Jn 8:12 - Chuj San Sebastian Bible

¹² 'Ix yaln pax Jesús 'ixtc 'a scal eb' 'anma cha: —An tic, 'icha sacq'uinl waj 'a eb' 'anma 'ay 'a yolyib'n̈q'uinl tic. A eb' tz'och in cuywumoc, 'oj wac' sacq'uinl 'a spixn eb'. Yuj jun sacq'uinl cha, 'oj scha eb' sq'uinl 'a jun 'ejmn̈ej. Man̈x 'oj b'ey eb' 'a scal q'uic'q'uinal, xchi Jesús.

Chuj San Mateo Bible

¹² Ix yalanxi Jesús d'a eb' anima: —A in tic, icha saquilq'uinal vaj d'a eb' anima d'a yolyib'an̈q'uinal tic. A mach tz'och tzac'an vuuj, ol vac' saquilq'uinal d'ay. Yuj jun saquilq'uinal chi', ol scha sq'uinal d'a juneln̈ej. Man̈xo ol b'eyec' d'a q'uic'alq'uinal, xchi Jesús.

Jn 8:12 Iomraidhean Croise

Job 33:28

a xyutej, to in scol-l 'a yol sc'ab' chamel, yuj cha, tzat wil jab'x sacq'uinl tic, 'oj xchioc.

Salmos 18:28

Mamin Jehová in Diosal ach, ach tzac' sacq'uinl 'ayin, tze'n 'el q'uic'q'uinl 'ayin.

Salmos 49:19

palta a yic 'oj c'och sc'ul scham eb', 'oj chamn̈j eb' 'icha 'ajn̈c scham eb' smam yichm eb'. Man̈x 'a b'a'n̈ 'oj yilx eb' sacq'uinl jun 'ejm xo.

Salmos 97:11

'Oj yac' sacq'uinl 'a eb' tojl sb'eyb'al, ax ya'n tzaljc'ojlal 'a eb' 'anma wach' snab'en.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Is 9:2

A eb' 'anma cha, wan sb'ey eb' 'a scal q'uic'q'uinal, 'oj yil eb' sjaw jun niwquil sacq'uinl 'a scal. A jun sacq'uinl cha, 'oj c'och tzicnjoc yoc 'a scal eb' 'icha to chamnc 'a scal q'uic'q'uinl cha.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Mt 5:14

'Icha sacq'uinal, 'ixta 'ex 'a yolyib'n̈q'uinl tic. Q'uinloc 'ay junc chon̈b' 'a junc tzalan, caw matz tac' sc'ub'x 'eli.

Lc 2:32

A jun tic 'oj 'a'nc sacq'uinl 'a eb' man̈ israeloc, ax sb'inax chon̈b' Israel yu'uj, xchi Simeón cha.

Jn 12:35

Yuj cha, xyaln pax 'a eb' 'ixtic: —An tzwac' sacq'uinl 'a e pixan, 'ayn 'ec' 'a e cal ticnec, palta jab'xoj wal tiempo 'ayn 'eq'ui. Caw tze b'o e b'eyb'al, ya' sb'a 'aynto 'ec' jacx eyet'oc. Toto ma'ay, 'oj somchjc 'el e nab'en. 'Icha junc mach tzb'eyc' 'a q'uic'q'uinal, matz uj yiln 'aj tz'ati, 'ixta 'oj eyaji.

Jn 12:36

An tic, 'aj sacq'uinl in, yuj cha, 'a'c 'och e c'ojl 'ayin, ya' sb'a 'aynto 'ec' eyet'oc, sec 'oj wac' sacq'uinl 'a e pixn 'a jun 'ejmn̈ej, xchi Jesús 'a eb'. Xlajw xoj yaln jun tzo'n̈ tic, 'ix yi'n 'el sb'a. Sc'ub'n 'el sb'a 'a eb'.

