Jn 3:2 - Chuj San Sebastian Bible

² Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Chuj San Mateo Bible

² Ix c'och vin̈ d'a Jesús d'ac'valil, ix yalan vin̈ d'ay icha tic: —Ach co C'ayb'umal, cojtac to a Dios checjinac ach cot on̈ a c'ayb'ej, yujto ay juntzan̈ satub'tac tza ch'oxo'. Malaj junoc mach syal sc'ulan juntzan̈ chi', tato man̈ ayoc och Dios yed'oc, xchi vin̈ d'ay.

Jn 3:2 Iomraidhean Croise

A Ch'an̈ B'ab'el Libro Yic Yab'ixal Eb' Rey 17:24

—A ticnec b'i'an, 'ix wojquej 'eli to yel schecb' ach Dios. A spaxti Jehová tzal-li, caw tz'el'chn̈ej eb', xchi 'ix 'a winac.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.

Jeremías 38:16

Palta caw c'ultacl xyac' win rey Sedequías sti 'ayn 'ixtic: —Wal 'a sat Jehová jun tz'a'n qui q'uinal, tzwa'n in ti 'ayach, chajtlto ma'oj ach wac' milxoc chamoc, an̈jtona ma'oj ach wa'ch pax 'a yol sc'ab' eb' tzach nib'n milnc chamoc, xchi win 'ayin.

Mt 22:16

Yuj cha, xchecn 'at ewin jaywn̈ eb' scuywum 'a Jesús, yet' jaywn̈ eb' 'aych 'a spartido rey Herodes, 'ix 'at yalnc eb' 'ixtc 'a 'a: —Ach qui Cuymal on̈, cojc wal si'mb'il on̈ to caw yeln̈j tas tzala. Cojc pax on̈, to a jun b'eyb'al tznib'j Dios, caw an̈j tzac' cuyxoc 'a yel. Jun lajnn̈ej tzotj pax a nab'en 'a smasnil 'anma', yujto lajnn̈ej ye'l'ch junjn eb' 'a a sat.

Mt 23:7

Ax yic tzlaj 'ec' eb' 'a yol caye, caw tzalj eb', yic tzlaj ya'nc 'ejm sb'a eb' 'anma 'a eb'. Caw tzalj pax eb', yic tzlaj yalnc eb' 'anma scuymalc eb'.

Mt 23:8

Palta ax xo tic, man̈ e cha yal junc mach ex scuymaloc, yujto junn̈j e Cuymal, an ton Cristo in tic. Ax tic, lajnn̈ej eyel'ch e masnil.

Mr 12:14

'Ix wul yalnoc eb' 'ixtc 'a 'a: —Mamin, cojc on̈ to caw yel tzala. Cojc pax on̈ to jun lajnn̈ej tzotj a nab'en 'a smasnil 'anma', yujto jun lajnn̈ej yel'ch junjn mach 'a a sat, ax jun b'eyb'al tznib'j Dios, a tzac' cuyxoc 'a yel. ¿Tas tza na'a? A jun tzo'n̈ tumn tzc'anx 'el 'ayn̈ yuj win yajl 'a Roma, ¿wach' am tzcac'a, mto ma'ay? ¿'Aym sleyl tzcac'a, mto ma'ay? xchi eb' 'a 'a.

Jn 1:38

Ax Jesús cha, 'ix sutmj 'at q'ueln 'a spatic. 'Ix yilni to tza'n 'och eb' yu'uj, yuj cha, xyaln 'ixtc 'a eb'. —¿Tas tze saya? xchi 'a eb'. —Ach qui Cuymal on̈ ¿'ajm til 'ay atut ticnec? xchi eb' 'a 'a.

Jn 10:38

Palta an tic, yel wan in b'on 'icha tzb'o in Mam cha. Yuj cha, wach'xam matz eya'ch e c'ojl 'a tas tzwala, palta 'a'c 'och e c'ojl 'ayn yuj jun tzo'n̈ tzin b'o tic. Toto 'ixta', 'oj nachjoc 'el eyu'uj, chajtlto 'aych qui Mam Dios 'ayin, 'ayn 'och pax 'a 'a, xchi 'a eb'.

Jn 12:37

Wach'xam til wal milagro sch'oxjnac Jesús 'a eb' israel, palta may wal eb' 'ix ya'ch sc'ojl 'a 'a.

