Jn 4:13 - Chuj San Sebastian Bible

¹³ Yuj cha, xyaln pax Jesús 'ixtc 'a 'ix: —Tzann̈j mach tz'u'n jun a tic, tz'ochx stacn̈til eb' jun 'ejm xo.

Chuj San Mateo Bible

¹³ Yuj chi' ix yalan d'a ix: —A mach tz'uc'an jun a a' tic, stacjixi sti' eb'.

Jn 4:13 Iomraidhean Croise

Lc 16:24

Yuj cha, x'awj chan̈ winac, 'ix yaln 'ixtic: Mamin Abraham, comnoc tz'o' cot a c'ojl 'ayin. Tza chec cot Lázaro 'ayin. Tzyac' 'ejm junc yune sc'ab' 'a scal a a', tzwul ya'nc 'och jac 'a sn̈i wac' tic. Yujto caw matz techj wab'n syal 'a scal c'ac' tic, xchi winac.

Jn 4:12

A qui mam 'ichm Jacob on̈, a 'u'jnac a yet' eb' yunnal 'a tic, yet' jun tzo'n̈ scajb'en noc'. A yic schami, xcan jun a tic 'ayn̈ on̈. Ach xo tic, ¿tom 'ec'b'al opiso 'a Jacob cha? xchi 'ix 'a 'a.

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

Jn 6:49

A eb' qui mam quichmec, sc'uxjnac eb' jun maná 'a cusltac lu'um, palta chamnc pax eb' smasnil.