Jn 6:2 - Chuj San Sebastian Bible

² Til wal eb' 'anma x'och tza'n yuj Jesús, yujto xyil eb' jun tzo'n̈ milagro sch'oxo yic xya'n b'oxc sc'ojl eb' ya'ay.

Chuj San Mateo Bible

² Tzijtum eb' anima ix och tzac'an yuuj, yujto ix yil juntzan̈ satub'tac sch'ox yil eb' ayic syac'an b'oxoc sc'ol eb' penaay.

Jn 6:2 Iomraidhean Croise

Mt 12:15

A yic xyojcan 'el Jesús tas tznib'j ewin xyutej, 'ix yi'n 'el sb'a ta'. Til wal 'anma x'at yet'oc. Jantcn̈ej eb' ya'ay, c'uxn xb'ox can sc'ojl eb' yu'uj.

Mt 13:2

Til wal 'anma xc'och 'a 'aj 'ayc' cha. Yuj cha, x'och 'a yol jun barco, ata x'em wocan. Ax eb' 'anma', xcan eb' 'a sti a'.

Mt 14:14

Ax yic 'ix 'elt Jesús 'a yojl te barco cha, 'ix yilni til wal eb' 'anma 'ayx 'ec' pax ta'. Yuj cha, x'o'ch sc'ojl 'a eb', 'ix ya'n b'oxc sc'ojl jun tzo'n̈ eb' ya'ay x'ijx cot 'a 'a.

Mt 8:1

Ax yic 'ix 'em paxt Jesús 'a jun tzaln cha, til wal 'anma x'och tza'n yu'uj.

Mr 1:45

Palta ax yic 'ix 'at winac, 'ix syamn 'och win yaln 'eli, chajtl 'ix 'aj sb'oxi, c'uxn 'ix spucl yab'xil. Yuj cha, man̈xtzac stac' yoch Jesús 'a yol junc chon̈ab', yujto til wal mach tznib'j tzjaw 'a 'a; 'ix b'ey 'a 'aj may wal 'anma', palta xlaj cot eb' 'a junjn lugar, xjaw eb' 'a 'a.

Mr 6:33

Palta til wal 'anma x'iln s'at eb', 'ix yiln 'och eb' to a Jesús, yuj cha, 'ix cot eb' 'a junjn chon̈b' 'a sla'nil cha, 'ix 'at eb' 'a yoc, 'ix b'ab'l c'och eb' 'a 'aj xc'och cha.

Jn 11:47

Ax ewin fariseo cha, yet' eb' sat ya'mal 'och sti eb' israel 'a Dios, 'ix sc'umj sb'a ewin yet' eb' sat yajal. 'Ix laj yalnc eb' 'ixtic: —¿Tas tzcutjec tze na'a? Yujto til wal jun tzo'n̈ milagro wan sch'oxn jun winc cha.

Jn 12:18

Yuj cha, 'ix 'at eb' 'anma 'at scha Jesús, yujto xlaj yab' eb' yab'xil jun milagro chi 'ix sb'o'o.

Jn 12:37

Wach'xam til wal milagro sch'oxjnac Jesús 'a eb' israel, palta may wal eb' 'ix ya'ch sc'ojl 'a 'a.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 2:23

A yic 'ayc' Jesús 'a Jerusalén yuj jun q'uin̈ cha, til wal eb' xya'ch sc'ojl 'a 'a, yujto xyil eb' jun tzo'n̈ milagro 'ix ch'oxo.

Jn 20:30

Til to wal milagro sch'ox Jesús 'a eb' scuywum cha, palta ma'ix tz'ib'x can smasnil 'a ch'an̈ un̈ tic.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Jn 6:14

Ax eb' 'anma cha, c'uxn 'ix yil eb' jun milagro chi 'ix sch'ox Jesús. Yuj cha, xyaln eb' 'ixtic: —Atn jun schecb' Dios tic tan̈b'il xon sjaw 'a yolyib'n̈q'uinl tic, xchi eb'.

Jn 6:22

Ax 'a junx c'u, an̈ja 'aycn eb' 'anma chi 'a sc'axpil 'ec' a mar cha. Ax 'ix snan cot eb', to cojn jun barco chi x'ati. 'Ix yiln pax eb', to cojn eb' scuywum Jesús x'at 'a yojol. May 'aj x'och Jesús chi yet' eb'.

Jn 6:26

Xta'w Jesús 'a eb' 'ixtic: —Wal yel tzwal 'ayex, yujn̈ej to xb'ut'j e c'ojl wa'n e wa pan, yuj cha, tzin wul e saync pax 'eq'ui, man̈ yujoc xnachj 'el eyu'uj tas tzyal 'el'ch jun tzo'n̈ milagro xin ch'oxo.

Jn 6:30

Xlajw yab'n eb' jun cha, 'ix sc'anb'n pax eb' 'ixtc 'a 'a: —¿Tas wal junc milagro tztac' a ch'oxn quil on̈, sec 'oj ca'ch qui c'ojl 'aych on̈? ¿Tom 'ay tas tztac' a b'oni?