Jn 15:11 - Chuj San Sebastian Bible

¹¹ Tzwalcn jun tzo'n̈ tic 'ayex, sec wach' 'icha tzin tzalji, 'ixta pax 'oj e tzalj jun xo, sec caw tz'acn 'oj 'ajcn e tzaljc'ojlal.

Chuj San Mateo Bible

¹¹ Svalcan juntzan̈ tic d'ayex yic vach' icha tzin tzalaji, icha pax chi' ol ex tzalajoc, yuj chi' tz'acan ol aj e tzalajc'olal.

Jn 15:11 Iomraidhean Croise

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Lc 15:23

Tzlajw cha, tz'at eyi'nc cot no wacx b'a'ch yajx servil, tze milni. To 'oj qui wa'ec, ax ca'nec 'och sq'uin̈.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Lc 15:5

A yic tzchaxi, tzme'n cha'an̈, tzcaw tzalj yet' no'.

Lc 15:9

Ax yic tzchax yu'uj, tzyawtn cot eb' swach'c'ojol, yet' eb' 'ay 'a stz'ey, tzyaln 'ixtc 'a eb': Tzaljan̈c wet'oc, yujto 'ay jun in tumn 'ix sati, palta xchax wu'uj, xchi 'a eb'.

Jn 16:24

Ax ticnec, mant 'a tas tze c'an 'a Dios 'a in b'i. C'anec, ax e chani. 'Oj 'ajxoc 'ayex, sec 'oj tz'acwc e tzaljc'ojlal.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

Jn 17:13

'Oj in paxx 'ayach. Palta ya' sb'a 'aynto 'ec' jacx 'a yolyib'n̈q'uinl tic, tzwaln can jun tzo'n̈ tic, sec wach', 'icha tzin tzalj tic, 'ixta 'oj tzaljc pax eb'.

Jn 3:29

Q'uinloc 'ay junc nupnel tz'och ticnec. A win tznupni, tzyi'n junc 'ix. Toto 'ay junc swach'c'ojl win 'ayc' yet' ta', caw tzalj yab'n tas tzyal win tznupn chi yet' 'ix 'ix cha. An̈jtona', 'ixta 'in tzalj ticnec, yujto wan yoch eb' 'anma scuywumoc Jesús.

Ro 15:13

A Dios, a yipc'ojlal yaj cujec. Tzin nib'ej a tzwach' 'a'n e tzaljc'ojlal, yet' e junc'ojlal, yujto tzeya'ch e c'ojl 'a 'a. Toto 'ixta', a 'oj e wach' 'a'c 'och yipc e c'ojol, yujto a Yespíritu tz'a'n spoder 'ayex.

2 Co 1:24

Matz qui nib'j tzex cac' mandar on̈, yic tzcaln 'ayx on̈ tas tzeyutj eya'n 'och e c'ojl 'a Dios. Yujto te'n xon tzeyutj e b'a eya'n 'och e c'ojl 'a 'a. Palta tzqui nib'j tzon̈ colwj ca'n e nab'enoc on̈, sec 'oj wach' jawc e tzaljc'ojlal ta'.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.

A Scarta San Pablo D'a Eb' Aj Filipos 1:25

Yuj cha, wojc si'mb'il, to 'oj in can jacx eyet'oc. 'Oj in colwj jacx 'ayex, sec 'oj e wach' te'nb'i, ax swach' jaw e tzaljc'ojlal, yujto 'aych e c'ojl 'a Cristo.

1 Ts 5:16

Tzaljan̈c 'a smasnil tiempo.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

1 Jn 1:4

Yuj cha, tzqui tz'ib'n 'at jun tzo'n̈ tic 'ayx on̈, sec 'oj wach' tz'acwc e tzaljc'ojlal quet' on̈.

2 Jn 1:12

Til to wal jun tzo'n̈ xo tas tzin nib'j tzwal 'ayex, palta matz in tz'ib'j 'at 'a jun in carta tic. Yujto tzin na'a, toq'ue 'oj stac' in 'at ex wila'. Atta 'oj in wach' alc can jun tzo'n̈ xo tas 'ayex, sec 'oj wach' jawc qui tzaljc'ojlalec ta'.