Jn 15:2 - Chuj San Sebastian Bible

² Toto 'ay te sc'ab' matz laj satni, ax win 'aych stzu'n 'eli. Toto 'ay te sc'ab' wach' satni, ax win 'aych laj swach' mesn 'el te', sec tzwach' satni. 'Icha tzyutj win sb'on te', 'ixta tzyutj in Mam sb'on eb' 'aych snab'en 'ayin.

Chuj San Mateo Bible

² Tato ay te' sc'ab' max satani, axo ol tzepanel te'. Tato ay te' sc'ab' vach' satani, axo ol aq'uenan te' yic tzijtum sat te' syac'a'. Icha syutej yaq'uenan te' chi', icha chi' ol yutoc in Mam eb' syac'och spensar d'ayin.

Jn 15:2 Iomraidhean Croise

Job 17:9

A eb' wach' snab'en, wach' 'oj 'aj 'el'ch eb', a tas tojl tzb'o eb', 'oj niwtjoc chan̈ eb' yet'oc.

Salmos 92:14

Wach'xam 'ichm 'anma xo eb', palta an̈j 'ijnoc te'nto yip eb'. 'Icha junc te te tzsatni, 'ixta 'eb'.

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Is 27:9

Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

Is 29:19

A eb' 'emmquilal yeq'ui, 'oj tzaljoc chan̈ eb' 'a Jehová, ax eb' caw meb'a', 'oj tzaljoc chan̈ eb' 'a sDiosal Israel, atn jun Dios To Cojxni.

Dn 11:35

An̈jtona', 'oj milxoc cham jaywn̈oc eb' jeln scuywj chi 'a scal eb' et chon̈b' cha, yic wach' 'oj 'ajxoc prowal jun tzo'n̈ xo eb' 'oj canoc. Ax yijx 'el eb' chab'sat yaj 'a scal eb', ax stojlb'tzax snab'en eb', masnto 'oj c'och jun slajb' c'ual, 'icha tas nab'il yuj Dios.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Malaquías 3:3

An Jehová in, lajn 'oj wutc eb' yin̈tl Leví 'icha junc mach tz'em wocn yi'l slumal q'uen plata, mto q'uen oro 'a scal c'ac'. 'Oj in sacb'tzoc eb', atn eb' ya'mal 'och e ti 'ayin, 'ixta to b'i'an, ax sta'n ya'n eb' yofrenda 'a wojltac, 'a 'icha wal smoj yet' 'a stojlal.

Mt 13:12

Yujto a eb' tznib'j tznachj 'el yu'uj, 'oj wach' nachjc 'el yuj eb'. Ax eb' matz nib'j nachjc 'el jun tzo'n̈ tic yu'uj, 'oj wach' 'ijxc 'ec' 'a eb'.

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

Mt 15:13

Palta xyaln pax 'a eb' 'ixtic: —Jantcn̈ej jun tzo'n̈ te man̈ 'awb'ilc yuj qui Mam 'ayc' 'a satcha'an̈, 'oj to'x q'uet yet' sch'an̈l yib'. Yuj cha, 'icha junc te chi tzto'x q'uet cha, 'ixta 'oj 'aj eb'.

Mt 21:19

Ax 'ix yilni 'ay jun te snun higo 'a sti b'e. 'Ix c'och 'a te', palta may junc sat te x'ilchj yu'uj. Cojn xil te 'ay. Yuj cha, xyaln 'ixtc 'a te': —Man̈x 'a cab' b'a'n̈ 'oj ac' junc a sat, xchi 'a te'. Yajn̈j wal cha, xtacj 'el te'.

Mt 25:29

Yujto a mach 'ay yico', 'oj wach' 'ajxoc 'a 'a, sec 'oj swach' 'a'c sobra yic cha. Ax eb' may wal yico', 'oj wach' 'ijxc 'ec' jab' yic eb' cha.

Mt 3:10

A jun niwn yailal 'oj jawc cha, lajn 'icha junc winc lista yaj yet' sch'acb' 'a yich te 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, ax sjuln can 'at win 'a yib'n̈ c'ac'.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Mt 7:19

'Icha jun tzo'n̈ te may xon sat wach' tzyac'a, tzu'x 'eli, tzjulx can 'at 'a yib'n̈ c'ac', 'ixta 'oj 'aj eb' man̈ wach'c sb'eyb'al.

