Jn 16:2 - Chuj San Sebastian Bible

² Yujto 'oj ex spech 'elt eb' quit israelal 'a yol scapiya. 'Ay wal jun tiempoal 'oj jawoc, yaln̈ej mach 'oj e milni, ax snan eb', to a Dios wan ya'n servil eb'.

Chuj San Mateo Bible

² Yujto ol laj ex pechjielta yuj eb' quetisraelal d'a yol spatil culto. Ay jun tiempoal ol javoc, yalxon̈ej mach ol ex milanoc, a snaan eb' to pavor syac' eb' d'a Dios.

Jn 16:2 Iomraidhean Croise

Is 65:5

Tzlaj yaln eb' 'ixtic: Wach' eyaj ta', man̈ ex jawc 'a qui tz'ey tic on̈, yujto an̈ tic on̈, caw 'ay smay on̈ eyamni, xchi cob' eb'. A jun tzo'n̈ 'anma cha, lajn wal eb' 'icha te c'ac' 'aychi tz'ec' c'u; caw tu s'at stab'l 'a yol qui n̈i'.

Is 66:5

'Ab'tec wal spaxti Jehová, ex to tze chaj eyab' tas tzyala, a tzaln 'ixtc 'ayex: 'Ay jun tzo'n̈ eb' eyit chon̈b' tzchichn 'och 'ayex, tzex spech b'eyc'oc eb', yujto a 'ayn tzeyal e b'a; yuj cha, tzlaj yaln eb' 'ixtic: Sch'ox cab' Jehová chi stzictznil quilnoc, tzqui nib'j tzquila tas tzex 'aj e tzalji, xchi eb' 'ayex. Palta a eb' cha, 'oj q'uixwoc can 'el eb', xchi.

Dn 11:33

Til wal eb' et chon̈b' 'oj cuyxoc yuj eb' jeln 'a a chon̈b' cha, palta jayen̈ej c'u, ax smilx cham eb'. 'Oj n̈usxoctz'a eb', 'oj 'elc'xoc 'at smasnil tas 'ay 'a eb'. Mosoal 'oj 'ajcn 'och eb' 'a jun tzo'n̈ chuc chon̈b'al.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Mt 24:9

Ax tic, 'oj eyajx 'och 'a yol sc'ab' eb' yajal, sec 'oj eyab' syal yuj eb', 'oj laj ex smil cham eb'. Smasnil 'anma 'oj laj chichnc 'och 'ayx wu'uj.

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

Jn 12:42

Wach'xam yaljnac can 'ixta', palta 'ay eb' israel 'ix ya'ch sc'ojl 'a Jesús cha. An̈jtona eb' yajal, niwn eb' 'ix ya'ch 'a sc'ojol. Palta matz ch'oxl sb'a eb', yujto tzxiw eb' yuj ewin fariseo, toq'ue tzpech 'elt ewin eb' 'a yol scapiya.

Jn 16:25

Chuc xwutj waln jun tzo'n̈ cuynb'il tic 'ayex. Palta 'ay jun tiempoal 'oj jawoc, man̈xtoc 'oj wal 'ayx 'ixta', yujto tojl xoj 'oj wutc waln yab'xil qui Mam Dios 'ayex.

Jn 16:32

Palta wan xo sjaw stiempoal 'oj e sactziqui. 'Oj e 'at 'elc junjn ex, ax in eyactn can in ch'ocoj. Palta man̈ in ch'ocjoc 'oj in cani, 'ayc' qui Mam Dios wet'oc.

Jn 4:21

'Ix yaln pax Jesús 'a 'ix: —Ach 'ix, 'a'ch a c'ojl 'a tas 'oj wal 'ayach. 'Ay jun tiempoal 'oj jawoc, man̈xoc 'a jun witz tic 'oj wul eyal e b'a 'a qui Mam Dios, an̈jtona', man̈x yowlalc 'oj e 'at 'a Jerusalén.

Jn 4:23

'Ay eb' a 'a qui Mam Dios tzyal sb'a wal 'a yel. Al ticnec, tox 'ix jaw stiempoal 'oj yal sb'a eb' 'a caw yel, 'a 'esal. Yujto a qui Mam Dios, tznib'ej to 'ixta tzyutj eb' yaln sb'a 'a 'a.

Jn 9:22

'Ixta xyutj eb' yalni, yujto caw xiw eb' yaln yuj ewin yajl 'a scal eb' 'aj Judea cha. Yujto tox 'ix yal ewin yajl chi 'ixtic: Toto 'ay eb' 'oj alnoc, chajtlto a Jesús atn Cristo, 'oj qui pechc 'el eb' 'a yol qui capiya tic, xchi ewin yajl cha.

Jn 9:34

—'In ach tic, toxn 'ajmul ach yic alji. ¿Tom tza nib'j tzon̈ cob' a cuy on̈? xchi ewinac. Xlajw xoj cha, spechn 'elt ewin 'a scal.

A Tas Sc'ulejnac Eb' Schecab' Jesús Hechos 5:33

A yic xyab'n ewin yajl chi jun tzo'n̈ tic, xq'ue jucnjoc ewin yowx 'a eb'. Caw snib'j ewin smil eb' muc'uc.

A Tas Sc'ulejnac Eb' Schecab' Jesús Hechos 7:56

Yuj cha, 'ix yaln 'ixtic: —'Iltec, tzwila to jacn satcha'an̈. Tzwila to a jun 'Ochnc 'Anma'il, 'ayc' 'a swach' c'ab' Dios ticnec, xchi.

1 Co 4:13

'Ay 'aj tzyal eb' qui peclal on̈, caw tu tzyal eb' 'ayn̈ on̈. Palta an̈ja 'emmquilal tzcutj caln yab'x eb' on̈. A 'a yolyib'n̈q'uinl tic, 'icha wal c'alem, 'ixta 'on̈ 'a sat eb' 'anma 'on̈. 'Ixta pax ticnec, scanmal xoj 'anma cajcn 'a sat eb' on̈.

A Scarta San Pablo D'a Eb' Aj Filipos 3:6

Caw wa'jnac 'och in nab'en 'a jun qui cuynb'il chi 'on̈, yuj cha, wa'n 'och syailal eb' yic xo Cristo. C'uxn in yicljnac jantcn̈ej tas tzyal 'a ley yic Moisés, man̈x 'a jac in paltail 'a 'a.

Apoc 6:9

A jun tzcuch Calnelu cha, a yic 'ix sn̈i'chtan jun yol seyo, 'ix wiln jun yet'l 'aj tz'a xajmb'al. A 'a yalan̈, ata 'ay spixn eb' milb'il cham yuj spaxti Dios, yujto ya'jnac testigoal sb'a eb' yu'uj.

Jueces 6:30

—'Ij 'elt win onnal, to 'oj qui ma' cham winac. Yujto smac' 'ejm win yet'l xajmb'al yic Baal, sch'acn 'el pax win jun te sch'oxnb'il Asherá 'ayc' 'a stz'ey jun yet'l xajmb'al tic, xchi eb'.