Jn 4:53 - Chuj San Sebastian Bible

⁵³ Yuj cha, 'ix snan cot winac, to 'ixta yorail xyal Jesús 'a win 'a yewial cha. Yic yaln 'ixtic: Ma'oj cham jun onnal cha, xchi 'a winac. Yuj cha, xya'n 'och win sc'ojl 'a Jesús, yet' jantcn̈ej eb' 'ay yet' 'a yol yatut cha.

Chuj San Mateo Bible

⁵³ Yuj chi' ix snaancot vin̈ to icha chi' yorail yal Jesús chi' d'a vin̈ icha tic: Man̈ ol chamlaj jun uninal chi', xchi. Yuj chi', ix yac'och Jesús vin̈ d'a sc'ool yed' jantac eb' ay d'a yol spat.

Jn 4:53 Iomraidhean Croise

Salmos 107:20

Xyalni to tzb'ox sc'ojl eb', yuj cha 'ix jaw sc'ojl eb'; scoln 'elt eb' 'a yol sc'ab' chamel.

Salmos 33:9

Yujto a 'ix paxtini, yuj cha, 'ix b'o 'el'ch smasnil tas. A pax 'ix alni, yuj cha, xcheclj chan̈ smasnil tas.

Mt 8:13

Xlajw cha, xyaln pax Jesús 'ixtc 'a win capitan̈ cha: —Paxn̈ 'a atut, 'icha wal tzotj a'n 'och Dios 'a a cojol, 'ixta 'oj 'aj sb'o 'ayach, xchi 'a winac. Ax jun smoso win cha, yajn̈ej xb'ox can sc'ojol.

Lc 19:9

Yuj cha, xyaln Jesús 'ixtic: —A ticnec, 'ix schaj eb' 'ajn̈a tic colnb'il, yujto a Zaqueo tic yel yin̈tl can Abraham.

Jn 4:51

Wan s'atx win 'a yol b'e, 'ix chan sb'a win yet' eb' smajn tzmunlj 'a 'a. 'Ix yaln eb' 'ixtc 'a winac: —Tox 'ix jaw sc'ojl jun onnal cha, xchi eb' 'a winac.

Jn 4:52

—¿Janc' wal jun 'ix b'ox sc'ojol? xchi winac. —At xo 'ew b'ox sc'ojol, a 'a yic 'a la una sicb' jun c'ac' chi 'a 'a, xchi eb' 'a winac.

A Tas Sc'ulejnac Eb' Schecab' Jesús Hechos 11:14

A 'oj wul alnc 'ayach', chajtl 'oj aj a colchji, yet' jantcn̈ej eb' jun aj et' 'a yol atut, xchi ab' jun ángel chi 'a winac.

A Tas Sc'ulejnac Eb' Schecab' Jesús Hechos 16:15

Yuj cha, xya'n 'ajxc bautisar sb'a 'ix, yet' jantcn̈ej eb' jun yaj yet' 'a yol yatut. Xlajw xoj cha, xyaln 'ix 'ayn̈ 'ixtc on̈: —Toto tze na'a, to yel tzwa'ch in c'ojl 'a Cajlil, 'ochn̈ec 'a yol watut. Wach' tzex 'aj ta', xchi 'ix 'ayn̈ on̈. Caw xtew 'och 'ix 'ayn̈ on̈, yuj cha, on̈ 'och wan ta on̈.

A Tas Sc'ulejnac Eb' Schecab' Jesús Hechos 16:34

Xlajw xoj cha, xyi'n 'och win eb' 'a yol yatut. 'Ix ya'n wa win eb'. Caw 'ix tzalj win yet' eb' jun yaj yet' cha, yujto xya'ch eb' sc'ojl 'a Dios.

A Tas Sc'ulejnac Eb' Schecab' Jesús Hechos 18:8

'Ay jun win Crispo sb'i, yajl yaj 'a jun capiya cha. 'Ix ya'ch win sc'ojl 'a Cajlil, yet' jantcn̈ej eb' jun yaj yet' 'a yol yatut. Til to wal eb' 'aj Corinto x'ab'n to spaxti Dios, 'ix ya'ch eb' sc'ojl 'a 'a. 'Ix ya'n 'ajxc bautisar sb'a eb'.

A Tas Sc'ulejnac Eb' Schecab' Jesús Hechos 2:39

Yujto 'ixta yutjnac ya'n can sti 'ayx quet' on̈, yet' 'a eyunnal, yet' pax 'a smasnil mach 'ay 'a najat. Yujto a Cajlil qui Diosalec, tzyac' Yespíritu 'a jantcn̈ej mach tzyawtj 'och yico'oc, xchi Pedro 'a eb'.