Jn 20:2 - Chuj San Sebastian Bible

² Yuj cha, caw carela x'at 'ix. Ax 'a Simón Pedro xc'ochi. 'Ayc' pax junx scuywum Jesús, atn jun caw chamc'ojlb'il yu'uj. 'Ix yaln 'ix 'a eb' 'ixtic: —Caw 'ix 'ijx 'elt sniwnal Cajlilec 'a 'aj mucb'il can 'ochi. ¿'Ajm wal 'ix yij 'at ewinac? xchi 'ix 'a eb'.

Chuj San Mateo Bible

² Yuj chi' elan̈chamel ix b'at lemnaj ix, axo ix c'och ix d'a vin̈aj Simón Pedro yed' d'a junxo vin̈ sc'ayb'um Jesús, aton vin̈ te xajan yuj Jesús chi'. Ix yalan ix d'a eb' vin̈: —Toxo ix ic'jib'at snivanil Cajal Jesús b'aj mucan, ¿b'aj am ix yac' eb'? xchi ix d'a eb' vin̈.

Jn 20:2 Iomraidhean Croise

Jn 13:23

'Ay jun caw chamc'ojlb'il yu'uj, wocn 'ejm 'a smo'och, yic wan swa eb'.

Jn 19:26

'Ayc' pax jun scuywum Jesús 'a stz'ey snun cha, atn jun caw chamc'ojlb'il yu'uj. Yic 'ix yiln Jesús eb', 'ix yaln 'a snun chi 'ixtic: —Nunin, a jun 'ayc' et' tic, 'icha one tzotej, xchi.

Jn 20:13

'Ix sc'anb'n 'elt eb' 'a 'ix 'ixtic: —Ach 'ix, ¿tas yuj tzach 'oq'ui? xchi 'elt eb'. —Yujto 'ix 'ijx 'el sniwnal Wajlil 'a tic. ¿'Ajm wal 'ix yij 'at eb'? xchi 'ix 'a eb'.

Jn 20:15

Yuj cha, sc'anb'n 'a 'ix 'ixtic: —Ach 'ix, ¿tas yuj tzach 'oq'ui? ¿Mach tza sayq'ui? xchi 'a 'ix. Palta snan 'ix, to a win tzmunlj 'a te 'awb'ente chi lin̈n 'ec' ta'. Yuj cha, xyaln 'ix 'ixtc 'a 'a: —Ach winac, toto ach xwul ec' 'elt sniwnal Jesús tic, al 'ayin, 'aj xit' a'cni, sec 'oj wi'ti, xchi 'ix 'a 'a.

Jn 20:9

At 'ijnoc wal ya'n 'och eb' 'a sc'ojl cha, to yel xpitzw pax Jesús. Yujto ma'ix nachj 'el yuj eb' tas tz'ib'b'il can 'a Ch'an̈ U'un̈, chajtlto yowlal 'oj pitzwc pax Jesús 'a scal eb' chamnac.

Jn 21:20

Ax 'ix sutmj 'at q'ueln Pedro chi 'a spatic. 'Ix yilni to a jun scuywum Jesús chi xajn yu'uj, a tza'n 'och yuj eb'. Atn jun chi wocn 'ejm 'a smo'och yic swa eb' 'a jun 'el, yic sc'anb'n 'ixtc 'a 'a: Mamin, ¿mach 'oj a'n 'och 'a yol sc'ab' chamel? xchi 'a 'a.

Jn 21:24

Atn jun scuywum tic tzyac' testigoal sb'a yuj jun tzo'n̈ tic, tz'ib'n can paxi. An̈ tic on̈ cojc on̈, caw yel jun tzo'n̈ tic 'ix tz'ib'x can tic.

Jn 21:7

Ax jun scuywum Jesús caw chamc'ojlb'il yu'uj, a 'ix aln 'ixtc 'a Pedro: —'In a Cajlil tic, xchi. Xlajwn̈ej yab'n Simón Pedro jun cha, 'ix stza'n cot spichul. 'Ix ya'n 'och muc'uc, yujto 'elnc spichl chi yu'uj. 'Ix sjuln 'elt sb'a 'a yol barco cha, 'ix 'el'ch 'a sti a'.