Mr 4:20

Palta ax jun tzo'n̈ xo 'in̈t 'ix 'emcn 'a 'aj 'ay syaxil lu'um, tzyal 'el'chi, 'ay jun tzo'n̈ xo eb' tz'ab'n spaxti Dios, tzya'ch wal eb' 'a sc'ojol. A eb' cha, lajn eb' 'icha jun tzo'n̈ 'in̈t tzyac' sat 'a treinta, 'a sesenta, yet' 'a jun ciente, xchi Jesús.

Lc 8:13

Ax jun tzo'n̈ 'in̈t xc'ochcn 'a yib'n̈ samq'ue'en, tzyal 'el'chi 'ay eb' 'anma tz'ab'n spaxti Dios, caw tzaljc'ojlal tzchaj eb'. Palta may ste'nal eb', jab' wal tiempo tzya'ch eb' 'a sc'ojol, yujto a yic tzjaw junc prowal 'a yib'n̈ eb', yajn̈ej tz'elx can eb' muc'uc.

Jn 15:1

'Ix yaln pax Jesús 'ixtc 'a eb' scuywum: —An tzin sch'ox cot jun te snun uva. Ax junc winc tzlaj mesn 'el sc'ab' te', a in Mam tzch'ox coti.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

Jn 15:3

Ax xo tic, tox 'ix b'o e nab'en yuj jun tzo'n̈ cuynb'il waljnacx 'ayex.

Jn 15:6

Ax eb' matz cann̈j wet'oc, lajn 'oj 'aj eb' 'icha junc sc'ab' te tzu'x 'el 'a snun, tztacji, tzlajw cha, tzsi'x monto, tz'a'i.

Jn 15:8

Toto niwn 'oj e satni, 'oj checljoc 'el eyu'uj, to niwn yel'ch in Mam. 'Ixta 'oj eyutc e ch'oxn 'eli, chajtlto yel in cuywum ex.

Jn 17:12

Yic 'ayn 'ec' yet' eb' 'a yolyib'n̈q'uinl tic, xin tan̈wj eb' yet' a poder. An 'ix wac' cuenta eb' xac' 'ayn tic, sec may tz'i'n eb'. Yuj cha, may junc eb' sati, palta cojn jun satnc xoni, sec tz'el'ch tas tz'ib'b'il can 'a Ch'an̈ U'un̈.

Ro 11:17

Palta 'ay eb' wit israelal 'elnc 'a yol sc'ab' Dios. 'Icha junc sc'ab' te olivo tzu'x 'el 'a snun, 'ixta 'ajnc eb' yeli. Ax xo, 'icha sc'ab' junc te olivo mun pa'nac, 'ixta 'ex, yujto man̈ ex israeloc. Palta 'icha to ex c'on̈x can 'och sjelc eb' 'a jun sc'ab' 'aj tzuc'b'il 'elt 'a snun cha, yujto 'ay eyaln eyic yet' eb' qui mam quichm an̈ israel on̈ tic on̈.

Ro 11:22

Nachj cab' 'el eyu'uj, to niwn swach'c'ojlal Dios. Palta an̈jtona', caw 'a'm cuenta pax si'mb'il. A eb' juwnac 'el cha, caw 'ajxnac cuenta eb' yu'uj. Palta ax xo, til wal swach'c'ojlal tzch'ox 'ayex. Yowlal tzex can 'a swach'c'ojlal cha. To ma'ay, an̈jtona 'ex, 'oj eyijx pax 'el jun xo.

Ro 8:28

Cojquec, jantcn̈ej jun tzo'n̈ tas tzjaw 'ayn̈ec, a Dios a tz'a'n coti, sec caw wach' quiquec an̈ 'ay qui chamc'ojlalec 'a 'a, an̈ec 'awtb'iln̈ xo yu'uj, sec tzon̈ 'ochc 'icha snajnac.

1 Co 13:1

Q'uinloc caw jeln tzlaj cutquec qui paxtin 'a sti smasnil 'anma', yet' pax 'a sti eb' ángel. Palta toto may qui chamc'ojlalec, lajn on̈c 'icha junc tinab'. Mto 'icha jun tzo'n̈ q'uen pachb'mb'a yic son, 'ixta on̈ec.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Ch'an̈ Carta D'a Eb' Hebreo 12:15

Caw tzlaj eyac' cuenta e b'a, sec may junc ex 'oj eyactc e chan swach'c'ojlal Dios. Tzeyac' cuenta e b'a, sec may ex lajn tzex 'aj 'icha junc te tzq'uib'i, caw c'a. Toto 'ixta tz'aj e nab'en sjuwi, til wal eb' 'oj juwc 'el eyu'uj.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.