Jn 18:13 - Chuj San Sebastian Bible

¹³ Xlajwn̈ej cha, 'ix yi'n 'at ewin 'a yatut win Anás, win sn̈i win Caifás. A win Caifás cha, sat ya'mal 'och sti eb' 'a Dios 'a jun ab'il cha.

Chuj San Mateo Bible

¹³ Ichato chi' ix ic'jib'at d'a spat vin̈aj Anás, sn̈i' vin̈aj Caifás. A vin̈aj Caifás chi' sat sacerdote yaj d'a jun ab'il chi'.

Jn 18:13 Iomraidhean Croise

Mt 26:3

Ax eb' sat ya'mal 'och sti eb' 'anma 'a Dios, yet' eb' cuywjum 'a ley yic Moisés, yet' eb' 'ichmtac winac, syam sb'a eb' 'a yamq'uil yatut win Caifás. A win cha, sat ya'mal 'och sti eb' 'anma 'a Dios.

Mt 26:57

Ax ewin xyamn Jesús cha, 'ix yij 'at ewin 'a win Caifás, atn win sat ya'mal 'och sti eb' 'anma 'a Dios. Ata 'ix syam sb'a eb' cuywum 'a ley yic Moisés yet' ewin 'ichmtac winc 'ay yopiso.

Lc 3:2

A 'a jun tiempoal cha, 'aych win Anás yet' win Caifás sat ya'malc 'och sti eb' israel 'a Dios.

Jn 11:49

Palta 'ay jun win Caifás sb'i 'a scal eb'. Atn jun chi sat ya'mal 'och sti eb' 'a Dios 'a jun ab'il cha. A 'ix aln pax 'ixtc 'a eb': —Ax tic, caw may xon jac tas eyojtac.

Jn 11:51

A win Caifás cha, man̈ munoc xnachj 'el jun chi yu'uj, xyaln jun cha. Palta yujto sat ya'mal 'och sti eb' israel yaj win 'a Dios 'a jun ab'il cha, yuj cha, a 'a win 'ix sch'ox Dios, to 'oj cham Jesús sjelc eb' israel smasnil.

Jn 18:24

Xlajw cha, ax win Anás, 'ix 'a'n 'ijxc 'at Jesús 'a win Caifás, win sat ya'mal 'och sti eb' israel 'a Dios. An̈ja jalb'il yuj ewinac, 'ix yi'n 'at ewinac.

Jn 18:28

Ax yic sacb'i, 'ix yi'n 'elt ewin Jesús 'a yol yatut win Caifás. Xyi'n 'at ewin 'a 'aj 'ay sdespacho win yajal. A sley eb' 'aj Judea cha, matz tac' yoch eb' 'a yol sdespacho win cha. Tzna eb', toq'ue tzjuw 'el eb' 'a sat Dios. Toq'ue man̈xtzac stac' swa eb' 'a jun yemc'ul yic q'uin̈ cha.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

A Tas Sc'ulejnac Eb' Schecab' Jesús Hechos 4:6

Ax win Anás, win sat ya'mal 'och sti eb' 'a Dios, 'ix c'och pax yet' eb'. An̈jtona', 'ix c'och pax Caifás, Juan, Alejandro, yet' jun tzo'n̈ xo eb' yican eb' sat ya'mal 'och sti eb' 'a Dios.