Jn 19:11 - Chuj San Sebastian Bible

¹¹ Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

Chuj San Mateo Bible

¹¹ Ix yalan Jesús d'a vin̈: —Palta aton Dios ac'jinac opisio chi'. Tato maay, malaj alan jab'oc ic d'ayin. Yuj chi' a vin̈ ix in ac'anoch d'a yol a c'ab', te ec'alto smul vin̈ d'a ichan̈, xchi d'a vin̈.

Jn 19:11 Iomraidhean Croise

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

Salmos 39:9

'Icha to matz tac' in paxtini, 'ixta xwutj in b'a, may tas xwala, yujto ach xa'ch jun tzo'n̈ yailal tic 'ayin.

Salmos 62:11

Til wal 'ejm 'ix wab' yaln Dios jun tzo'n̈ tic, chajtlto caw 'ay sjelnal, 'ay pax schamc'ojlal. A tz'a'n spac yic junjn 'anma', a tzyala tas tz'el sb'oni.

Lm 3:37

Toc 'ay mach tz'el'ch junc tas tzna'a, toto man̈oc Jehová tzalni.

Dn 4:17

An̈ ángel on̈ tzqui tan̈wj yolyib'n̈q'uinl tic on̈, an̈ tzcal on̈ to tzjaw jun yailal chi 'a yib'an̈, sec wach' tzyojquej 'el smasnil eb' 'anma', to a jun Dios yel xo niwn yel'chi, a tz'a'n yajlil 'a yib'n̈ smasnil nacion̈. A eb' tznib'j tzya'ch yajlil, tzya'ch yopiso eb'. A eb' 'anma yel xo may yel'chi, a eb' tzya'cn 'och yajlil 'a scal eb' 'anma', xchi jun ángel cha.

Dn 4:25

To 'oj a pechx 'el 'a scal eb' 'anma tic, ax yet' no calte'al noc', ata 'oj aj cajan. A te c'ultc 'oj a lo 'icha no wacax, 'oj 'em chicb'chan̈ 'a eb'an̈. 'Ixtan̈ej 'oj 'aj yec' uque ab'il o'oj, masnto 'oj nachjoc 'el o'oj chajtlto a jun Dios yel xo niwn yel'chi, a yajl yaj 'a yib'n̈ eb' 'anma tz'a'n yajlil, a tz'a'n 'och yajlil eb' tznib'j tzya'chi.

Dn 4:32

'Oj a pechx 'el 'a scal eb' 'anma', ax yet' no calte'al noc' 'oj a c'och cajan. Uque ab'il 'oj a lo te c'ultc 'icha e no wacax, masnto 'oj nachjoc 'el o'oj, to a jun Dios yel xo niwn yel'chi, a tz'a'n yajlil 'a yib'n̈ smasnil 'anma', yet' 'a yib'n̈ smasnil nacion̈ 'ay 'a sat lum lum tic. A tz'a'n 'och eb' yajl tznib'j ya'ch yajlil, xchi jun paxti cha.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

Mt 26:65

Yic 'ix yab'n win yajl chi jun tzo'n̈ cha, caw 'ix stziljat win spichl scot yowal, 'ix yaln win 'ixtc 'a ewin yit yajlil cha: —A jun winc tic, caw tzb'uchwj 'a Dios, man̈x 'a yopiso eb' testigo yujto tzcab'c sb'uchwj 'a Dios.

Mt 27:2

Yuj cha, 'ix sjaln ewinac, xyi'n 'at ewin 'a win Poncio Pilato, atn win gobernador 'aj Roma.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Mr 14:44

A win Judas chi x'a'n 'och Jesús 'a yol sc'ab' ewinac, tox 'ix yal win 'a eb' tas tzyutj sch'oxni. 'Ix yaln win 'ixtic: A jun 'oj in tz'ub' 'elt sti', a tzeyama, caw sin̈n̈i tzeyutj eyamni, tzeyi'n 'ati, xchi win 'a eb'.

Lc 22:53

'Aynn̈ej 'ec' eyet' 'a yatut Dios 'a junjn c'u, palta ma'in eyama. Palta atn yorail tic e b'on 'icha tze nib'ej, yujto a win 'aj q'uic'q'uinl 'aych eyet'oc, xchi 'a ewinac.

