Jn 7:3 - Chuj San Sebastian Bible

³ Yuj cha, a eb' yu'tac Jesús, 'ix yaln eb' 'a 'ixtic: —Man̈ ach can 'a tic. 'Ixc 'a Judea, sec wach' ax eb' a cuywum 'ayc' ta', 'oj yil pax eb' jun tzo'n̈ milagro tza ch'oxo.

Chuj San Mateo Bible

³ Yuj chi' ix yal eb' yuc'tac Jesús chi' d'ay: —Man̈ ach can d'a tic. Ixic d'a Judea, yic vach' a eb' a c'ayb'um ayec' ta', ol yil pax eb' tastac satub'tac tza ch'oxo'.

Jn 7:3 Iomraidhean Croise

Gn 37:20

Cotn̈ec qui milc chamoc, tzqui julnec can 'ejm 'a yol junc xab', ax calnec to a junc no calte'al noc' xchini, ax quilnec tas 'oj 'aj 'el'ch jun tzo'n̈ swaych cha, xchi eb'.

Jeremías 12:6

A eb' o'tac, yet' eb' ecan, caw wal 'ajc'ojl xo yajch eb' 'ayach, c'ultacl tz'el yaw eb' yaln tas 'a a patquil. Wach'xam caw wach' tzyutj paxtinc sb'a eb' 'ayach, palta man̈ a'ch eb' yipc a c'ojol, xchi 'ayin.

Mt 12:46

Wanto yaln Jesús 'a eb' 'anma', 'ix c'och snun yet' eb' yu'tac. An̈j 'a sti n̈a xc'och eb', palta tznib'j eb' tzc'umej.

Mr 3:21

Yic 'ix yab'n eb' smam yu'tac Jesús, 'ix jaw eb' 'at cob' syama', yujto a snan eb' to owya tzcot 'a sjolom.

Mr 3:31

Xlajw cha, xjaw snun Jesús yet' eb' yu'tac, an̈j 'a sti n̈a xjaw eb', 'ix sc'anb'n 'elt eb' Jesús cha.

Lc 8:19

Ax snun Jesús yet' eb' yu'tac, 'ix c'och eb' 'a 'aj 'ayq'ui. Palta ma'ix stac' yoch eb' 'a 'aj 'ayc' cha, yujto til wal 'anma sin̈n̈i yajchi.

Lc 8:20

Yuj cha, 'ay jun 'ix aln 'ixtc 'a 'a: —'Ix jaw a nun yet' eco o'tac 'a sti', tolab' tznib'j eb' tzach sc'umej, xchi 'a 'a.

Jn 2:2

'Ix c'och pax Jesús yet' eb' scuywum, yujto 'awtb'il eb'.

Jn 6:60

Ax yic 'ix yab'n eb' scuywum jun tzo'n̈ cha, til wal eb' 'ix aln 'ixtic: —Caw tu jun tzyal tic. ¿Tom 'ay mach tztechj yab'n jun tzo'n̈ tzyal tic? xchi eb'.

Jn 6:66

Yuj cha, til wal eb' scuywum chi 'ix laj meltzj pax 'a spatic. Man̈xtzac yal sc'ojl eb' jun yec' yet'oc.

Jn 7:10

Palta ax yic tox 'ix 'at eb' yu'tac chi 'a jun q'uin̈ cha, ax Jesús, c'ojnc'ojnilt 'ix 'ati. C'ultacn̈ej x'ati.

Jn 7:4

Toto 'ay junc mach tznib'j tzcheclj 'el 'a sat eb' 'anma', matz tac' tzmunlj 'a c'ultaquil. Yuj cha, 'ixta ach. Toto yel 'ay jun tzo'n̈ milagro tza ch'oxo, yowlal tza ch'oxl a b'a 'a sat eb' 'anma', xchi eb' 'a 'a.

Jn 7:5

'Ixta cob' xyutc eb' yu'tac chi yaln 'a 'a, yujto ma'ix ya'ch pax eb' sc'ojl 'a jun xo.

A Tas Sc'ulejnac Eb' Schecab' Jesús Hechos 2:14

Yuj cha, 'ix q'ue lin̈n Pedro yet' eb' yit cuywumal yuxlchwan̈il. Caw 'ip xyal 'ixtc 'a scal eb' 'anma cha: —Ex winc 'aj Judea, yet' e masnil ax 'ayx 'ec' xon 'a Jerusalén tic, tic tzwac' eyojcoc 'el tas yaj jun tic. 'A'c 'och e chicn 'a tas 'oj wal 'ayex.

A Ch'an̈ B'ab'el Libro Samuel 17:28

A yic wan spaxtin David yet' jun tzon̈ winc cha, 'ix yab'n win sb'ab'l 'u'tac, atn win Eliab. Caw xcot yowl win si'mbil 'a 'a, xyaln 'a 'ixtic: —¿Tas tzwul a b'o 'a tic? ¿Mach 'ix ac' 'ilnc can jayc'otn̈ e no calnelu 'a cusltac lu'um? Wojc wal cob' a b'an̈quinal. ¡Caw tu tas 'ayc' 'a a nab'en! ¿Tas yuj ton̈j tzwul ela' tas tz'aj yoch owal? xchi.