Jn 14:10 - Chuj San Sebastian Bible

¹⁰ ¿Tom matz a'ch 'a a c'ojol, to 'ayn 'och 'a qui Mam Dios, 'aych pax 'ayin? A tas tzwala, man̈ munoc tzwal in ch'ocoj. Palta a qui Mam Dios 'aych 'ayin, a wan smunlj wet'oc.

Chuj San Mateo Bible

¹⁰ ¿Tom max ac'och d'a a c'ool to ayin och d'a in Mam, ay pax och d'ayin? A tas sval d'ayex, man̈ yoloc vic svala', palta a' ayoch d'ayin, a van smunlaj ved'oc.

Jn 14:10 Iomraidhean Croise

Jn 10:30

An tic, caw lajn in yet' qui Mam Dios, yujto junn̈j 'anmal waj yet'oc, xchi Jesús 'a eb' 'aj Judea cha.

Jn 10:38

Palta an tic, yel wan in b'on 'icha tzb'o in Mam cha. Yuj cha, wach'xam matz eya'ch e c'ojl 'a tas tzwala, palta 'a'c 'och e c'ojl 'ayn yuj jun tzo'n̈ tzin b'o tic. Toto 'ixta', 'oj nachjoc 'el eyu'uj, chajtlto 'aych qui Mam Dios 'ayin, 'ayn 'och pax 'a 'a, xchi 'a eb'.

Jn 11:26

Jantcn̈ej eb' pitznto, tzin ya'n 'och eb' 'a sc'ojol, may b'a'n̈ 'oj cham eb'. ¿Tzam a'ch jun tic 'a a c'ojol? xchi Jesús 'a 'ix.

Jn 12:49

Yujto man̈ munoc tzin paxtin in ch'ocj 'a yol wico'. A 'in Mam checjnacn coti, a aljnac schecnb'il 'ayin tas tzwul wala'.

Jn 14:11

'A'c 'och 'a e c'ojol, chajtlto 'ayn 'och 'a qui Mam Dios, 'aych pax 'ayin. Toto matz in eya'ch 'a e c'ojl yuj tas tzwala, 'a'c 'och e c'ojl 'ayn yuj jun tzo'n̈ milagro tzin ch'oxo.

Jn 14:20

A 'a jun c'u yic 'oj 'ochcn Espíritu 'ayex, atta 'oj nachjoc 'el eyu'uj, chajtlto 'ayn 'och 'a qui Mam Dios, 'aych pax 'ayin. Ax snachj pax 'el eyu'uj, chajtlto 'ayx 'och 'ayin, 'ayn pax 'och 'ayex.

Jn 14:24

Ax eb' matz in chamc'ojlani, matz yiclj xon eb' tas tzwala. A jun tzo'n̈ paxti tzwal 'ayx tic, man̈ wico'oc, yic qui Mam Dios, atn jun checjnacn coti.

Jn 17:8

A wal a paxti 'a'jnac 'ayin, c'uxn xwal 'a eb'. Ax eb', xya'ch eb' sc'ojl 'a 'a. Yuj cha, yojc eb' to yel a 'aych cotnc in. Tzya'ch eb' 'a sc'ojol to ach checjnacn coti.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Jn 5:17

Palta xyaln Jesús chi 'a ewin 'ixtic: —A 'in Mam, may 'aj tz'och wan smunlji. Yuj cha, an̈jan̈ej in munlj pax an tic, xchi 'a ewinac.

Jn 5:19

'Ix yaln pax Jesús 'a ewin 'ixtic: —Wal yel tzwal 'ayex, an Yunnaln Dios tic, may tas tztac' in b'on in ch'ocoj. Cojn tas tzwil sb'on in Mam, an̈j tzin b'o'o. Jantcn̈ej tas tzb'o in Mam cha, a tzin b'o paxi.

Jn 7:16

Yuj cha, xyaln 'a eb' 'ixtic: —A jun tzo'n̈ cuynb'il tzwal 'ayx tic, man̈ wico'oc. Yic jun mach checjnacn coti.

Jn 8:28

Yuj cha, 'ix yaln pax 'a ewin 'ixtic: —At yic 'oj in e t'un̈nc q'ue'i, ax snachj 'el eyu'uj, to an 'Ochnc in 'Anma'il. Atta 'oj eyojcoc 'eli to may tas mun tzin b'o in ch'ocoj. An̈j jun tzo'n̈ cuynb'il yaljnac in Mam 'ayin, an̈j tzwala.

Jn 8:38

A tas wiljnac yet' in Mam, a tzwal 'ayex. Ax xo tic, chuc jun e mam wan e b'on tas tzyal 'ayex, xchi Jesús 'a eb'.

Jn 8:40

A jun tzo'n̈ tas yel yaljnac Dios 'ayin, an̈j tzwal 'ayex. Palta 'in tze nib'j tzin e mil chamoc. Ax Abraham cha, may jun 'ejmoc sb'ojnac 'ixta'.

A Tas Sc'ulejnac Eb' Schecab' Jesús Hechos 10:38

Eyojtac, chajtlto a Dios ya'jnac Yespíritu 'a Jesús 'aj Nazaret. Ya'jnac pax spoder 'a 'a. Eyojc paxi, chajtl 'e'nc Jesús colwjoc 'a eb' 'anma'. Jantcn̈ej eb' 'ixtxnac yuj win diablo, c'uxn 'ix yac' b'oxc sc'ojl eb'. 'Ixta yutjnac sb'a, yujto a Dios 'aych yet'oc.

2 Co 5:19

A jun tic, tzyal 'el'chi to a Dios 'aych 'a Cristo yic swulq'ui, sec junc'ojlal tz'aj eb' 'anma yet' smasnil. An̈ec tzon̈ canc 'a junc'ojlal yet'oc, man̈x 'oj ya'ch qui mul 'a quib'n̈ec. A 'a'jnac 'och jun 'ab'x tic 'a yol qui c'ab' on̈, sec tz'ec' cal-l on̈, chajtl tz'aj eb' 'anma yoch 'a junc'ojlal yet'oc.

A Scarta San Pablo D'a Eb' Aj Colosas 1:19

A Dios caw 'aych 'a Cristo si'mb'il, yujto 'ixta tznib'ej.

A Scarta San Pablo D'a Eb' Aj Colosas 2:9

A Cristo, tz'acn yajch Dios 'a 'a.

1 Jn 5:7

'Ay 'oxwn̈ tzyac' testigoal sb'a yu'uj: