Jonás 1:12 - Chuj San Sebastian Bible

¹² —Julnec can 'at 'a yojl a mar tic, sec 'oj 'och numn a'. Wojtac, chajtlto wu'uj tzjaw jun tic 'a q'uib'n̈ec, xchi Jonás cha.

Chuj San Mateo Bible

¹² Ix yalan vin̈ icha tic: Yumineccanb'at d'a yol a' mar tic, yic svanaj a', vojtac to vuuj sjavi jun tic d'a quib'an̈, xchi vin̈.

Jonás 1:12 Iomraidhean Croise

A Ch'an̈ Schab'l Libro Samuel 24:17

A yic 'ix yiln David jun ángel tz'a'n lajwc chon̈b' cha, 'ix yaln 'a Jehová 'ixtic. —¡An ton 'ay in mul. An 'ix in b'o tas maysch'olnil tic! Toc 'ay smul jun tzo'n̈ eb' 'anma tic. Tzin tew wal 'ayach, to a cab' 'a wib'an̈ yet' 'a yib'n̈ eb' win̈til, ata tz'och jun yailal tic, xchi David.

1 Cr 21:17

'Ix yaln David 'ixtc 'a Dios: —¡Mamin, an 'ix wala to tz'ijx chan̈ sb'isl eb' chon̈ab', caw an 'ix 'och in mul, wal yel an xin b'o jun maysch'olnil tic! Palta ¿tom 'ay tas tu sb'o jun tzo'n̈ 'anma may smul tic? Mamin Jehová ach in Diosal, a ticnec a jun yailal tic, cotcn cab' 'a wib'an̈, yet' 'a yib'n̈ win̈til, palta 'actj a'n 'och yailal 'a yib'n̈ jun a chon̈b' tic, xchi.

Job 35:8

A eb' quit 'anma'il, a eb' tz'ixtx 'el yuj a mul; a pax eb', wach' tz'el'ch yuj tas wach' tza b'o'o.

Ec 9:18

Yel xo niwn yel'ch jelnal, 'a yib'n̈ yamc'ab' yic owal, yujto yel xo niwn tas tzjuw 'el cujec toto man̈ wach'c tzcutjec qui nani yic tzqui b'on junc tas.

Jonás 1:13

Ax eb' ch'umn barco cha, 'ix yac' eb' yip sch'umn 'at te', sec tz'el'ch eb' yet' te 'a 'aj 'ay sti lum lu'um, palta man̈xtoc stac' yuj eb', yujto caw yelc'ojlal tzowb' chan̈ a mar cha.

Jn 11:50

Matz nachj 'el eyu'uj, to yel xo wach' 'ayn̈ec, toto tzcham jun chi sjelc eb' 'anma smasnil. Toto 'ixta', ma'oj lajwc 'el eb' quit chon̈b'ec tic smasnil, xchi winac.

A Tas Sc'ulejnac Eb' Schecab' Jesús Hechos 27:24

'Ix yaln jun ángel chi 'ayn 'ixtic: Pablo, man̈ ach xiwoc, yujto yowlal 'oj a c'och 'a yojltac win yajl 'a Roma. Ojn̈ej, ax scoln 'el Dios eb' 'ayc' et' 'a yol te barco tic smasnil, xchi jun ángel chi 'ayin.

Josué 7:12

Yuj cha, matz tac' ste'wtzan sb'a eb' 'a yojltac eb' 'ajc'ojl cha. To smoj wal satl eb', 'oj 'atx eb' 'elc yuj eb' 'ajc'ojl cha. Toto ma'oj e satl jun tzo'n̈ chi 'a e cal, atn jun tzo'n̈ xwal to yowlal tzsatx 'eli, 'oj wi'l in b'a 'a e cal, man̈x 'oj in colwj eyet'oc.