Jn 17:9 - Chuj San Sebastian Bible

⁹ Yuj cha, tzin leslwi yuj eb'. Ax eb' yic yolyib'n̈q'uinl tic, matz in leslwi yuj eb'. Cojn eb' xac' 'ayin, an̈j eb' tzin leslwi yu'uj, yujto ec xo eb'.

Chuj San Mateo Bible

⁹ Tzin lesalvi yuj eb' ix ac' d'ayin, yujto icxo eb'. Axo eb' yic yolyib'an̈q'uinal tic, max in lesalvilaj yuj eb'.

Jn 17:9 Iomraidhean Croise

Lc 22:32

Palta caw in tew 'a Dios o'oj, sec matz ej 'el a c'ojl 'a 'a. Ach tic, a yic 'oj meltzj paxt a nab'en 'ayn jun 'ejm xo, tzac' ste'nal eb' o'tac, xchi 'a 'a.

Lc 23:34

Ax yic wan st'un̈n q'ue eb' Jesús, 'ix yaln 'ixtic: —Mamin, 'ac' niwnc'ojlal 'a eb', yujto man̈ yojcoc eb' tas wan sb'oni, xchi 'a Dios. Ax ewin soldado cha, xya'n ewin b'ul, yic tzpojn 'ec' ewin spichl Jesús 'a 'a.

Lc 8:34

Ax eb' yilmal e no cha, xyiln eb' tas x'aj e no'. Yuj cha, caw xiw chan̈ eb', 'ix 'at eb' laj yal-l yab'xil jun chi 'a scal chon̈ab', yet' 'a najat.

Jn 14:16

An tic, 'oj in c'an 'a qui Mam Dios, ax 'oj checnc cot junx 'oj colwjoc eyet'oc, atn Yespíritu caw yel. A 'oj can eyet' 'a jun 'ejmn̈ej.

Jn 17:2

Yujto ach a'jnac wopiso 'a yib'n̈ smasnil 'anma', sec wach' jantcn̈ej eb' tzac' 'ayin, tztac' wa'n sq'uinl eb' 'a jun 'ejmn̈ej.

Jn 17:20

Man̈ yujocn̈ej eb' tic tzin leslwi. Tzin leslwi pax yuj eb' tot 'oj ya'ch sc'ojl 'ayn yuj tastc 'oj yal eb' in checb' tic.

Jn 17:6

A eb' xa sic' 'elt 'a yolyib'n̈q'uinl tic, xa'n eb' 'ayin, xin ch'ox 'a eb' tas yaj a nab'en. A eb' xac' 'ayn cha, toxn ec xon eb'. Tzlaj syiclc eb' a paxti'.

Jn 6:37

Jantcn̈ej eb' tz'ajx 'ayn yuj qui Mam Dios, 'oj jawc eb' 'ayin. A eb' tzjaw 'ayn cha, ma'oj in pechl eb'.

Jn 6:39

A 'in Mam checjnacn coti. Tznib'ej to may junc 'oj sat 'a scal eb' tzyac' 'ayin. Tznib'ej to an 'oj wac' pitzwc pax chan̈ eb' 'a slajb' c'ual.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

A Ch'an̈ Carta D'a Eb' Hebreo 9:24

Yujto a Cristo, man̈ 'ochncoc 'a yojl jun scajnub' Dios b'ob'il yuj 'anma', yujto a jun cha, yechln̈ej jun caw yel scajnub' Dios. At 'a satcha'an̈, atta 'ochnac. Ax ticnec, 'ayc' 'a yojltac Dios, yic tzya'n 'och qui tic 'a 'a.

1 Jn 5:19

Cojquec to yic on̈c xo Dios. Ax eb' yic yolyib'n̈q'uinl tic, c'uxn 'ayc' eb' 'a yol sc'ab' win diablo cha.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Apoc 20:15

Jantcn̈ej eb' man̈ tz'ib'b'ilc sb'i 'a jun libro yic q'uinl 'a jun 'ejmn̈ej, an̈jta xjulx can 'at eb'.