Jn 8:6 - Chuj San Sebastian Bible

⁶ Palta ton̈j xcob' stz'ac ewin sc'anb'c 'ixta', yic tzya'lni prowal ewinac, yujto tznib'j ewin tzyac' queja. Ax Jesús ton̈j 'ix 'em n̈ojan. 'Ix stz'ib'n can 'ejm jun tzo'n̈ tas 'a sat lum yet' yune sc'ab'.

Chuj San Mateo Bible

⁶ Palta ton̈ej stz'ac sc'anb'ej eb' vin̈, yic syil eb' vin̈ tas syal Jesús chi', yujto sgana eb' vin̈ yac'anoch d'a yib'an̈. Palta ton̈ej ix em n̈ojan, van stz'ib'an yed' yiximal sc'ab' d'a sat luum.

Jn 8:6 Iomraidhean Croise

Gn 49:9

Lajn ach wal 'icha junc no quelm león; a yic tzlajw schin 'ejm junc yit noc'al tzmeltzj pax 'a sn̈aq'ue'en. 'Icha junc no niwquil león, tz'em lachan, tzlaj 'ec' pun̈n 'a sat lu'um. ¿Mach wal junc tzte'wtzej sb'a stzuntzni?

Salmos 39:1

An tic, tox xwala to tzin tan̈wj in b'a yet' in b'eyb'al, sec wach' matz 'och in mul yuj tas tzwala. 'Oj in tan̈wc in b'a 'a tas tzwala, ya' sb'a 'ayc' eb' 'anma tu sb'eyb'al 'a wojltac.

Pr 26:17

A mach tzya'ch sb'a 'a scal junc owl 'aj may yaln yico', lajn wal 'icha to a schicn junc no tz'i tzyama.

Ec 3:7

'Ay yorail tzjat junc tas, 'ay pax yorail snipxi. 'Ay yorail sictac tzon̈ 'ajec, 'ay pax yorail tzon̈ paxtinec.

Jeremías 17:13

Mamin Jehová, ach 'aych 'och yipc qui c'ojl an̈ israel on̈ tic on̈. Smasnil eb' tzach 'actn cani, 'oj q'uixwc can 'el eb'. Smasnil eb' 'oj yi'l sb'a 'a a tz'ey, 'oj satcn 'el eb', 'icha tz'aj sat junc b'i tz'ib'b'il 'ejm 'a scal pococ. 'Oj satcn 'el eb', yujto tzach yactj can eb', ach tic, lajn ach wal 'icha junc spac'b'a'.

Dn 5:5

A wal 'a yic jun rato cha, 'ix sch'oxn sb'a jun sc'ab' 'anma 'a 'aj sacq'uinl yuj jun tzo'n̈ cantil, syamn 'och stz'ib'n 'och yet' yune sc'ab' 'a sat yich n̈a 'a yojl jun n̈a cha. A yic xyiln win rey jun c'ab' wan stz'ib'n cha,

Am 5:10

'Oltacx wal ax tic ex yajal, tzex chichn 'och 'a eb' tojl tzyutj sb'eyc'ojlwi. Caw tu tzeyutj e nab'en 'a eb' tzyac' testigoal sb'a 'a tas yel.

Am 5:13

Yuj cha, a eb' jelan sictac xoj tz'aj eb', yujto a jun tiempo tic, caw man̈x 'a sch'olnil.

Nm 14:22

A eb' x'iln in tzictznil tic, yet' milagro in ch'oxjnac yil eb' 'a Egipto, xin ch'oxn pax yil eb' 'a lum cusltac lu'um, palta slajn̈ 'ejmal xo in ya'n prowal eb' tic, matz yiclj eb' xon tas tzwala.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.

Mt 15:23

Palta toxn ma'ix ta'w 'a 'ix. Ax yic xjaw eb' scuywum 'a stz'ey, 'ix yaln eb' 'a 'a: —Comnoc tza chec meltzjoc 'ix, yujto til wal yawj 'ix 'a qui patic, xchi eb' 'a 'a.

