Jn 9:22 - Chuj San Sebastian Bible

²² 'Ixta xyutj eb' yalni, yujto caw xiw eb' yaln yuj ewin yajl 'a scal eb' 'aj Judea cha. Yujto tox 'ix yal ewin yajl chi 'ixtic: Toto 'ay eb' 'oj alnoc, chajtlto a Jesús atn Cristo, 'oj qui pechc 'el eb' 'a yol qui capiya tic, xchi ewin yajl cha.

Chuj San Mateo Bible

²² Icha chi' ix yutej eb' yalani, yujto xiv eb' yalan yuj eb' vin̈ yajal d'a scal eb' aj Judea chi'. Yujto toxo ix yal eb' vin̈ yajal chi': Tato ay eb' ol alanoc to a Jesús aton Cristo, ol co pechel eb' d'a yoltac spatil culto, xchi eb' vin̈.

Jn 9:22 Iomraidhean Croise

Pr 29:25

Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

Jn 1:19

A jun 'el, 'ay jun tzo'n̈ eb' israel 'aj Jerusalén, 'ix checn 'at jaywn̈ eb' ya'mal 'och sti eb' 'anma 'a Dios, yet' jaywn̈ eb' yin̈tl Leví. A 'a Juan Bautista, ata xc'och eb'. 'Ix sc'anb'n eb' 'ixtc 'a 'a: —¿Mach ach? xchi eb'.

Jn 16:2

Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

Jn 19:38

'Ay jun winc José sb'i, 'aj chon̈b' Arimatea. A jun cha, scuywum Jesús, palta c'ultacn̈ej yaji, yujto caw tzxiw yab'n eb' 'aj Judea. 'Ix xit' sc'an spermiso 'a win Pilato, sec tzyij 'emt win sniwnal Jesús, tz'at smucnoc. Ax win Pilato cha, sta'wni win 'a 'a. Yuj cha, 'ix 'at yi'nc 'emta, 'ix yi'n 'ati.

Jn 20:19

An̈ja 'a jun domingo chi 'a sq'uic'b'alil, 'ix syam sb'a eb' scuywum Jesús. Caw sin̈n̈i xyutj eb' sch'apn jun n̈a cha, yujto tzxiw eb' 'a ewin 'aj Judea cha. Ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi 'a eb'.

Jn 7:13

Palta c'ultac tzlaj yal eb' yu'uj. May junc eb' 'ip yaln 'a scal eb', yujto tzxiw eb' yab'n ewin 'aj Judea cha.

Jn 9:18

Palta ax ewin 'aj Judea cha, ma'ix schaj ewin yab'i', toto tot 'ix jacw sat winac. A snan ewinac, toxn wach' sat win cha. 'Ixta to b'i'an, at smam snun win 'ix yij cot ewinac.

Jn 9:21

Palta man̈ cojcoc on̈, tasm x'aj sjacw yol sat tic. Man̈ cojcoc pax on̈, machm 'ix jacn 'a 'a. 'In 'ayx sq'uinl winac, ¿tas yuj man̈oc 'a win tze c'anb'j eyab'i'? A win 'oj stac' yaln 'ayex, tas x'aj sjacw yol sat tic, xchi eb'.

Jn 9:34

—'In ach tic, toxn 'ajmul ach yic alji. ¿Tom tza nib'j tzon̈ cob' a cuy on̈? xchi ewinac. Xlajw xoj cha, spechn 'elt ewin 'a scal.

Jn 9:35

Ax yic xyab'n Jesús to 'ix spechl ewin win xjacw sat chi 'a scal, yuj cha, ax yic 'ix 'ilchj pax win yu'uj, 'ix yaln 'a win 'ixtic: —¿Tzam a'ch a c'ojl 'a jun mach 'Ochnc 'Anma'il? xchi 'a winac.

A Tas Sc'ulejnac Eb' Schecab' Jesús Hechos 4:18

Xlajw cha, 'ix yawtn paxt ewin eb'. 'Ix cham wal yaln ewin 'a eb', chajtlto man̈x b'a'n̈ tzyal-l eb' jac yab'xil Jesús, man̈x b'a'n̈ tzcuywj eb' 'a eb' 'anma'.

A Tas Sc'ulejnac Eb' Schecab' Jesús Hechos 5:13

Ax eb' man̈ creyenteoc, may eb' tzte'wtzej sb'a sc'och yet' eb', yic tzyamn sb'a eb'. Palta yojc eb', to caw wach' eb' creyente cha.

A Tas Sc'ulejnac Eb' Schecab' Jesús Hechos 5:40

'Ix schaj sc'ojl ewin yajl chi tas 'ix yal win Gamaliel cha. Xlajw cha, x'awtx pax 'och eb' schecb' Jesús jun 'ejm xo. 'Ix ma'x eb'. 'Ix alx 'a eb', to man̈xtzac yal-l eb' yab'xil Jesús. Xlajwn̈ej cha, 'ix 'ajx can pax 'elt eb' 'a libre.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.