Jn 8:47 - Chuj San Sebastian Bible

⁴⁷ A eb' yic Dios, tzya'ch eb' schicn 'a spaxti'. Palta ax xo tic, man̈ ex yico'oc Dios. Yuj cha, matz yal e c'ojl tzeya'ch e chicn 'a 'a, xchi Jesús 'a eb'.

Chuj San Mateo Bible

⁴⁷ A eb' yic Dios, syac'och schiquin eb' d'a slolonel. Palta a exxo tic, man̈ ex yicoc Dios, yuj chi' max yal e c'ol tzeyac'och e chiquin d'ay, xchi Jesús d'a eb' vin̈.

Jn 8:47 Iomraidhean Croise

Dn 12:10

Yuj jun tzo'n̈ yailal cha, caw niwn 'anma 'oj 'ijxoc 'el smul, 'oj tojlb'oc can snab'en eb', caw wach' oj 'ajcn eb'. Ax eb' maysch'olnil sb'eyb'al, 'oj niwtjoc sb'on eb' maysch'olnil. Toxn ma'oj nachjoc 'el yuj eb' tas wan yuji. Palta ax eb' 'ay snab'en, 'oj nachjoc 'el yuj eb'.

Jn 12:48

A eb' may wel'ch 'a sat, eb' matz yiclni in paxti', toxn 'ayc' xon jun 'oj 'a'nc 'och syailal eb', atn in paxti tzwalcn tic. Yuj in paxti tic, 'oj 'ajxc 'och syailal eb' 'a slajb' c'ual.

Jn 18:37

—¿Tom yel, to ach reych jun? xchi win 'a 'a. —N', reyn ton 'icha tzal tic. An tic, in wulc' 'a yolyib'n̈q'uinl tic, yic tzwul walnc 'el jun tas caw yel. Yuj cha, in 'alji. Jantcn̈ej eb' yic xon jun yel tic, tzya'ch eb' schicn 'a tas tzwala, xchi Jesús.

Jn 5:25

Wal yel tzwal 'ayex, a ticnec, tox 'ix jaw stiempoal yab'n eb' chamnc in jaj an Yunnaln Dios tic. A eb' tzyiclni, atn eb' 'oj scha sq'uinal.

Jn 6:65

'Ix yaln pax junx tic 'ixtic: —Yujto 'ayx matz eya'ch e c'ojl 'ayin, yuj cha, xwaln 'ayex, may junc mach tztac' scomn jaw 'ayin, toto man̈oc in Mam tz'i'n cot 'ayin, xin chi, xchi Jesús 'a eb'.

Jn 8:37

An tic, wojc xoni to yin̈tl ex Abraham wet'oc. Palta 'in tze nib'j tzin e mil chamoc, yujto a tas tzwal 'ayex, may yel'ch 'a e sat.

Jn 8:43

¿Tas yuj matz nachj 'el eyu'uj, tas tzwal 'ayex? Tecn to matz yal e c'ojl tze chaj eyab' in paxti tic.

Jn 8:45

Aln tic, caw yel jun tzo'n̈ tas tzwal 'ayex, palta matz e chaj eyab'i'.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

1 Jn 5:1

An̈ec tzca'c 'och 'a qui c'ojol, to a Jesús atn Cristo, an̈ec ton yunnaln̈ec xo Dios. Q'uinloc 'ay junc mamb'il tzqui chamc'ojlej, to 'ixta', wan qui chamc'ojlan pax eb' yunnal.

2 Jn 1:9

Toto 'ay eb' tz'ec' 'a yib'n̈ jun tzo'n̈ cuynb'il yaljnac can Cristo, toto tzyactj can pax eb', to 'ixta', man̈ yico'oc Dios eb'. Palta toto an̈ja 'aych qui nab'enec 'a jun tzo'n̈ cuynb'il cha, toto 'ixta', yic on̈c qui Mam Dios, yic on̈c pax Yunnal.

3 Jn 1:11

Ach chamc'ojlb'il wu'uj, man̈ a b'eylb'oc sb'eyb'al eb' maysch'olnil. Cojn sb'eyb'al eb' wach' tza b'eylb'ej. Toto wach' tzcutj qui b'eyb'al, yic on̈ xo Dios. Palta a eb' maysch'olnil sb'eyb'al, toxn man̈ yojcoc eb' Dios.