Jn 8:20 - Chuj San Sebastian Bible

²⁰ A 'a yamq'uil yatut Dios 'a stz'ey jun chalab' ofrenda, ata xyal Jesús jun tzo'n̈ tic. Ata 'ix cuywj 'a eb' 'anma'. May junc mach 'ix yamni, yujto mantzac jaw stiempoal schami.

Chuj San Mateo Bible

²⁰ A d'a yol yamaq'uil templo d'a slac'anil jun chalab' ofrenda, ata' ix yal juntzan̈ chi' Jesús. Ata' ix c'ayb'aj eb' anima yuuj. Malaj junoc mach ix yamani, yujto manto c'och stiempoal schami.

Jn 8:20 Iomraidhean Croise

1 Cr 9:26

Palta 'ay chan̈wn̈ eb' levita niwn yel'ch yopiso, a eb' 'aych 'a yib'n̈ stan̈wni jun tzo'n̈ cuarto yet' a 'aj tzmolx q'uen tumn to yic yatut Dios yaji.

Mt 26:55

Xlajw cha, xyaln pax 'ixtc 'a ewin xc'och cha: —¿Tom 'elc'm in tzeyila, yuj cha, eyet' e machit, eyet' e te', tzex jaw wul in eyama'? Junjn c'u tzin 'em wocn cuywjoc 'ayx 'a yamq'uil yatut Dios, palta ma'in eyam ta'.

Mt 27:6

Ax ewin sat ya'mal 'och sti eb' cha, 'ix si'n chan̈ ewin q'uen tumn cha. 'Ix yaln ewin 'ixtic: —Matz tac' ca'nec 'och jun tzo'n̈ tumn tic 'a scal q'uen ofrenda, yujto xmanx cham jun mach yuj q'ue'en, xchi ewinac.

Mr 12:41

'Ix 'em wocn Jesús 'a yojltac jun chalab' ofrenda, 'ix yilni chajtl ya'n 'ejm eb' 'anma stumin. Til wal eb' rico x'ec' ta', niwn stumn eb' x'ec' laj ya'cn 'ejmi.

Mr 12:43

Ax Jesús, 'ix yawtn cot eb' scuywum, 'ix yaln 'ixtc 'a eb': —Wal yel tzwal 'ayex, a jun 'ix chamnc yichmil tic, caw meb'a 'ix, palta a jun yofrenda tic xyac'a, 'ec'b'al xo yel'ch 'a yib'n̈ yofrenda smasnil jun tzo'n̈ xo eb' x'ec' yac' 'ejm yic 'a yol jun chalab' ofrenda tic.

Lc 20:19

Ax ewin sat ya'mal 'och sti eb' israel 'a Dios, yet' ewin cuywjum 'a ley yic Moisés, 'ix snib'j ewin to tzyam Jesús muc'uc. Yujto xnachj 'el yuj ewinac, to a 'a ewin xyal jun 'ab'x cha. Palta xiw ewin yuj eb' 'anma'.

Lc 21:1

'Ix 'at q'ueln Jesús, 'ix yilni chajtl xyutj eb' rico ya'n 'ejm stumn 'a yojl jun chalab' ofrenda.

Jn 10:39

Yuj cha, 'ix cob' ya'lnoc eb' syamn jun 'ejm xo, palta 'ix scoln pax sb'a 'a eb'.

Jn 2:4

—Nunin, ¿tas yuj a 'ayn tzala? Mantzac c'och stiempoal in ch'oxn 'el in poder 'a eb' 'anma', xchi Jesús.

Jn 7:14

Spaclto yaj jun q'uin̈ cha, 'ix c'och Jesús 'a yamq'uil yatut Dios. 'Ix cuywj 'a eb' 'anma'.

Jn 7:30

Yuj cha, 'ay eb' tznib'j 'a'nc 'och 'a preso. Palta may mach 'ix yamni, yujto mantzac jaw stiempoal schami.

Jn 7:44

'Ay eb' tzcob' snib'c 'a'nc 'och 'a preso, palta may eb' xyamni.

Jn 7:8

'Ixquecn̈ej e ch'ocj 'a jun q'uin̈ cha. Yujto an tic, mant 'oj in 'ati, yujto mantzac jaw stiempoal in ch'oxn 'el in b'a, xchi Jesús 'a eb'.

Jn 8:2

Ax yic sacb'i, 'ix 'atx 'a yatut Dios jun 'ejm xo. Yic 'ix c'och ta', c'uxn xlaj c'och eb' 'anma 'a stz'ey. Ax Jesús, 'ix 'em wocan, syamn 'och scuywj 'a eb'.

Jn 8:59

Xlajw cha, 'ix laj si'nc chan̈ ewin q'ue'en, snib'n ewin sjul chamoc. Ax Jesús 'ix sc'ub'j 'el sb'a 'a ewinac. 'Ix 'elt 'a yamq'uil yatut Dios cha.