Jn 17:1 - Chuj San Sebastian Bible

¹ Xlajw yaln Jesús jun tzo'n̈ cha, 'ix q'ue q'ueln 'a satcha'an̈. 'Ix yaln 'ixtic: —Mamin, tox xjaw stiempoal yic tza ch'oxn 'eli to niwn wel'ch an Onnaln tic. Ax in ch'oxn paxi, to caw niwn pax el'chi.

Chuj San Mateo Bible

¹ Ix lajvi yalan juntzan̈ chi' Jesús, ix q'ue q'uelan d'a satchaan̈, ix yalani: —Mamin, toxo ix ja stiempoal a ch'oxaneli to nivan velc'och a in Uninal in tic, yic ol in ch'oxpaxel snivanil elc'ochi.

Jn 17:1 Iomraidhean Croise

Salmos 123:1

Mamin Jehová Yajl ach 'a satcha'an̈, a 'aych tzin q'ue q'uelan, yic tzin c'ann tas tzin nib'ej.

Is 38:14

'Icha wal yel yaw no pechul tz'ec' no 'a satcha'an̈, 'ixta yel waw wab'n syail, tzin c'acw 'icha sc'acw no parama. Caw wal tzc'unb' yol in sat in q'ue q'ueln 'a satcha'an̈. Mamin Jehová, caw wal tzin 'ixtx tzwab'i, ta'wan̈ 'ayin.

Mr 14:41

Ax yic xjapx leslwoc 'a yox'ejmal, 'ix yaln 'a eb' 'ixtic: —¿Tom an̈ja caw wayn̈c ex? ¿Tom ton̈j tzex comn 'ilji? A ticnec, colb'il xo tic, xc'och yorail wajx 'och an 'Ochnc in 'Anmal tic 'a yol sc'ab' ewin maysch'olnil.

Lc 18:13

Ax win tecm 'el tumn cha, najttac xcan lin̈n winac. Caw 'ix xiw winac. Toxn ma'ix q'ue q'ueln xon win jac 'a satcha'an̈. Caw man̈x oc yaj yilx win yuj scusc'ojlal. Xyaln win 'ixtic: Ach in Diosal, comnoc tz'o'ch wal a c'ojl 'ayin, to caw yel 'ajmul in si'mb'il, xchi win 'a Dios.

Lc 22:53

'Aynn̈ej 'ec' eyet' 'a yatut Dios 'a junjn c'u, palta ma'in eyama. Palta atn yorail tic e b'on 'icha tze nib'ej, yujto a win 'aj q'uic'q'uinl 'aych eyet'oc, xchi 'a ewinac.

Jn 11:4

Xlajw yab'n Jesús tas 'ix yalb't eb', 'ix yaln 'ixtic: —A jun yab'il cha, ma'oj cham win yuj 'a jun 'ejmn̈ej. 'Ix yamchj win yuj jun yab'il cha, sec 'oj sch'ox Dios to caw niwn yel'chi. Ax scheclj pax 'eli, to caw niwn wel'ch pax an Yunnaln Dios tic, xchi Jesús.

Jn 11:41

'Ixta to b'i'an, 'ix yi'n 'el eb' q'uen smac chi 'aj 'aycn 'och winac. Ax Jesús, 'ix q'ue q'ueln 'a satcha'an̈, 'ix yaln 'ixtic: —Mamin, yuj wal dios 'ayach, 'ix ab' tas 'ix wala.

Jn 12:23

Ax Jesús cha, 'ix yaln 'ixtc 'a eb'. —An tic, 'Ochnc in 'Anma'il, a ticnec, wan sjaw yorail scheclj 'eli, chajtlto caw niwn wel'chi.

Jn 13:1

Q'ui'noc xoj yoch q'uin̈ yic snanb'il cot yel eb' israel 'a libre. Ax Jesús, yojtac to tox 'ix jaw stiempoal yactc can jun yolyib'n̈q'uinl tic, ax spax q'ue 'a qui Mam Dios. A eb' yic 'ayc' 'a yolyib'n̈q'uinl tic, caw chamc'ojlb'il eb' yu'uj. A ticnec 'oj sch'oxo', jantc schamc'ojlal 'a eb'.

Jn 16:32

Palta wan xo sjaw stiempoal 'oj e sactziqui. 'Oj e 'at 'elc junjn ex, ax in eyactn can in ch'ocoj. Palta man̈ in ch'ocjoc 'oj in cani, 'ayc' qui Mam Dios wet'oc.

Jn 7:30

Yuj cha, 'ay eb' tznib'j 'a'nc 'och 'a preso. Palta may mach 'ix yamni, yujto mantzac jaw stiempoal schami.

Jn 7:39

'Ixta xyutj yalni, chajtlto a eb' tzya'ch sc'ojl 'a 'a, 'oj 'ajxc 'och Yespíritu Dios 'a eb'. A 'a jun tiempoal cha, mantzac 'ajx Yespíritu Dios 'a eb', yujto mantzac pax q'ue Jesús chi 'a satcha'an̈.

Jn 8:20

A 'a yamq'uil yatut Dios 'a stz'ey jun chalab' ofrenda, ata xyal Jesús jun tzo'n̈ tic. Ata 'ix cuywj 'a eb' 'anma'. May junc mach 'ix yamni, yujto mantzac jaw stiempoal schami.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.