Jn 2:22 - Chuj San Sebastian Bible

²² Yuj cha, a yic 'ix pitzw pax 'a scal eb' chamnac, 'ixta to b'i'an, 'ix snan cot eb' scuywum tas 'ix yala. Yujto at wal ta 'ix ya'ch eb' 'a sc'ojol, yuj tas tz'ib'b'il can 'a Ch'an̈ U'un̈, yet' 'a tas yaljnac can Jesús 'a eb'.

Chuj San Mateo Bible

²² Yuj chi', ato yic ix pitzvixi d'a scal eb' chamnac, ix snaancot eb' sc'ayb'um tas ix yala'. Ix yac'anoch eb' d'a sc'ool tas tz'ib'yajcan d'a Slolonel Dios yed' tas yalnaccan Jesús chi' d'a eb'.

Jn 2:22 Iomraidhean Croise

Salmos 16:10

Yujto ma'oj actc can in pixn 'a scal eb' chamnac, ma'oj a cha c'a in niwnal an sic'b'iln 'el oj tic.

Lc 24:26

A Cristo, toxn to yowlal xyab' syal jun tzo'n̈ cha, yic mantzac 'och Yajlil, xchi 'a eb'.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.

Jn 12:16

A 'a jun c'u cha, ma'ix nachj 'el jun tzo'n̈ tic yuj eb' scuywum Jesús. At yic tox 'ix 'ijx pax q'ue Jesús chi 'a satcha'an̈, atta 'ix sna cot eb', to a yab'xil Jesús tz'ib'b'il can 'a Ch'an̈ Un̈ cha, caw 'ix 'el'ch 'icha yaj yalx cani.

Jn 14:26

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

Jn 16:4

Tzwalcn jun tzo'n̈ tic 'ayex, sec a yic 'oj jawc jun tiempoal cha, 'oj e na coti, to waljnacx can 'ayex. Ma'ix wal jun tzo'n̈ tic 'ayx 'a yic yalan̈, yujto 'aynto 'ec' eyet' ta'.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 2:17

Ax eb' scuywum, 'ix snan cot eb' tas tzyal 'a Ch'an̈ U'un̈, 'a 'aj tzyal 'ixtic: Caw pitz'n 'och 'a in c'ojl in ya'iln atut, xchi.

Jn 2:2

'Ix c'och pax Jesús yet' eb' scuywum, yujto 'awtb'il eb'.

A Tas Sc'ulejnac Eb' Schecab' Jesús Hechos 11:16

Yuj cha, xin nan cot tas alb'il can yuj Cajlilec, yic yaln 'ixtic: Yel toni, a win Juan x'a'n bautisar eb' 'anma 'a a a'. Palta ax tic, 'oj 'ajxoc Yespíritu Dios 'ayex, 'icha to 'oj eyajx bautisar yu'uj, xchi.

A Tas Sc'ulejnac Eb' Schecab' Jesús Hechos 13:33

Ya'jnac can pax sti 'ayn̈ec, yujto yin̈tl on̈ec eb' qui mam quichmec cha. Yic 'ix pitzw pax Jesús, 'ix 'el'ch tas yaljnac can cha, yic ya'n can sti'. 'Icha yaj stz'ib'x can 'a ch'an̈ schab'l Salmo, 'aj tzyal 'ixtic: Ach tic Wunnal ach. A 'a jun c'u tic, 'ix wac' checljoc 'eli to 'ixta aji, xchi Dios.