Jn 20:1 - Chuj San Sebastian Bible

¹ Ax 'a yic domingo, 'ayt wal sacb'i, 'ix 'at María Magdalena 'a 'aj xmucx can 'och sniwnal Jesús cha. Ax yic xc'ochi, 'ix yilni 'elnc xo smac q'uen q'uen cha.

Chuj San Mateo Bible

¹ A d'a domingoal, ayto sacb'i, ix b'at ix María Magdalena b'aj ix mucchajcanoch snivanil Jesús chi'. Ix yilan ix to toxo ix ic'jiel smacul b'aj mucan chi'.

Jn 20:1 Iomraidhean Croise

Mt 27:56

A 'a scal eb', ata 'ayc' María Magdalena, yet' María snun Jacobo yet' José, yet' pax snun eb' yunnal Zebedeo.

Mt 27:60

'Ay jun q'uen q'uen olb'il xo, yic xon José cha, mant 'a junc chamnc 'ac'b'il 'och 'a yojl q'ue'en. Ata xya'cn 'och sniwnal Jesús cha. 'Ix ya'n can 'och jun niwquil q'uen smacloc. Xlajw cha, 'ix paxi.

Mt 27:64

Yuj cha, mamtzac a checb't stan̈mal jun 'aj xit' 'ajxc 'och sniwnal win cha, masnto tz'el 'a schab'jil cha. Toto ma'ay, tecn 'oj 'at yelc' 'elt eb' scuywum sniwnal chi 'a 'ac'wal. 'Oj lajwc cha, ax yaln 'el eb' 'ixtc 'a scal eb' 'anma': 'Ix pitzw pax Jesús 'a scal eb' chamnac, tecn 'oj schic eb'. Toto 'ixta', a jun 'es 'oj yac' eb' 'a slajub', 'ec'b'al stul 'a yib'n̈ jun b'ab'l 'ix yac' eb', xchi ewin 'a win Pilato cha.

Mt 27:66

Yuj cha, xyi'n 'at ewin eb' soldado cha, stan̈wni ewin q'uen olb'il q'uen cha. 'Ix ya'n 'och ewin jun seyo 'a smac q'ue'en. Ax eb' soldado cha, 'ix can eb' stan̈woc.

Mt 28:1

Xlajw yec' sc'ul 'iljelal, 'ix sacb' 'el 'a Domingo, sb'ab'l c'ul seman. 'Ix 'at María Magdalena yet' junx María 'a 'aj 'ix 'ajx can 'och sniwnal Jesús.

Mt 28:2

Ax yic wan sc'och eb' ta', 'ix 'ec' jun quixcab' caw ow, yujto a jun yángel Cajlil a 'ix 'emt 'a satcha'an̈, 'ix c'och 'a jun q'uen cha. Slocn 'elt q'uen smac cha, 'ix 'em wocn 'a yib'an̈.

Mr 15:46

Ax José cha, 'ix sman jun sábana caw wach'. Xlajw cha, 'ix 'at yi'nc 'emt sniwnal Jesús cha. 'Ix sb'a'n 'och te sábana chi 'a 'a. Xya'n 'och 'a yojl jun q'uen q'uen olb'il xo. 'Ix ya'n can 'och jun q'uen smacloc.

Mr 16:9

[A 'a Domingo 'a yic 'ayt sacb'i, ata xpitzw pax Jesús. Xlajw cha, a 'a 'ix María Magdalena 'aj 'ix sb'ab'l ch'oxj sb'a. A 'a jun 'ix cha, ata 'elnc ucwn̈ ewin demonio yuj Jesús.

Jn 11:38

Ax Jesús, an̈ja pitz'n 'och cusc'ojlal 'a 'a, yic 'ix c'och 'a 'aj mucn winac. A 'a yol jun q'uen olb'il, ata 'aych sniwnal winac. 'Aych can pax jun q'uen smacloc.

Jn 11:41

'Ixta to b'i'an, 'ix yi'n 'el eb' q'uen smac chi 'aj 'aycn 'och winac. Ax Jesús, 'ix q'ue q'ueln 'a satcha'an̈, 'ix yaln 'ixtic: —Mamin, yuj wal dios 'ayach, 'ix ab' tas 'ix wala.

Jn 19:25

A 'a stz'ey sculsal Jesús, 'aj t'un̈n q'ue cha, ata 'ayc' snun. Ajun pax jun 'ix snul'j yet'oc, yet' 'ix María yistl Cleofas, yet' pax 'ix María Magdalena.

Jn 20:26

Yucb'ixial xo, 'ix syamn pax sb'a eb' jun 'ejm xo 'a yol n̈a cha. 'Ayx 'ec' Tomás chi yet' eb'. Caw sin̈n̈i yaj sch'apx te n̈a cha, palta ax xyiln eb', 'ayx 'ec' Jesús 'a scal eb'. 'Ix yaln 'a eb' 'ixtic: —Junc'ojlal cab' eyaji, xchi.

A Tas Sc'ulejnac Eb' Schecab' Jesús Hechos 20:7

Ax 'a yic domingo, xqui yamn qui b'a yet' eb' creyente smasnil on̈, yic xqui wan 'ixm pan yic snanb'il cot Cajlil. Ax Pablo x'a'n scuynb'il eb' creyente. Q'ui'noc xoj s'ati. Yuj cha, til wal tas 'ix yalcn 'a eb', masnto x'och chim'ac'wal.

1 Co 16:2

A 'a junjn domingo tzeyila jantc tas tzeyac' ganar. Tzeyi'n can 'el eyofrenda junjn ex, tze molni. Toto 'ixta', man̈ yowlalc at tzin c'ochi, tzeya'n lista eyofrenda cha.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.