Jn 6:5 - Chuj San Sebastian Bible

⁵ Ax yic xyiln Jesús, til wal 'anma wan sc'och 'a 'a, xyaln 'a Felipe 'ixtic: —¿'Aj wal 'oj qui man yoch eb' 'anma tic? xchi 'a 'a.

Chuj San Mateo Bible

⁵ Axo ix yilan Jesús, tzijtum eb' anima van sc'och d'ay. Yuj chi' ix yalan d'a vin̈aj Felipe: —¿B'ajtil ol co man tas sva eb' anima tic? xchi d'a vin̈.

Jn 6:5 Iomraidhean Croise

Nm 11:13

¿'Aj wal til tz'at wic' chib'j tzwac' schi jun tzo'n̈ 'anma tic? Caw tz'oc' eb', tzwul yaln̈c sb'a eb' 'ayin: 'A' cot qui chib'j tzqui chi on̈, xchi eb'.

Mt 15:33

—¿Tas wal 'oj cutquec ca'n wa eb' 'a jun cusltac lum tic? 'In caw niwn eb', xchi eb' scuywum cha.

Mr 6:32

Ax Jesús 'ix 'och 'a yol jun barco yet' eb' scuywum, sch'ocj eb' x'at 'a 'aj may 'anma'.

Lc 9:10

Ax yic xlaj japx eb' schecb' Jesús, xlaj yalnc eb' 'a 'a, tastc x'ec' laj sb'o junjn eb'. Xlajw cha, 'ix yi'n 'at eb' yet'oc. 'Ix c'och eb' yet' sch'ocj 'a jun lugar 'a sla'nil chon̈b' Betsaida.

Jn 1:43

Ax 'a junx c'u, 'ix 'at Jesús 'a Galilea. Yic wan sb'eyi, 'ix chan sb'a yet' Felipe, xyaln Jesús 'a 'ixtic: —'Ochn̈ in cuywumoc, xchi 'a 'a.

Jn 1:44

A Felipe cha, 'aj chon̈b' Betsaida. 'Ixta pax Andrés yet' Pedro, junn̈j schon̈b' eb'.

Jn 1:45

Ax Felipe chi xit' saync 'ec' Natanael. Yic 'ix 'ilchj yu'uj, 'ix yaln 'a 'ixtic: —'Ay jun x'ilchj cuj on̈. Atn jun tz'ib'b'il can yab'xil yuj Moisés 'a Ch'an̈ Un̈ yic ley, tz'ib'b'il can pax yuj eb' schecb' Dios pecti'. Atn Jesús yunnal José, 'aj chon̈b' Nazaret, xchi.

Jn 1:46

Yuj cha, xyaln Natanael 'ixtc 'a 'a: —¿Tom 'ay junc wach' tzcot 'a Nazaret cha? xchi 'a 'a. —Cotan̈, 'at quila', xchi Felipe chi 'a 'a.

Jn 1:48

Yuj cha, 'ix sc'anb'n Natanael chi 'a 'ixtic: —¿Tas 'ix otj in ojcan 'eli? xchi. —A yic mantzac ach yawtj cot Felipe, ach wilni, 'aych 'ec' 'a yich jun te higo, xchi Jesús 'a 'a.

Jn 4:35

Ax tic, tzeyal 'ixtic: Chan̈e to 'uj sjaw stiempoal jach'oj, xe chi. Palta an tzwal 'ayex: 'Iltec, tox 'ix jaw stiempoal jach'oj. Palta wan waln yuj eb' tot 'oj in chani.