Jn 8:26 - Chuj San Sebastian Bible

²⁶ Til to wal tastc 'oj wal eyu'uj, yic 'oj ex in b'eyc'ojloc. A jun checjnacn coti, caw yel tzyala. A tas yaljnac 'ayin, an̈j tzwal 'a eb' 'anma 'a yolyib'n̈q'uinl tic, xchi 'a ewinac.

Chuj San Mateo Bible

²⁶ Tzijtumto tas ol val eyuuj yed' ex in ch'olb'itani. A jun checjinac in coti, te yel syala'. A tas yalnaccan d'ayin, an̈ej chi' sval d'ayex a ex ayex d'a yolyib'an̈q'uinal tic, xchi d'a eb' vin̈.

Jn 8:26 Iomraidhean Croise

Jn 15:15

A ticnec, tzwal 'ayex, man̈xtoc ton̈j 'a'm ex servil 'ayin. Yujto a junc tz'a'w servil, man̈ yojcoc tas tzb'o spatron̈. Palta ax ticnec, caw in wach'c'ojl ex, yujto jantcn̈ej tas yaljnac can in Mam 'ayin, c'uxn xwalx 'ayex.

Jn 16:12

Til to wal tas tzin nib'j tzwal 'ayex, palta mantzac nachj 'el eyuj ticnec.

Jn 17:8

A wal a paxti 'a'jnac 'ayin, c'uxn xwal 'a eb'. Ax eb', xya'ch eb' sc'ojl 'a 'a. Yuj cha, yojc eb' to yel a 'aych cotnc in. Tzya'ch eb' 'a sc'ojol to ach checjnacn coti.

Jn 18:20

Ax Jesús, 'ix yaln 'ixtc 'a winac: —A jun tzo'n̈ cuynb'il tic, 'in 'ix wal 'elt 'a scal eb' 'anma smasnil. Smasnil tiempo tzwal 'elt 'a yol jun tzo'n̈ e capiya, yet' 'a yamq'uil yatut Dios, 'a 'ajtil tzyam sb'a eb' quit israelal smasnil. May junc tas 'ix wal 'a c'ultaquil.

Jn 3:11

Wal yel tzwal 'ayach, a tas cojc on̈, a tzcal on̈. A tas xquil yet' qui sat on̈, a chi tzcal 'ayx on̈. Palta ax tic, matz e chaj eyab' tas tzcal 'ayx on̈.

Jn 7:16

Yuj cha, xyaln 'a eb' 'ixtic: —A jun tzo'n̈ cuynb'il tzwal 'ayx tic, man̈ wico'oc. Yic jun mach checjnacn coti.

Jn 7:28

Yic 'ix yab'n Jesús jun tzo'n̈ cha, 'ix yaln jun tzo'n̈ xo cuynb'il tic 'a eb' 'ay 'a yamq'uil yatut Dios cha, 'ix yaln 'elt 'ixtc 'a scal eb': —Yel ton jun, eyojc in. Eyojc ton pax 'aj cotnc in. Palta man̈ munoc in jaw 'a yol wico'. To a Dios, atn jun caw yel, a checjnacn coti. Palta a jun cha, man̈ eyojcoc.

Jn 8:25

—¿Machch cob' jun? xchi pax ewin 'a 'a. —Palta 'in waljnacx 'ayx 'a yaln̈taxi, mach in.

Jn 8:27

Palta ma'ix nachj 'el yuj ewinac, toto wan yaln yuj qui Mam Dios.

Jn 8:40

A jun tzo'n̈ tas yel yaljnac Dios 'ayin, an̈j tzwal 'ayex. Palta 'in tze nib'j tzin e mil chamoc. Ax Abraham cha, may jun 'ejmoc sb'ojnac 'ixta'.

2 Co 1:18

Tzyil Dios, may jun 'ejmoc tzcal 'ixtc 'ayx on̈: Inye ¿tom xqui chi 'on̈? Tzcaln pax on̈, to ma'ay.