Jn 8:16 - Chuj San Sebastian Bible

¹⁶ Palta q'uinloc 'ay mach tzin nib'j tzin b'eyc'ojlej. Toto 'ixta', caw tojln̈ej tzwutj in b'eyc'ojlani. Yujto man̈ in ocn̈ej tzin b'eyc'ojlej. Palta a 'in Mam 'aych wet'oc, yujto a checjnacn coti.

Chuj San Mateo Bible

¹⁶ Palta q'uinaloc tato a in tzin ch'olb'itej yaj junoc anima, tojoln̈ej svutej in ch'olb'itan yaji. Yujto man̈oc inn̈ej tzin ch'olb'itej yaji, yujto a in Mam checjinac in coti, a sch'olb'itan pax ved'oc.

Jn 8:16 Iomraidhean Croise

Salmos 98:9

yujto tzjaw wul yac' yajlil 'a sat lum lum tic. A 'oj yac' yajlil 'a yib'n̈ smasnil chon̈b' 'a yolyib'n̈q'uinl tic. 'Oj sb'oyaj eb' 'anma 'a stojlal yet' 'a swach'il.

Salmos 99:4

Ach tic Mamin, Rey ach, tztac' oj smasnil, 'ay a chamc'ojlal 'a tas wach'. A tas wach' yet' tojlal, a chi xac' 'ayn̈ an̈ yin̈tl on̈ Jacob tic.

Is 9:7

A 'oj 'och sjelc rey David, 'oj can sjelc 'a yopiso cha. 'Oj yac' yajlil 'a yib'n̈ smasnil 'anma 'a junjn lugar. Yu'uj ax scann̈j yolyib'n̈q'uinl tic 'a junc'ojlal. 'Oj yic' yip yopiso cha, ax sb'eyc'ojlwi 'a stojlal, ticnec yet' 'a b'aq'uin̈. A Jehová tztac' yuj smasnil, 'oj yac' 'el'choc jun tic, yujto nab'ilx yu'uj.

Zacarías 9:9

A Jehová tzaln 'ixtic: ¡Tzaljan̈c wal si'mb'il ex 'aj chon̈b' Sión! ¡B'itnan̈c 'a tzaljc'ojlal ex 'aj Jerusalén! 'Iltec wal sjaw e reyl 'ayex, caw tojl snab'en. A 'oj 'a'nc colnb'il. Caw 'emmquil sjawi, 'ay q'ue 'a yib'n̈ jun no quelm b'uru yune jun no 'axna.

Jn 16:32

Palta wan xo sjaw stiempoal 'oj e sactziqui. 'Oj e 'at 'elc junjn ex, ax in eyactn can in ch'ocoj. Palta man̈ in ch'ocjoc 'oj in cani, 'ayc' qui Mam Dios wet'oc.

Jn 8:29

A jun checjnacn cot cha, a 'aych wet'oc. A 'in Mam cha, ma'in yactj can in ch'ocoj, yujto an̈j tas tznib'ej, an̈j tzin b'o 'a smasnil tiempo, xchi 'a ewinac.

A Tas Sc'ulejnac Eb' Schecab' Jesús Hechos 17:31

Yujto yaljnac cani, to 'ay jun c'ual 'oj sb'eyc'ojloc smasnil 'anma'. Tojl 'oj yutc sb'eyc'ojlani, a tzyala tas tzb'o junjn mach. Ax jun sic'b'il can 'el yuj Dios, atn 'oj b'eyc'ojlanc eb'. 'Ix ch'ox Dios 'a smasnil 'anma', to caw yel jun tic, yic 'ix ya'n pitzwc pax jun mach sic'b'il 'el chi 'a scal eb' chamnac, xchi Pablo 'a eb'.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

A Ch'an̈ B'ab'el Libro Samuel 16:7

Palta xyaln Jehová 'ixtc 'a Samuel: Man̈ ach 'och q'ueln 'a win tic yuj tas yilx 'ochi, man̈ elch ste'il, yujto matz in nib'j winac. Ax 'anmax tic, a wal yilx 'och junc mach, a chi tzeyilchi, palta an tic a snab'en eb' tzwilchi, xchi.