Jn 18:13

Xlajwn̈ej cha, 'ix yi'n 'at ewin 'a yatut win Anás, win sn̈i win Caifás. A win Caifás cha, sat ya'mal 'och sti eb' 'a Dios 'a jun ab'il cha.

Jn 18:3

Yuj cha, 'ix c'och win ta'. Yet' win nan̈l eb' soldado. 'Ay pax nan̈l ewin stan̈mal yatut Dios, 'ix checx 'at yuj ewin sat ya'mal 'och sti eb' israel 'a Dios. Locn pax ewin fariseo 'ix checn 'at ewinac. A eb' xc'och cha, tzicb'il staj eb', yet' eb' scantil. Yet' pax eb' syamc'ab' yic owal xc'och eb'.

Jn 19:10

Yuj cha, 'ix yaln pax win 'a 'ixtic: —¿Tas yuj matz ach ta'w 'ayin? ¿Tom man̈ ojcoc to an 'ay wopiso ach wa'n 'och 'a spenc culus? ¿'Ay pax waln wic ach wa'n 'el 'a libre? xchi win 'a 'a.

Jn 3:27

Yuj cha, xyaln pax 'a eb' 'ixtic: —May junc mach tztac' scomn 'och yopiso, toto man̈oc Dios tz'a'n 'a 'a.

Jn 7:30

Yuj cha, 'ay eb' tznib'j 'a'nc 'och 'a preso. Palta may mach 'ix yamni, yujto mantzac jaw stiempoal schami.

Jn 9:41

—Octom xnachj 'el eyu'uj, chajtlto matz uj eyiln yic Dios. Toto 'ixta', ma'ix can e mul 'a eyib'an̈. Palta 'in tzeyala, to caw tztac' eyiln yic Dios cha, yuj cha, 'oj cann̈j e mul 'a eyib'an̈, xchi 'a eb'.

A Tas Sc'ulejnac Eb' Schecab' Jesús Hechos 2:23

Palta a Jesús cha, 'ix 'ajx can 'och 'a yol e c'ab', yujto 'ixta x'el 'a sc'ojl Dios. Yictax pecti', yojc xon Dios tas 'oj jawc 'a yib'n̈ Jesús cha. Ax tic, xe majnj sc'ab' eb' maysch'olnil, yic 'ix eya'n yamchjoc. Xeya'n 'ajxc 'och 'a spenc culus. 'Ixta xeyutj eya'n milxoc chamoc.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

A Tas Sc'ulejnac Eb' Schecab' Jesús Hechos 4:28

C'uxn 'ix sb'o eb' jantcn̈ej tas alb'il can oj pecti'. Yujto 'elnc xon 'a a c'ojol, to 'ixta tzb'o eb'.

Ro 11:36

Yujto smasnil tas, an̈j 'a Dios tzcoti. Smasnil tas b'ob'il yu'uj, sec tzcheclj 'el swach'il. Niwn cab' yel'ch Dios 'a smasnil tiempo. 'Ixta cab' tz'aji.

Ro 13:1

Yowlal yiclum tzcutjec qui b'a qui masnil 'a eb' yajal, yujto a Dios tz'a'n yopiso eb'. Q'uinloc man̈oc Dios tz'a'n yopiso eb', may junc eb' 'ay yopiso.

Santiago 1:17

A 'a satcha'an̈, ata tzcot jantcn̈ej tas wach' tz'ajx 'ayn̈ec 'a nab'an̈ej. Yet' pax jantcn̈ej jun tzo'n̈ siylab' caw wach', a Dios tz'a'n cot 'ayn̈ec. A b'ojnac jun tzo'n̈ tz'ec' 'a satcha'an̈, tzya'n 'emt sacq'uinl 'a quib'n̈ec. Palta wach'xam tzjelmj yilx jun tzo'n̈ cha, tz'och wewen 'a 'a, ax Dios, man̈ 'ichcta tz'aji. May 'aj tzjel snab'en jun 'ejmoc.

Santiago 4:17

Toto cojtquec tas wach' tznib'j Dios tzqui b'o'o, palta matz qui b'o paxi, to 'ixta', tz'och qui mulc 'a 'a.