Jn 7:19 - Chuj San Sebastian Bible

¹⁹ A Moisés, a 'a'jnac can sley Dios 'ayex. Palta 'in may junc ex tzeyiclj tas tzyal jun ley cha. ¿Tas yuj tze nib'j tzin e mila? xchi Jesús 'a eb'.

Chuj San Mateo Bible

¹⁹ Aton val vin̈aj Moisés ac'jinaccan sley Dios d'ayex. Palta ina malaj junoc ex tze c'anab'ajej tas syal jun ley chi'. ¿Tas yuj e gana tzin e milchamoc? xchi Jesús d'a eb'.

Jn 7:19 Iomraidhean Croise

Mt 12:14

Ax 'ix 'elt ewin fariseo cha, 'ix slajtin sb'a ewin 'a spatic, tas 'oj yutc ewin smilni.

Mt 21:38

Palta ax xyiln ewinac, wan sc'och jun yunnal win chi 'a ewinac, 'ix smol aln ewin 'ixtic: 'Into a win 'unnab'il tic tzjawi. Q'uinloc 'oj cham smam, ax win 'oj 'ica'anc can lu'um. Qui milc chamoc, sec a 'ayn̈ec 'oj can lu'um, xchi ewinac.

Mr 11:18

Ax ewin sat ya'mal 'och sti eb' israel 'a Dios yet' ewin cuywjum 'a ley yic Moisés, 'ix yab' ewinc tas 'ix sb'o Jesús. Palta 'ix xiw ewin yu'uj, yujto caw niwn yel'ch jun tzo'n̈ scuynb'il 'a sat eb' 'anma smasnil. Yuj cha, 'ix sayn ewin tas 'oj yutc smiln chamoc.

Mr 3:4

Xlajw cha, xyaln 'a eb' 'anma chi 'ixtic: —¿'Aja junc 'ay sleyl tzqui b'oc 'a sc'ul 'iljelal tze na'a? ¿Tztac' am qui b'onec jun tzo'n̈ tas wach', mto a jun tzo'n̈ maysch'olnil? ¿Tztac' am ca'nec b'oxc sc'ojl junc ya'ay, mto tzqui wach' miljec chamoc? xchi. Palta ton̈j sictac x'aj eb' 'anma cha.

Mr 3:6

Yic tox x'elt ewin fariseo cha, 'ix sc'umn sb'a ewin yet' ewin spartido win rey Herodes. 'Ix slajtin sb'a eb', chajtl 'oj yutc eb' smiln cham Jesús.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Jn 10:39

Yuj cha, 'ix cob' ya'lnoc eb' syamn jun 'ejm xo, palta 'ix scoln pax sb'a 'a eb'.

Jn 11:53

Yuj cha, a 'a jun c'u cha, 'ix 'el yich syamn 'och ewin yajl chi sayn tas tzyutj smiln Jesús.

Jn 5:16

Yuj cha, caw x'och ewin 'ajc'ojlal 'a Jesús cha. ['Ix cob' snib'c ewin smil chamoc,] yujto sc'ul 'iljelal 'ix sb'o jun tzo'n̈ cha.

Jn 5:18

Yic xyaln Jesús jun tzo'n̈ cha, yel xo wal caw snib'j ewin smil chamoc. Man̈ yujocn̈ej matz yiclj sc'ul 'iljelal, palta yujto 'ix yal Dios Smamoc. 'Ix yaln paxi to caw lajn yet' Dios.

Jn 5:45

Xe natlaji, to an 'oj ex wac' queja 'a in Mam. Yujto 'ay junx 'oj eya'n queja 'a 'a, atn Moisés, jun tzeya'ch cob' yipc e c'ojol.

Jn 7:1

Xlajw cha, 'ix b'eyc' Jesús 'a yol yic Galilea. Ax 'a yol yic Judea, ma'ix snib'j 'ec' sb'a ta', yujto a ewin 'aj Judea cha, tznib'j ewin smil chamoc.

Jn 7:25

Yuj cha, 'ay jaywn̈ eb' 'aj Jerusalén chi 'ix aln 'ixtic: —A jun winc tic, ¿man̈oc am win tz'ec' sayc' ewin tznib'j milnc chamoc?

A Tas Sc'ulejnac Eb' Schecab' Jesús Hechos 7:38

Atn Moisés chi 'e'nc yet' eb' 'anma 'a lum cusltac lu'um. 'Ayc' pax jun ángel yet' eb', atn jun xpaxtin yet' Moisés chi 'a lum Sinaí. Ata 'ayc' pax eb' qui mam quichmec yet'oc. A 'a Moisés cha, ata ya'jnac can Dios jun tzo'n̈ spaxti tzyal yuj qui q'uinlec. Yuj cha, a 'a'jnac can pax 'ayn̈ec.

Gl 3:19

Palta ¿tas yopiso jun ley chi tze na'a? 'Ac'b'il jun ley cha, sec tzcheclj 'el smul junjn 'anma'. 'Ayn̈j yopiso jun ley cha, masnto jawnac jun yin̈tl Abraham, atn jun 'aj ya'jnac can Dios sti'. Ax eb' ángel aljnac jun ley chi 'a Moisés, yujto a ya'jnac sb'a yuj eb' 'anma 'a Dios.

Gl 6:13

Wach'xam eb' tz'ajx circuncidar, matz yiclj eb' smasnil tas 'ay 'a ley yic Moisés. Palta ax eb' cha, tznib'j eb' tzex 'ajx circuncidar, sec wach' tztac' sb'an̈n sb'a eb' 'a e patquil. Toto 'ixta', tztac' yaln eb', chajtlto x'ajx 'och jun senya chi 'a e niwnal.

Dt 1:17

A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.

Dt 33:4

A jun ley 'ix wa'cn tic, 'icha to smacl eb' yin̈tl Jacob yaji.