Jn 17:4 - Chuj San Sebastian Bible

⁴ A yic 'ayn 'ec' 'a yolyib'n̈q'uinl tic, xin ch'oxo, to caw niwn el'chi. A jun munljel tic 'ac'b'il can 'ayn o'oj, 'ix b'o 'el'ch wu'uj.

Chuj San Mateo Bible

⁴ Ayic ayinec' d'a yolyib'an̈q'uinal tic, ix in ch'oxo' to te nivan elc'ochi. A jun munlajel ac'b'ilcan tic d'ayin uuj, toxo ix yic' sb'a.

Jn 17:4 Iomraidhean Croise

Lc 22:37

Yujto tzwal 'ayex, yowlal 'oj 'el'choc tas tz'ib'b'il can 'a Ch'an̈ U'un̈, yic tzyaln 'ixtic: 'Icha tz'ajx 'och 'a yib'n̈ eb' maysch'olnil sb'eyb'al, 'ixta x'ajx 'och 'a yib'n̈ jun xo, xchi 'a Ch'an̈. Jantcn̈ej wab'xil tz'ib'b'il can 'a Ch'an̈, yowlal 'oj 'el'choc, xchi Jesús 'a eb'.

Jn 12:28

Mamin, checlj cab' 'eli, chajtlto caw niwn el'chi, xchi Jesús. Xlajw cha, 'ix yab'n eb' yoch jun paxti 'a satcha'an̈, 'ix yaln 'ixtic: —Tox xin ch'oxo chajtlto niwn wel'chi. Al ticnec, 'oj in ch'ox pax jun 'ejm xo, xchi.

Jn 14:13

Tzann̈j tas 'oj e c'an 'a Dios 'a in b'i, 'oj in b'o 'ayex. 'Ixta 'oj in b'o an Yunnaln Dios tic, sec wach' 'oj checljc 'el wu'uj, to caw niwn yel'ch qui Mam Dios.

Jn 14:31

Palta 'ixta 'oj 'ajoc, sec 'oj yojcoc 'el eb' 'anma smasnil, to 'ay in chamc'ojlal 'a qui Mam Dios, tzin yiclni smasnil schecnb'il tzyac' 'ayin. Al ticnec jun, q'uen̈ec lin̈an, coyec, xchi Jesús 'a eb'.

Jn 15:10

Toto tzeyiclj jun tzo'n̈ in checnb'il, 'oj e cann̈j 'a in chamc'ojlal tic. Yujto 'ixta waj yet' in Mam, tzin yiclj jun tzo'n̈ schecnb'il. Yuj cha, tzin cann̈j 'a schamc'ojlal.

Jn 19:28

Xlajw cha, a Jesús, yojc xoni, to tox 'ix lajw 'el'ch smasnil tas tz'ib'b'il can 'a yib'an̈. Yuj cha, 'ix yaln 'ixtic: —Caw tztacj in ti', xchi. 'Ixta xyutj yalni, sec tz'el'ch tas tz'ib'b'il can 'a Ch'an̈ U'un̈.

Jn 19:30

'Ix stz'ub'ni. Xlajwn̈ej cha, 'ix yaln 'ixtic: —Tox 'ix b'o 'el'ch smasnil, xchi. Xlajw xoj cha, 'ix 'em n̈ojnjoc, 'ix chami.

Jn 4:34

Palta xyaln pax 'ixtc 'a eb': —Caw tzin nib'j tzin b'o tas tznib'j jun checjnacn coti, masnto tzin laj smunljel ya'jnac 'ayin. A yic tzin b'on jun cha, 'icha to ata tzin wa'i.

Jn 5:36

Palta 'ay junx 'ec'b'al yel'ch 'a yib'n̈ Juan cha. A tzch'oxn 'eli tas wopiso. Yujto a jun tzo'n̈ tas tzyac' in Mam in b'o', a tzin b'o'o. 'Ixta tz'aj scheclj 'eli, to a 'in Mam chi checjnacn coti.

Jn 9:3

—A jun winc tic, man̈ yujoc smul smam snun, man̈ yujoc pax smul winac, 'ixta yajcn winac. Yujto a Dios tznib'j tzch'ox junc milagro yet' winac, yuj cha, 'ixtc yaj winac.

A Tas Sc'ulejnac Eb' Schecab' Jesús Hechos 20:24

Palta a jun tzo'n̈ cha, matz in 'och 'il yu'uj. Wach'xam 'oj in cham yuj eb', palta may yel'ch jun chi 'a in sat. Cojxn tzin na'a, to tzwa'cn lajwc jun in munljel yamb'il 'och tic 'a tzaljc'ojlal, ax slajw wopiso ya'jnac Cajlil Jesús 'ayin, yic tzwaln 'el wach' 'ab'x yic schamc'ojlal Dios.

2 Ti 4:7

'Icha junc mach caw tzyac' 'ip 'a junc tajnel, 'ixta xwutj in b'a in munlj 'a yic Dios. A ticnec xwac' ganar slajw wopiso 'a swach'il. Smasnil tiempo, caw xin ya'ilj jun tzo'n̈ cuynb'il 'aj 'aych qui c'ojol.