Jn 19:5 - Chuj San Sebastian Bible

⁵ 'Ixta to b'i'an, 'ix 'elt Jesús 'a sti'. An̈ja 'ay q'ue jun q'uix chi 'a sjolom, yet' jun q'uic'mucnac pichl cha. Ax win Pilato cha, 'ix yaln pax 'elt win 'ixtc 'a eb': —Yaj winac, xchi.

Chuj San Mateo Bible

⁵ Ichato chi' ix elta Jesús d'a sti'. An̈eja' ayq'ue jun q'uiix chi' d'a sjolom, an̈eja' aypaxoch jun q'uic' mutz'inac c'apac chi' yuuj. Ix yalanxielta vin̈aj Pilato chi' d'a eb': —Ina vin̈ tic, xchi vin̈.

Jn 19:5 Iomraidhean Croise

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Is 43:1

Ax ticnec ex israel yin̈tl can Jacob 'ab'ec, a Jehová jun b'ojnaquex, a tzaln 'ixtic: Man̈ex xiwoc, an 'oj ex in colo', ex wawtj coti, yujto wiquex.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Lm 1:12

Ex 'anma tzex laj b'ey 'a b'e, 'ochn̈ec wan lin̈an, tze nan jab'oc, ¿tom 'ay eyailal 'icha quic tic on̈? Yujto an̈ tic on̈, yel xo wal niwn tzcab' syal on̈. A Jehová a tz'a'n cot jun yailal tic 'a quib'n̈ yuj yowl sc'ojol.

Mt 27:29

'Ix spalch'ab'j ewin jun te q'ui'ix, setnxoj x'aji. 'Ix ya'n q'ue ewin 'a sjolm Jesús scoronaoc, sec tzyetz'tej ewin yilx 'icha junc rey. 'Ix ya'ch ewin jun te 'aj sc'occhoc 'a swach' c'ab', xlaj stz'acn ewin 'em cumn sb'a 'a yojltac. 'Ix laj b'uchwj ewin 'a 'a, 'ix laj stz'acn ewin yal 'a 'ixtic: —Tzaljan̈ ach sreyl cob' eb' israel, xchi ewinac.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Jn 19:2

Xlajw cha, ax ewin soldado, 'ix spalch'ab'n ewin jun q'ui'ix, setn xoj xyutj ewinac. 'Ix ya'n q'ue ewin 'a sjolm Jesús scoronaoc. 'Ix ya'n pax 'och ewin jun q'uic'mucnac pichl 'a 'a, 'icha yic eb' rey.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.