Jn 9:8 - Chuj San Sebastian Bible

⁸ Ax eb' 'ay 'a stz'ey yatut winac, yet' jun tzo'n̈ xo eb' toxn 'ojtnac winac, to matz uj yiln xon winac, 'ix laj yalnc eb' 'ixtic: —A jun winc tic, 'icha to a jun tz'em wocn sc'an stumin, xchi eb'.

Chuj San Mateo Bible

⁸ Axo ix yilan eb' ay d'a spatic schiquin spat vin̈ yed' juntzan̈xo eb' tz'ilantaxon sc'anan stumin vin̈, ix laj yalan eb': —¿Tom man̈oc jun vin̈ tic tz'em c'ojan c'anoj tumin? xchi eb'.

Jn 9:8 Iomraidhean Croise

Mr 10:46

Xlajw cha, 'ix c'och Jesús 'a chon̈b' Jericó yet' eb' scuywum, ax yic x'atx eb', til wal 'anma x'at yet' eb'. Ax 'a sti b'e, ata 'ay jun winc wocn 'ejmi, Bartimeo sb'i, yunnal Timeo. Matz 'uj yiln winac, ton̈j tzc'an win jac siylab' 'a eb' 'anma'.

Lc 1:58

Ax eb' 'ay 'a stz'ey 'ix, yet' eb' yican, 'ix laj yab'nc eb' chajtlto sch'ox Dios swach'c'ojlal 'a 'ix. Yuj cha, caw xlaj tzalj eb' yet' 'ix jun xo.

Lc 18:35

Ax yic wan sc'och Jesús 'a chon̈b' Jericó, 'ay jun winc matz uj yilni, wocn 'ejm win 'a sti b'e. Wan sc'ann win jac siylab' 'a eb' 'anma tzb'ey 'a b'e cha.

Jn 9:9

—Atn winac, xchi jun tzo'n̈ xo eb'. —Ma'ay, a jun winc tic, to ton̈j lajn yilx yet' jun matz uj yiln cha, xchi jun tzo'n̈ xo eb'. Palta xyaln win 'ixtc 'a eb': —An ton tic, xchi winac.

Rt 1:19

Xlajw cha, 'ix cot eb' schawn̈il b'i'an, masnto xjaw eb' 'a Belén. A yic xjaw eb' 'a jun chon̈b' cha, smasnil eb' 'anma 'ayc' ta', caw 'ix sat sc'ojl eb' yiln eb'. 'Ix yaln eb' 'ix 'ix 'ayc' ta': —¿Man̈oc am 'ix Noemí tzjaw tic? xchi eb'.

A Ch'an̈ B'ab'el Libro Samuel 2:8

Ach tzej chan̈ eb' meb'a', tze'n pax chan̈ eb' c'anm limosna, sec tz'och yopiso eb' yet' eb' niwc winac. Yujto Jehová ach, ach 'ay ec jun tzo'n̈ sb'achnub'al yich lum lum tic, ach 'ix a b'achcn q'ue jun yolyib'n̈q'uinl tic 'a yib'an̈.

A Ch'an̈ B'ab'el Libro Samuel 21:11

'Ix yaln eb' soldado win Aquis chi 'ixtic: —¿Tom man̈oc jun David sb'i tic, win 'icha rey yaj 'a chon̈b' Israel? ¿Tom man̈oc jun tic tzb'itnax yuj eb' 'ix 'ix yic tzya'n eb' chan̈al 'a yic tzyaln eb' 'ixtic: 'Ec'b'al jun mil eb' smil cham Saúl, ax David 'ec'b'al lajn̈e mil eb' smil chamoc, xchi eb' 'ix? xchi eb' checb' cha.