Jn 12:46

An tic, in jaw wul wac' sacq'uinl 'a spixn eb' 'anma 'a yolyib'n̈q'uinl tic, sec wach' a eb' tzya'ch sc'ojl 'ayin, man̈x 'a q'uic'q'uinl 'a spixn eb'.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 3:19

An tic, in 'eml 'a yolyib'n̈q'uinl tic wul wac' sacq'uinl 'a spixn eb' 'anma'. Palta 'ay pax eb' matz nib'n jun sacq'uinl tic. Yuj cha, 'oj cann̈j syailal eb' 'a yib'an̈. Cojn q'uic'q'uinl tznib'j eb' 'a spixan, yujto maysch'olnil tas tzb'o eb'.

Jn 7:17

Toto 'ay mach tzyal sc'ojl tzb'o 'icha tznib'j Dios, 'oj nachjoc 'el yu'uj, to yic Dios jun tzo'n̈ cuynb'il tic, man̈ munoc tzwal 'a yol wico'.

Jn 9:5

Yic 'aynto 'ec' 'a yolyib'n̈q'uinl tic, 'icha sacq'uinl waj 'a eb' 'anma', xchi Jesús 'a eb'.

A Tas Sc'ulejnac Eb' Schecab' Jesús Hechos 13:47

Yujto yaljnac can Cajlil 'ayn̈ 'ixtc on̈: Ach wa'cn 'och sacq'uinlal 'a jun tzo'n̈ nacion̈ masnto 'aj tzlajw c'och yolyib'n̈q'uinal, yuj e'n 'at colnb'il ta', xchi Cajlil, xchi eb'.

A Tas Sc'ulejnac Eb' Schecab' Jesús Hechos 26:23

Tzwaln 'eli chajtlto a Cristo yowlal xyab' syail, 'ix chami. Xlajw schami, 'ix b'ab'l pitzw pax 'a scal eb' chamnac. 'Ixta b'i'an, ax yaln 'el yab'xil colnb'il 'a eb' quit chon̈b'ec, yet' 'a eb' 'anma smasnil, xchi Pablo.

A Schab'il Carta San Pedro 2:17

A eb' 'a'm 'es 'a qui calc tic, 'icha junc spac'b'a tupnc xo, 'ixta eb'. An̈jtona', 'icha junc 'asn ton̈j tzb'eyc' yuj 'ic', 'ixta pax eb'. Yowlal 'oj 'atcn eb' 'a 'aj caw q'uic'q'uinal. Ata 'oj can eb' 'a jun 'ejmn̈ej.

A Schab'il Carta San Pedro 2:4

Qui nac cot tas 'ajnc eb' ángel 'ochnc smul 'a Dios. Toxn ma'ix yac' niwnc'ojlal 'a eb'. Ton̈j xya'cn 'at eb' 'a infierno. Jalb'il can eb' ta yet' q'uen cadena. Preso yajcn eb' 'a q'uic'q'uinl ticnec, masnto 'oj b'eyc'ojlaxc eb'.

1 Jn 1:6

Toto tzcalec, to junxn̈ej cajc yet'oc, palta an̈ja q'uic'q'uinl yaj qui pixnec, toto 'ixta', ton̈j tzca'c 'es. Ax qui b'eyb'alec cha, man̈ yeloc.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

San Judas 1:6

An̈jtona', tze nan cot tas yaj jun tzo'n̈ eb' ángel, atn eb' yijnac 'el sb'a 'a yopiso, yactn can eb' yet'ul. Jalxnac can 'och q'uen cadena 'a eb' 'a jun 'ejmn̈ej. A ticnec, preso yaj eb' 'a q'uic'q'uinl yuj Dios. 'Ixta yajcn eb', masnto 'oj jawc jun c'u caw niwn yel'chi, atta 'oj b'eyc'ojlaxc eb'.

Apoc 21:24

Ax eb' 'anma 'a junjn nacion̈, 'oj b'eyc' eb' 'a scal sacq'uinl 'ay 'a jun chon̈b' cha. Ax eb' niwc yajl 'a yolyib'n̈q'uinal, 'oj c'och eb' ta'. 'Oj yi't eb' sricoal siylab'oc.