Jn 15:7 - Chuj San Sebastian Bible

⁷ Toto junn̈j tzex 'ajcn wet'oc, toto 'aychn̈ej e nab'en 'a in paxti', c'anc tas tze nib'ej, 'oj 'ajxoc 'ayex.

Chuj San Mateo Bible

⁷ Tato junn̈ej eyaj ved'oc, tato tzeyac'n̈ejoch e pensar d'a in lolonel, c'anec tas tze nib'ej ol ac'joc d'ayex.

Jn 15:7 Iomraidhean Croise

A Ch'an̈ B'ab'el Libro Yic Yab'ixal Eb' Rey 3:5

'Ay jun 'ac'wal yic 'ayc' 'a Gabaón cha, 'ix sch'oxn sb'a Jehová 'a Salomón 'a waychil, 'ix yaln Dios 'a 'ixtic: C'an tas tza nib'j 'ayin, 'oj wac' 'ayach, xchi 'a 'a.

Job 22:26

Caw wal 'oj a tzalj pax yet' Dios cha, 'oj a'ch pax yipc a c'ojol.

Job 23:12

'Ix in yicljn̈ej sley, 'ec'b'al xo wal yel'ch schecnb'il 'ayn 'a yib'n̈ tas tzin c'uxu.

Salmos 119:11

Tzin mol a paxti 'a in nab'en, sec matz 'och in mul 'ayach.

Salmos 37:4

Tzalj coyc 'a Jehová, ax 'oj 'a'n 'el'choc tas tzqui nib'jec.

Pr 10:24

A eb' maysch'olnil sb'eyb'al, a tas 'aj tzxiw eb', a jun tzo'n̈ chi tzjaw 'a yib'n̈ eb', ax eb' wach' snab'en, tz'el'ch tas tznib'j eb'.

Pr 4:4

Caw tzin scuy in mam cha, tzyaln 'ayn 'ixtic: Molcn jun tzo'n̈ in cuynb'il tic 'a a nab'en, yiclj jun tzo'n̈ tzwal tic sec 'oj najtxb'oc a q'uinal.

Is 58:8

Toto 'ixta 'oj eyutc e b'a, yajn̈ej ax scheclj 'el in wach'c'ojlal 'ayex, 'icha tz'aj sq'uin̈lb'i 'a junc xo c'u. Yajn̈ej ax e colchj 'eli. A 'in tojlal, a chi b'ab'l s'at eyu'uj, ax in tzictznial a tza'n 'och eyu'uj.

Jeremías 15:16

A yic tzaln a paxti 'ayin, caw xin chajn̈ej wab'i', an̈j 'aych in tzaljc'ojlaloc, yujto ec in. Mamin Jehová, ach in Diosal, tztac' 'oj smasnil.

Mt 7:7

C'anec, 'oj yac' Dios 'ayex; sayec, ax schax eyu'uj. 'Awjan̈c 'och 'a te puerta, 'oj jacxoc te 'ayex.

Jn 14:13

Tzann̈j tas 'oj e c'an 'a Dios 'a in b'i, 'oj in b'o 'ayex. 'Ixta 'oj in b'o an Yunnaln Dios tic, sec wach' 'oj checljc 'el wu'uj, to caw niwn yel'ch qui Mam Dios.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

Jn 16:23

A 'a jun c'ul cha, man̈x 'a tas 'oj e c'anb'c 'ayin. Wal yel tzwal 'ayex, jantcn̈ej tas 'oj e c'an 'a qui Mam Dios 'a in b'i, 'oj ya'n̈j 'ayex.

Jn 8:31

'Ix yaln Jesús 'ixtc 'a eb' israel xya'ch sc'ojl 'a 'a: —Toto smasnil tiempo tzeya'ch e nab'en 'a tas tzwala, wal yel in cuywum ex.

Jn 8:37

An tic, wojc xoni to yin̈tl ex Abraham wet'oc. Palta 'in tze nib'j tzin e mil chamoc, yujto a tas tzwal 'ayex, may yel'ch 'a e sat.

Gl 4:2

yujto 'ay mach tz'a'n cuenta. 'Ac'b'ilt mandar masnto tzjaw jun c'ual tzyaln smam, to mun tzyique'ej sb'a.

Gl 5:16

Tzwaln 'at pax junx tic 'ayex. Caw qui b'eylb'oquec 'icha tznib'j Yespíritu Dios. To 'ixta', ma'oj qui b'eylb'oquec 'icha tznib'j qui tu nab'enalec.

Dt 6:6

A jun tzo'n̈ paxti tzwalcn 'ayx tic, molc can 'a e nab'en.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

1 Jn 2:14

Ax xo 'ichm creyente ex, tzin tz'ib'j 'at 'ayex, yujto eyojc xo pax jun 'ayc' xoni, yictax mantzac b'o yolyib'n̈q'uinl tic. Ax xo te'n exx 'a e creyenteal, xeya'ch spaxti Dios 'a e c'ojl wet'oc. 'Ix can pax win diablo 'a yaln̈ eyu'uj. Yuj cha, tzin tz'ib'n pax 'at 'ayex.

1 Jn 2:27

A Jesucristo 'a'jnac Yespíritu 'ayn̈ junjn on̈ec. Yuj cha, man̈ yowlalc chuct junc 'anma tzon̈ cuynec, yujto a Yespíritu tzon̈ cuynec 'a smasnil tas. A jun tzo'n̈ cuynb'il tzyac' 'ayn̈ec, caw yel, may junc 'es 'aych 'a scal. Yuj cha, yowlal junn̈j tzon̈ 'ajc yet' Cristo, yujto 'ixta yaj yaln Yespíritu 'ayn̈ec.

1 Jn 3:22

Toto 'ixta', tzann̈j tas tzqui c'anc 'a 'a, 'oj yac' 'ayn̈ec, yujto wan qui yiclniec jun tzo'n̈ schecnb'il, wan qui b'onec smasnil tas 'icha tznib'ej.

1 Jn 5:14

Yuj cha, matz on̈ xiwc qui leslwi 'a Dios, yujto cojquec, tzann̈j tas tzqui c'anc 'a 'a, 'oj yab'i', toto tzqui c'anc tas 'a 'icha tznib'ej.