Jn 5:20 - Chuj San Sebastian Bible

²⁰ A 'in Mam cha, tzin schamc'ojlej an Yunnaln tic. Jantcn̈ej tas tzb'o'o, tzch'oxn̈j pax 'ayin. 'Ayt wal jun tzo'n̈ xo tas 'oj sch'oxo', sec 'oj sat e c'ojl eyilni.

Chuj San Mateo Bible

²⁰ A in Mam chi', te xajan in yuuj a in Yuninal in tic. A jantacn̈ej tas sc'ulej, sch'oxpax d'ayin. Ayto val juntzan̈xo tas te nivan ol sch'oxo', ol te sat e c'ool eyilani.

Jn 5:20 Iomraidhean Croise

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

Mt 17:5

Wanto spaxtin Pedro cha, 'ix 'eml jun 'asn caw tzictzni yilx 'a yib'n̈ eb'. Xlajw cha, 'ix alx 'emt jun paxti 'a scal 'asn cha, 'ix yaln 'ixtic: —Atn jun Wunnal tic chamc'ojlb'il wu'uj, caw tzin tzalj yet'oc. 'A'c 'och e chicn 'a tas tzyala, xchi.

Mt 3:17

'Ix yab'n eb' yalx 'emt jun paxti 'a satcha'an̈, 'ix yaln 'ixtic: —Atn jun tic Wunnal, caw chamc'ojlb'il wu'uj, caw wal tzin tzalj yet'oc, xchi.

Mt 4:8

Ax win diablo cha, 'ix yi'n 'at win jun 'ejm xo. 'Ix c'och eb' 'a jun niwquil tzalan, 'ix sch'oxn win smasnil jun tzo'n̈ niwc chon̈b' 'ay 'a yolyib'n̈q'uinl tic 'a 'a, chajtlto caw niwn yel'ch eb'.

Lc 10:22

Xlajw cha, xyaln pax 'ixtc 'a eb' 'anma 'ayc' ta': A 'in Mam, ya'jnac 'och smasnil tas 'a yol in c'ab'. May junc mach 'ojtnacn an Yunnaln tic, cojxn in Mam 'ojtnac in. An̈jtona', may mach tzcomn 'ojcan 'el in Mam, cojxn in an Yunnaln tic wojtac, yet' pax eb' tzin nib'j tzwac' 'ojcanc 'eli, xchi 'a eb'.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Jn 10:32

Palta xyaln pax 'ixtc 'a eb': —Til wal tas wach' xin b'o yuj spoder in Mam 'a e cal. ¿'Aja junc chi 'i'n tzin e nib'n in e jul chamoc? xchi 'a eb'.

Jn 14:12

Wal yel tzwal 'ayex, a eb' tzin 'a'n 'och 'a sc'ojol, 'oj sb'o eb' jun tzo'n̈ tas tzin b'o'o. 'Ay jun tzo'n̈ xo tas 'ec'b'al 'a yib'n̈ jun tzo'n̈ tic 'oj b'o yuj eb', yujto 'oj in pax 'a 'aj 'ay qui Mam Dios.

Jn 15:15

A ticnec, tzwal 'ayex, man̈xtoc ton̈j 'a'm ex servil 'ayin. Yujto a junc tz'a'w servil, man̈ yojcoc tas tzb'o spatron̈. Palta ax ticnec, caw in wach'c'ojl ex, yujto jantcn̈ej tas yaljnac can in Mam 'ayin, c'uxn xwalx 'ayex.

Jn 17:26

An xwac' yojcoc 'el eb' tas yaj a nab'en. 'Oj in wach' 'a'c yojcoc 'el eb', sec wach' 'icha tzin otj in a chamc'ojlani, 'ixta tzotj a chamc'ojlan pax eb', ax woch cajn 'a eb' 'a jun 'ejmn̈ej, xchi Jesús 'a qui Mam Dios.

Jn 3:35

Yunnal qui Mam Dios jun cha, chamc'ojlb'il yu'uj. Yuj cha, a Smam chi 'a'jnac 'och smasnil tas 'a yol sc'ab' yic tzya'n cuenta.

Jn 5:21

Yujto a 'in Mam cha, tztac' ya'n pitzwc pax eb' chamnac, tzya'n sq'uinl eb'. 'Ixta pax in an Yunnaln tic, toto 'ay eb' tzin nib'j tzwac' sq'uinal, 'oj wac'a'.

Jn 5:25

Wal yel tzwal 'ayex, a ticnec, tox 'ix jaw stiempoal yab'n eb' chamnc in jaj an Yunnaln Dios tic. A eb' tzyiclni, atn eb' 'oj scha sq'uinal.

Jn 5:29

ax sq'ue paxt eb'. A eb' wach' 'e'nc 'a yolyib'n̈q'uinl tic, 'oj pitzwc pax eb', ax schan eb' sq'uinl 'a jun 'ejmn̈ej. Ax eb' maysch'olnil 'ec' yutjnac sb'a, 'oj pitzwc pax eb' jun xo, palta 'oj 'atcn eb' 'a yailal 'a jun 'ejmn̈ej.

A Schab'il Carta San Pedro 1:17

Caw quiljnac on̈, yic ya'n qui Mam Dios stzictznil 'a 'a. Cab'n pax yaln Dios on̈, to caw niwn yel'ch Cajlilec cha. Yaln 'emt Dios 'ixtc 'a scal jun sniwn tzictznial: Atn jun tic, Wunnal, chamc'ojlb'il wu'uj, caw tzin tzalj yet'oc, xchi 'emta.