Jn 2:2 - Chuj San Sebastian Bible

² 'Ix c'och pax Jesús yet' eb' scuywum, yujto 'awtb'il eb'.

Chuj San Mateo Bible

² Ix c'och pax Jesús yed' eb' sc'ayb'um, yujto avtab'il eb'.

Jn 2:2 Iomraidhean Croise

Mt 12:19

May 'aj 'oj yac' owal. May 'aj 'oj q'ue yaw, may mach 'oj 'ab'noc sjaj 'a yol caye.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Mt 25:45

Palta 'oj wal 'ixtc 'a eb': Wal yel tzwal 'ayex, a yic ma'ex colwj 'a jun tzo'n̈ eb' tic, wach'xam may yel'ch eb', tzyal 'el'chi, a 'ayn ma'ex colwji, 'oj in chic 'a eb'.

Jn 2:12

Xlajw xoj cha, x'at Jesús 'a chon̈b' Capernaum. 'Ix 'at pax snun, eb' yu'tac, yet' pax eb' scuywum yet'oc, ata xcan eb' jaye c'u.

Jn 2:17

Ax eb' scuywum, 'ix snan cot eb' tas tzyal 'a Ch'an̈ U'un̈, 'a 'aj tzyal 'ixtic: Caw pitz'n 'och 'a in c'ojl in ya'iln atut, xchi.

Jn 2:22

Yuj cha, a yic 'ix pitzw pax 'a scal eb' chamnac, 'ixta to b'i'an, 'ix snan cot eb' scuywum tas 'ix yala. Yujto at wal ta 'ix ya'ch eb' 'a sc'ojol, yuj tas tz'ib'b'il can 'a Ch'an̈ U'un̈, yet' 'a tas yaljnac can Jesús 'a eb'.

Jn 2:3

Ax jun yal uva ma'ix 'e'ch 'a eb' 'anma cha. Yuj cha, xyaln snun Jesús 'a 'ixtic: —'Ix lajw jun yal uva tic, xchi.

Jn 3:22

Xlajw cha, x'at Jesús yet' eb' scuywum 'a yol yic Judea. Ata 'ix 'och wan jaye c'u yet' eb'. Ax eb' scuywum chi x'a'n bautisar eb' 'anma ta'.

Jn 4:2

Palta man̈oc Jesús xcaw 'a'n bautisar eb', a eb' scuywum.

Jn 4:33

Yuj cha, xlaj sc'anb'noc 'ec' eb' 'a scal: —¿Tom 'ay mach xwul 'a'noc yoch cha? xchi eb'.

Jn 6:12

Ax yic xlajw swa eb' si'mb'il, 'ix yaln Jesús 'a eb' scuywum chi 'ixtic: —'Ec' chajec can pax smasnil tas 'ix yac' sobra, sec may tas 'oj 'ixtxoc, xchi 'a eb'.

Jn 6:16

Ax yic wan sq'uic'b'i, 'ix c'ochx eb' scuywum Jesús 'a sti a mar.

Jn 6:60

Ax yic 'ix yab'n eb' scuywum jun tzo'n̈ cha, til wal eb' 'ix aln 'ixtic: —Caw tu jun tzyal tic. ¿Tom 'ay mach tztechj yab'n jun tzo'n̈ tzyal tic? xchi eb'.

Jn 6:66

Yuj cha, til wal eb' scuywum chi 'ix laj meltzj pax 'a spatic. Man̈xtzac yal sc'ojl eb' jun yec' yet'oc.

Jn 6:67

Yuj cha, 'ix sc'anb'n Jesús 'ixtc 'a eb' lajchwa'an̈: —¿Ax xo tic, tzam e nib'j tzex meltzj 'a e patc jun xo? xchi 'a eb'.

Jn 6:70

—Ax lajchwan̈ ex tic, an ex in si'cn 'eli. Palta 'ay jun 'a e cal, schecb' win diablo yaji, xchi 'a eb'.

Jn 6:71

A jun 'ix yal tic, yuj Judas yunnal Simón 'aj Queriot 'ix yalni. Yujto a Judas chi 'oj 'a'nc 'och Jesús 'a yol sc'ab' chamel. Palta yit cuywumal sb'a yet' eb' uxlchwan̈ cha.

Jn 6:8

'Ay pax junx scuywum Jesús Andrés sb'i, yu'tac sb'a yet' Simón Pedro. 'Ix yaln 'ixtc 'a Jesús.

Jn 7:3

Yuj cha, a eb' yu'tac Jesús, 'ix yaln eb' 'a 'ixtic: —Man̈ ach can 'a tic. 'Ixc 'a Judea, sec wach' ax eb' a cuywum 'ayc' ta', 'oj yil pax eb' jun tzo'n̈ milagro tza ch'oxo.

A Tas Sc'ulejnac Eb' Schecab' Jesús Hechos 11:26

Ata x'ec' eb' jun ab'il 'a scal eb' creyente ta'. Til wal mach x'ec' laj scuy eb'. A 'a jun chon̈b' cha, ata xpitzw junx sb'i eb' creyente, 'ix 'ajx sb'ic eb' cristiano.

A Tas Sc'ulejnac Eb' Schecab' Jesús Hechos 11:29

Yuj cha, ax eb' creyente 'aj Antioquía, 'ix 'el 'a sc'ojl eb' scolwj 'a eb' creyente 'aj Judea. A tzyala, jantc tztac' ya'n junjn eb'.

1 Co 10:31

Palta tzwal't 'ayex, wach'xam tzon̈ wa'ec, mto tzcu'jec junc tas, tzann̈j cab' junc xo tas tzqui b'o'ec, yowlal caw wach' tzcutjec qui nab'en, sec wach' 'oj checljoc 'el swach'l Dios.

1 Co 7:39

A junc 'ix 'ay yichmil, ya' sb'a pitznto win yichmil 'ix cha, 'icha to jalb'il 'ix yet' win yuj sley Dios. Palta toto tzcham win yichmil 'ix cha, libre tzcanx 'ix. Tztac' tzyij sb'a 'ix yet' junc xo winc 'aj tzcan snab'en, cojxn toto creyente winac.

A Scarta San Pablo D'a Eb' Aj Colosas 3:17

Tzann̈j tas tze b'o'o, yet' tas tzeyala, 'icha wal tznib'j Cajlil Jesús, 'ixta tzeyutj e b'a. An̈jtona yu'uj, tzlaj eyac' yuj diosal 'a qui Mam Dios.

A Ch'an̈ Carta D'a Eb' Hebreo 13:4

A yic tzqui'nec qui b'a yet' quistl junjn on̈ec, 'ay cab' yel'ch jun 'ijb'al chi 'a qui satec. Yowlal cojn 'a quistl junjn on̈, cojn ta tzca'c 'och qui nab'en. Yujto a Dios 'oj b'eyc'ojlanc eb' tzb'on 'ajmulal. Wach'xam eb' 'ayx yitb'eyum, wach'xam eb' manto, 'oj 'ajxcn̈ej 'och 'a yib'n̈ eb'.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.