Mt 16:1

'Ay jun tzo'n̈ ewin fariseo yet' ewin saduceo xjaw 'a Jesús, yujto tznib'j ewin tzya'lj prowal. Yuj cha, sc'ann ewin yil junc milagro tzcot 'a Dios.

Mt 19:3

'Ay jun tzo'n̈ ewin fariseo xjaw 'a 'a. Tznib'j ewin yac' prowal, yuj cha, 'ix sc'anb'n ewin 'ixtc 'a 'a: —¿'Aym sleyl tzpoj sb'a junc winc yet' yistl yuj tzann̈j junc tas? xchi ewin 'a 'a.

Mt 22:18

Palta yojc Jesús to maysch'olnil wan snan eb' 'a spatic. Yuj cha, xyaln 'a eb' 'ixtic: —Ax tic, caw chab'sat ex. ¿Tas yuj tzin eyac' prowal?

Mt 22:35

'Ay jun 'a scal ewinac, cuywjum 'a ley yic Moisés, snib'j win tzya'lj prowal Jesús cha, 'ix stz'acn win sc'anb'c 'a 'ixtic:

Mt 26:63

Palta caw sictacn̈ej yaji. Yuj cha, xyaln pax win 'ixtc 'a 'a: —Al 'ayn̈ on̈ toto Cristo ach, toto yel yunnalch Dios, yowlal tzal 'a sat Dios pitzan, xchi win 'a 'a.

Mr 10:2

'Ay jun tzo'n̈ ewin fariseo xjaw 'a 'a, yujto tznib'j ewin tzyac' prowal, yuj cha, 'ix sc'anb'n ewinac toto 'ay sleyl tzpoj sb'a junc winc yet' yistzil.

Mr 12:15

Palta yojc Jesús, to chab'sat eb', yuj cha, xyaln 'a eb' 'ixtic: —¿Tas yuj tzin eyac' prowal? 'At 'ijec cot junc tumn wila', xchi 'a eb'.

Mr 3:2

'Ay eb' xtan̈wni yila', toto tzb'ox sc'ab' win yuj Jesús 'a sc'ul 'iljelal, yujto tznib'j eb' ya'ch 'a yib'n̈ Jesús.

Mr 8:11

'Ay jun tzo'n̈ ewin fariseo xjaw 'a Jesús, 'ix syamn 'och ewin sten sb'a yet'oc, yujto tznib'j ewin tzya'lj prowal, yuj cha, 'ix sc'ann ewin yil junc milagro tzch'oxn 'el spoder Dios.

Lc 10:25

Xlajw cha, 'ay jun win cuywjum 'a ley yic Moisés, xq'ue lin̈an. Snib'j win yac' prowal Jesús. Yuj cha, sc'anb'n win 'ixtc 'a 'a: —Mamin, ¿tas yowlal 'oj in b'o', sec 'oj in cha in q'uinl 'a jun 'ejmn̈ej? xchi win 'a 'a.

Lc 11:16

'Ay pax jun tzo'n̈ xo eb' tznib'j 'a'lnoc prowal Jesús sec toq'ue tz'ejm yuj eb', yuj cha, 'ix sc'ann eb' yil junc milagro tzcot 'a satchan̈ yu'uj.

Jn 8:2

Ax yic sacb'i, 'ix 'atx 'a yatut Dios jun 'ejm xo. Yic 'ix c'och ta', c'uxn xlaj c'och eb' 'anma 'a stz'ey. Ax Jesús, 'ix 'em wocan, syamn 'och scuywj 'a eb'.

1 Co 10:9

Matz tac' ca'nec prowal Cajlil yic tzquilni, toto tzyac' niwnc'ojlal 'ayn̈ec. Yujto 'ixta yutjnac sb'a jun tzo'n̈ eb' 'a scal eb' cha. Yujn̈ej cha, slajw 'el eb' yuj jun tzo'n̈ no chan.