yic chamel, in sjal 'ejm c'otan. 'Ix jaw xiwc'ojlal yic chaml chi 'a wib'an̈. A yailal yet' cusc'ojlal xin chaj in b'a yet'oc.

Salmos 120:1

A yic 'ayn 'och 'a in somc'ojlal, ax 'aych Mamin Jehová ata xwal in b'a, yuj cha, in a ta'wni.

Salmos 16:10

Yujto ma'oj actc can in pixn 'a scal eb' chamnac, ma'oj a cha c'a in niwnal an sic'b'iln 'el oj tic.

Salmos 22:24

Yujto a Jehová ma'ix spatquilj can 'el eb' 'ay syailal yet' eb' 'ay somc'ojlal. Man̈ ton̈joc 'ix yilcn 'och eb', ma'ix sc'ub'j pax 'el sb'a 'a eb'. A yic sc'ann eb' scolwal, yajn̈ej 'ix yab'ni, 'oj in chic 'a eb'.

Salmos 34:6

'Ix wal in b'a 'a 'a, yujto caw 'oltac wilxi; yajn̈ej 'ix yab'ni, in scoln can 'el 'a scal smasnil in somc'ojlal.

Salmos 4:1

Ach in Diosal, ach tzin a b'oyaj 'a stojlal, ta'wj in yic tzin 'awj 'ayach. A yic ya waji, ach xo in ac' b'oxoc. 'O'ch cab' wal a c'ojl 'ayn ticnec, tzab'n in lesl tic.

Salmos 61:2

'Ayn 'ec' 'a 'aj tzlajw wul sti lum lum tic yic tzin 'awj 'ayach, yujto caw tz'el yip in pixn tzwab'i. 'Ij in 'at 'a 'aj 'ay junc niwquil q'ue'en, 'a'n can q'ue 'a yib'an̈, sec tzin colchji.

Salmos 65:2

Smasnil 'anma tzjaw 'ayach, yujto tzab'n̈j slesl eb'.

Salmos 86:13

Yujto yel xo wal niwn a chamc'ojlal 'ayin, yuj cha, ma'in a chaj 'ejm 'a yol sjul-l eb' chamnac.

Is 14:9

A yic 'oj c'och jun tu snab'en chi 'a yol lum 'aj 'ay smasnil eb' chamnac, caw 'oj sat sc'ojl eb' yu'uj, ax scot eb' wul scha'. 'Icha to 'oj 'el swayn̈ eb' yu'uj, ax wul schanc eb' niwc yajal, eb' ya'jnac reyl 'a yolyib'n̈q'uinl tic. 'Oj q'ue wan eb' 'a yol xila, ax wul schanc eb'.

Lm 3:55

Palta yajn̈ej xwaln in b'a 'aych Mamin Jehová, yic 'ayn 'ec' 'a xab'l yich jun oln cha.

Ez 26:20

'Oj in julcn 'ejm 'aj 'ayc' eb' 'anma chamnc 'a pecti'. 'Oj in julcn 'ejm 'a xab'l yich lum lu'um, 'icha 'ajnc jun tzo'n̈ xo chon̈b' satnc 'el 'a jun 'ejmn̈ej. Man̈x 'a b'a'n̈ 'oj 'ochx chon̈b'al, man̈x 'a xon eb' 'anma 'oj cajnoc.

Ez 31:14

Man̈x 'a junc te te 'oj q'uib' 'icha jun tic, smasnil eb' te tzq'uib' 'a sti eb' a a cha, wach'xam 'aych yalil eb' te', palta man̈x 'a junc te 'oj 'ec' stel 'a eb' te yit tel cha. Smasnil eb' yajl 'a yolyib'n̈q'uinl to lajn snab'en 'icha jun te tic, 'ayx 'och chaml 'a yib'n̈ eb'. 'Oj cham eb' 'icha tz'aj scham eb' comn 'anma', ax s'atcn eb' 'a campusan.

Mt 12:40

A Jonás cha, 'oxe c'u, 'oxe 'ac'wl 'e'nc 'a yol sc'ojl jun niwquil chay. 'Icha 'ajnc Jonás cha, 'ixta 'oj waj pax an 'Ochnc in 'Anmal tic. 'Oxe c'u, 'oxe 'ac'wl 'oj wec' 'a yol lu'um.

Lc 11:10

Yujto a eb' tzc'anni, 'oj scha eb'. Ax eb' tzsayni, 'oj chax yuj eb'. An̈jtona', eb' tz'awj 'och 'a te puerta, 'oj jacxoc te 'a eb'.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

A Tas Sc'ulejnac Eb' Schecab' Jesús Hechos 2:27

Yujto ma'oj actc can in pixn 'a scal eb' chamnac. Ma'oj a cha c'a in niwnal an sic'b'iln 'el oj tic.

A Ch'an̈ Carta D'a Eb' Hebreo 5:7

A yic yec' Cristo 'a yolyib'n̈q'uinl tic, leslwnac, sc'ann tas 'a Dios. Caw 'ip leslwnac, caw wal 'o'nac. Ax Dios a 'ay spoder scoln 'el 'a yol sc'ab' chamel. Yab'jnac Dios slesl Cristo, yujto 'emmquilal yutjnac sb'a 'a 'a.

A Ch'an̈ B'ab'el Libro Samuel 1:16

Man̈ a na to tu tas wan in b'on an a checb' in tic, yujto at 'ijnoc in leslwi tic yuj jun in q'uixwc'ojlal yet' pax yuj in cusc'ojlal, xchi 'ix.

A Ch'an̈ B'ab'el Libro Samuel 30:6

Caw 'ix 'och 'il David si'mb'il, yujto snib'j eb' winc ajun yet' chi sjul q'uenej. Chab'c'ojlal xoj yaj eb' smasnil, yuj tas 'ix 'aj yunnal eb', yisl eb' cha. Palta xya'ch David chi snab'en 'a Jehová sDiosal.