Jn 5:14 - Chuj San Sebastian Bible

¹⁴ At 'a jun 'ejm xo, 'ix sc'umn sb'a Jesús yet' win 'a yamq'uil yatut Dios, 'ix yaln 'ixtc 'a winac: —'Ab'i, a ticnec 'ix b'ox a c'ojol. Man̈x a b'o junc maysch'olnil, sec man̈x 'oj jawc jun niwn yailal 'a eb'an̈, xchi 'a winac.

Chuj San Mateo Bible

¹⁴ Axo d'a junelxo ix ilchaj vin̈ yuj Jesús d'a yamaq'uil stemplo Dios, ix yalan d'a vin̈: —Inai ach b'oxi. Man̈xo a c'ulej chucal, yic man̈xo ol ja junocxo yaelal más te nivan d'a ib'an̈, xchi d'a vin̈.

Jn 5:14 Iomraidhean Croise

2 Cr 28:22

Wach'xam caw niwn yailal xjaw 'a yib'n̈ rey Acaz cha, palta an̈ja yoch smul 'a Jehová.

Nehemías 9:28

Palta a yic 'aych eb' 'a junc'ojlal jun 'ejm xo, 'ix meltzj pax eb' sb'on maysch'olnil 'a ojltac; yuj wal cha, 'ix actncan eb' 'a yol sc'ab' eb' 'ajc'ojol, atn eb' chi x'a'n 'och eb' 'a yailal. Palta xmeltzj pax eb' yawj 'ayach, sc'ann eb' a colwal jun 'ejm xo. Ach xo tic 'aych 'ec' 'a satcha'an̈, yuj a niwquil chamc'ojlal xa chaj ab' tas xyal eb', caw niwn 'ejm xa col-l eb'.

Salmos 118:18

Caw niwquil in yailal 'ix ya'chi, palta ma'in schaj chamoc.

Salmos 18:22

'Ayc'n̈ej smasnil a checnb'il 'a in nab'en, may xon 'aj 'ix wij 'el in nab'en 'a a ley.

Salmos 27:6

'Ixta 'oj waj in colchj can 'el 'a yol sc'ab' eb' 'ajc'ojl oyn 'och 'ayin, ax wa'n in xajmb'al 'a yatut Jehová. 'Oj in b'itn yet' in tzaljc'ojlal, ax waln wach' paxti 'a 'a.

Salmos 9:13

Mamin Jehová 'o'ch cab' a c'ojl 'ayin, 'ilt wal cot in somc'ojlal 'aych yuj eb' matz in nib'ni. Coln 'el 'a yol sc'ab' chamel.

Is 38:20

Mamin Jehová qui Colmal aji, yuj cha, smoj wal ach qui b'itnan yet' qui arpa, tzqui b'itnan a b'i 'a atut, ya' sb'a 'ayt jacx qui q'uinl on̈, xchi rey Ezequías.

Is 38:22

Yuj cha, sc'anb'n win Ezequías chi 'ixtc 'a Isaías cha: ¿Tas wal junc senya 'oj ch'oxxoc wila', sec 'oj nachjoc 'el wu'uj, ax in 'atx 'a yatut Jehová? xchi winac.

Lv 13:20

Ax win tz'ilni toto man̈ cojnoc 'a stz'umal 'aychi. Toto sacx yilx xil yu'uj, ax win tzalni to lepra jun yab'il cha, man̈xtzac stac' jun tz'aj yet' yit 'anma'il.

Lv 26:27

Toto ma'oj sna sb'a e c'ojl yuj jun tzo'n̈ cha, matz ex 'och yiclumal 'ayin, to an̈j 'ijnoc tenmtac tzeyutj e b'a,

Lv 7:12

Toto a junc no xajmb'al tz'ajx cha, yic alj yuj diosal yaj no', yowlal tz'ajx 'ox c'ajoc 'ixm pan may yich yet' no'. Chab' pan pim tz'aji tzcalx yet' yaceiteal te olivo, yet' jun tzo'n̈ c'oxox pan, tzq'ue aceite 'a yib'an̈.

Mt 12:45

Yuj cha, tz'at yi'nc cot ucwn̈ocx yit demonioal 'ec'b'al xo stul 'a yib'an̈. Tzwach' 'och cajn eb' 'a jun 'anma cha. Yuj cha, yel xo wal caw maysch'olnil tz'aj jun 'anma chi 'icha 'a b'ab'el. 'Icha jun 'anma cha, 'ixta 'oj 'aj swach' juw 'el e nab'en, xchi Jesús.

Mr 2:5

Yic xyiln Jesús, chajtlto tzya'ch eb' sc'ojl 'a 'a, 'ix yaln 'a win sicb'nac 'el chi 'ixtic: —Ach winac, tic 'ix 'ajx can lajwc a mul, xchi 'a winac.

Jn 5:13

Palta man̈ yojcoc winac tas sb'i jun chi x'a'n b'oxc winac, yujto til wal 'anma 'ayc' ta'. Yuj cha, ma'ix yil winac 'aj xc'och Jesús 'a scal eb' 'anma chi muc'uc.

Jn 5:5

Ata 'ay jun winac, 38 ab'il xo sjuw cani.

Jn 8:11

—May Mamin, man̈x 'a mach, xchi 'ix. —An̈jtona 'in, may tas tzwa'ch 'a eb'an̈. Yuj cha, 'ixic. Man̈x a say a mulc jun 'ejm xo, xchi Jesús 'a 'ix.]

A Sb'ab'el Carta San Pedro 4:3

A 'a yic yalan̈, niwn tiempo e b'ojnac jun tzo'n̈ tas 'aj 'aych snab'en eb' man̈ 'ojtnacoc Dios. Palta can cab' jun tzo'n̈ chi ticnec. Yujto a 'a jun tiempoal cha, cojxn 'ajmulal e b'ojnac, cojn maysch'olnilal e nib'jnac 'ochi. 'U'm ex 'an̈, toxn̈ej tzex laj somlji ta'. Til wal 'an̈ eyu'jnac. An̈jtona', eyaljnac e b'a 'a jun tzo'n̈ tzalx 'och diosal, a jun tzo'n̈ cha, caw man̈ smojoc.