Jn 14:10

¿Tom matz a'ch 'a a c'ojol, to 'ayn 'och 'a qui Mam Dios, 'aych pax 'ayin? A tas tzwala, man̈ munoc tzwal in ch'ocoj. Palta a qui Mam Dios 'aych 'ayin, a wan smunlj wet'oc.

Jn 15:24

A jun tzo'n̈ milagro xlaj in ch'ox 'a scal eb', may junc xo mach tztac' yuj 'ixta'. Q'uinloc may milagro chi xin ch'oxo, to 'ixta', may smul eb'. Al ticnec, wach'xam xyil eb' jun tzo'n̈ cha, palta an̈ja schichn 'och eb' 'ayin, tzchichn pax 'och eb' 'a in Mam.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 20:16

—María, xchi Jesús chi 'a 'ix. —Yuj cha, 'ix sutmj 'at q'ueln 'ix 'a 'a. 'Ix paxtin 'ix 'a hebreo: —Raboni, xchi 'ix. Tzyal 'el'chi, ach in Cuymal.

Jn 3:26

Yuj cha, xit' yalnc eb' 'ixtc 'a Juan cha: —Ach qui cuymal on̈, a jun 'e'nc et' 'a sc'axpil 'ec' a Jordán, jun alcn 'ayn̈ on̈, a jun cha, wan ya'n bautisar eb' 'anma ticnec. C'uxn tzlaj 'och eb' scuywumoc, xchi eb' 'a Juan cha.

Jn 4:31

Yic mantzac c'och eb', 'ix yaln eb' scuywum 'ixtc 'a 'a: —Mamin, wan̈ jab'oc, xchi eb'.

Jn 5:36

Palta 'ay junx 'ec'b'al yel'ch 'a yib'n̈ Juan cha. A tzch'oxn 'eli tas wopiso. Yujto a jun tzo'n̈ tas tzyac' in Mam in b'o', a tzin b'o'o. 'Ixta tz'aj scheclj 'eli, to a 'in Mam chi checjnacn coti.

Jn 6:2

Til wal eb' 'anma x'och tza'n yuj Jesús, yujto xyil eb' jun tzo'n̈ milagro sch'oxo yic xya'n b'oxc sc'ojl eb' ya'ay.

Jn 7:31

Palta til wal 'anma 'ix ya'ch sc'ojl 'a 'a. 'Ix laj yalnc eb' 'ixtic: —A yic 'oj jawc Cristo, ¿tom caw 'ec'b'al xo milagro 'oj sch'ox 'a yib'n̈ jun tic? xchi eb'.

Jn 9:16

Yuj cha, 'ay jaywn̈ ewin xcob' alnc 'a win 'ixtic: —A jun winc chi xjacn yol a sat cha, man̈ yico'oc Dios, yujto matz yiclj sc'ul 'iljelal, xchi eb' 'a winac. Palta xlaj yalnc jun tzo'n̈ xo eb': —A Jesús cha, man̈ 'ajmuloc. A junc 'ajmul, ¿tom tztac' sch'oxn junc milagro 'icha tzch'ox Jesús tic? xchi ewinac. —Yuj cha, chapoj xyutj sb'a eb'.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

A Tas Sc'ulejnac Eb' Schecab' Jesús Hechos 2:22

Ex wit israelal, 'a'c 'och e chicn 'a jun tzo'n̈ xo tic 'oj wal 'ayex. A Dios 'ix ch'oxn yopiso Jesús 'ayex, yic 'ix sb'on jun tzo'n̈ milagro, jun tzo'n̈ may 'aj tzquila, yet' jun tzo'n̈ xo tas tzch'oxn 'el spoder. A jun tzo'n̈ tic sb'o Dios yet' Jesús. 'In caw eyojc xon jun tzo'n̈ tic.

A Scarta San Pablo D'a Eb' Aj Filipos 1:14

A yic xyiln eb' creyente, chajtlto te'n tzwutj in b'a 'a preso tic, til wal eb' xwach' 'och ste'nal wu'uj. Caw man̈xtzac xiw eb' yaln 'el spaxti Dios 'a tic. Caw te'n tzyutj sb'a eb' yuj Cajlilec.

Jueces 6:27

Xlajw cha, xyawtn cot Gedeón chi lajn̈wan̈ ewin schecab', 'ix sb'on 'icha tas xyal Jehová 'a 'a. Ma'ix sb'o 'a c'ual, yujto tzxiw 'a eb' yican smam, yet' 'a eb' 'anma cajn 'ec' 'a jun chon̈b' cha, yuj cha, a 'a 'ac'wl 'ix sb'o'o.