Jn 3:14 - Chuj San Sebastian Bible

¹⁴ An tic, 'Ochnc in 'Anma'il, palta 'icha yutjnac Moisés st'un̈n q'ue jun yechl chan 'a cusltac lu'um, 'ixta 'oj waj q'ue t'un̈n paxi.

Chuj San Mateo Bible

¹⁴ Icha yutejnac vin̈aj Moisés sd'un̈b'anq'ue jun q'uen yechel chan d'a taquin̈ luum, icha chi' ol in ajq'ue d'un̈an.

Jn 3:14 Iomraidhean Croise

A Ch'an̈ Schab'il Libro Yic Yab'ixal Eb' Rey 18:4

Atn tic 'ix sb'o'o: 'Ix yij 'el smasnil jun tzo'n̈ macsej 'ay 'a jolmctac witz, choc' 'ix yutj sma'n poj jun tzo'n̈ q'uen q'uen to niwn yel'ch yuj eb' 'anma', stzu'n 'at jun sch'oxnb'il comn dios tzcuch Asera. 'Ix sma'n pax poj jun yechl chan to nab'a bronce b'ob'il yuj Moisés, atn 'a jun chi 'aj 'ix yac' eb' israel tz'a incienso, Nehustán xyac' sb'ioc.

Salmos 22:16

'Ay nan̈l eb' 'anma maysch'olnil, 'ix 'och oyn eb' 'ayn 'icha no tz'i', 'ix yoln eb' in c'ab' yet' pax woc.

Is 11:10

A 'a jun tiempoal cha, 'oj sch'oxl sb'a jun yin̈tl Isaí cha. Til wal 'anma 'oj cot 'a jun tzo'n̈ xo nacion̈, ax sayn 'ec' eb' 'aj 'ayc' cha, caw niwn yel'ch 'a sat eb'.

Mt 26:54

Palta toto 'oj in c'an 'ixta', ma'oj 'el'choc tas tz'ib'b'il can 'a Ch'an̈ U'un̈. Yujto tz'ib'b'il can ta', to yowlal 'ixtc 'oj waji, xchi 'a 'a.

Mt 8:20

Ax Jesús, xyaln 'ixtc 'a winac: —A no wa'ax 'ay yet'l no 'a yol n̈aq'ue'en, no ch'ic, 'ay yet'l no 'aj tzwayi. Palta an xo tic, wach'xam 'Ochnc in 'Anma'il, may wet'l 'aj tzin wayi, xchi 'a winac.

Lc 24:20

Palta ax ewin sat ya'mal 'och qui ti 'a Dios, yet' ewin yajl yaj 'ayn̈ec, xya'ch ewin 'a yol sc'ab' chamel. Yuj cha, x'ajx 'och 'a spenc culus.

Jn 18:32

'Ixta x'aj yel'ch tas 'ix yal Jesús, chajtlto 'ixta 'oj yutc eb' smiln chamoc.

Jn 6:51

An ton tic cotnc in 'a satcha'an̈, 'icha wal in, yujto 'a'm in q'uinl 'a jun 'ejmn̈ej. Yuj cha, a eb' tzwan jun tic, pitzn eb' 'a smasnil tiempo. A jun 'icha wal tzwac' waxoc tic, atn in chib'jal, xchi Jesús 'a eb'.

Jn 8:28

Yuj cha, 'ix yaln pax 'a ewin 'ixtic: —At yic 'oj in e t'un̈nc q'ue'i, ax snachj 'el eyu'uj, to an 'Ochnc in 'Anma'il. Atta 'oj eyojcoc 'eli to may tas mun tzin b'o in ch'ocoj. An̈j jun tzo'n̈ cuynb'il yaljnac in Mam 'ayin, an̈j tzwala.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.