Jn 13:5 - Chuj San Sebastian Bible

⁵ Xlajw cha, 'ix stob'n 'ejm a 'a yol jun palagan. 'Ix syamn 'och sb'icn 'el yoc eb' scuywum cha. Ax jun toaya chi 'aych 'a snan̈l cha, a xyac' sucn tacjoc yoc eb' cha.

Chuj San Mateo Bible

⁵ Ix lajvi chi' ix secanem a a' d'a yol jun palangana, ix och ijan sb'icanel yoc eb' sc'ayb'um chi'. Axo yed' c'apac toalla chi' ix suc tacjoc yoc eb' chi'.

Jn 13:5 Iomraidhean Croise

Gn 18:4

Tan̈wjec, tic tzin 'at wala', sec tz'ijx cot jac eya'al, yic tze b'icn 'el eyoc, 'iljan̈c 'a yich te te tic b'ela.

Gn 19:2

'Ix yaln 'a eb' 'ixtic: —Ex wajlil, yuj wal dios 'ayex, coyc wet' 'a watut, 'ay a a 'oj e c'ana' yic tze b'icn eyoc. Wach' 'oj e way 'a jun 'ac'wl tic 'ayin, ax q'uic'an tzex seb' 'atxi, xchi 'a eb'. Palta 'ix ta'w eb' 'ixtc 'a 'a: —Yuj wal dios 'ayach, an̈ tic on̈, 'oj qui cann̈j 'a plas tic. A 'a tic 'oj qui way on̈, xchi eb'.

Gn 43:24

X'ijx 'och ewin smasnil yuj win 'a yol yatut José, xya'n win yal eb' yic tzb'icn 'el eb' yoc, x'ajx pax yan̈ e no sb'uru eb'.

A Ch'an̈ Schab'il Libro Yic Yab'ixal Eb' Rey 3:11

'Ix yaln Josafat 'ixtic: —¿May am junc schecb' Jehová 'ayc' 'a tic, yic tzc'anb'n 'a Jehová cujec? xchi. 'Ix ta'w jun 'a eb' soldado sreyl chon̈b' Israel, 'ix yaln 'ixtic: —'Ayc' Eliseo 'a tic, win yunnal Safat, atn win 'ochnc schecb'oc Elías 'a yic yaln̈taxi, xchi.

Salmos 51:2

B'icl in maysch'olnilal, sacb'tzej in 'a scal in mul,

Ex 29:4

Tzlajw cha, tze'n 'at Aarón yet' eb' yunnal 'a yol sti Mantiado 'a 'aj tzin chaj in b'a eyet'oc, tzaln 'a eb' to tz'achn can eb' ta'.

Is 1:16

Ax ticnec jun, 'ijec 'el jun tzo'n̈ maysch'olnil chi 'ayex, 'actjec e b'oni, tzeyi'n 'el e b'a 'a scal.

Ez 36:25

'Oj ex in sacb'tzoc can yuj smasnil tas maysch'olnil 'ix e b'o'o, 'icha tzyac' junc tas tzb'icx 'el yet' a a caw wal yaxt'ujnac yilxi. 'Oj wi'cn 'el e mul 'aych 'ayex, atn yic xeya'n 'ejm e b'a 'a jun tzo'n̈ comn dios.

Lv 14:8

A mach 'aj tz'ec' jun yab'il cha, yowlal tzju'l spichul, tz'achni, tzjoxn pax 'el sb'a, yic tzb'ox can 'el'chi, sec tztac' yochx 'a yol camplamento, palta uque to c'u tzcan 'a spatc 'el smantiado.

Zacarías 13:1

A wal 'a yic jun c'ul cha, 'oj jacwc jun a pac'b'a', sec wach' 'oj stac' sb'icx 'el smul yet' smaysch'olnilal eb' yin̈tl David yet' eb' cajn 'a Jerusalén.

Lc 7:38

'Ix c'och cumn 'ix 'a stz'ey. 'Ix 'oc' 'ix, sb'icn 'el 'ix yoc Jesús yet' yal sat. Xlajwn̈ej cha, sucn tacjc 'ix yet' xil sjolom. 'Ix stz'ub'n 'elt 'ix yoc Jesús cha. 'Ix stob'n pax 'och 'ix jun su'q'ui sjab' chi 'a 'a.

Lc 7:44

Xlajw cha, 'ix 'och q'ueln Jesús 'a jun 'ix cha, 'ix yaln 'ixtc 'a win Simón cha: —A yic in jaw 'a yol atut tic, may jac al xac' in c'ana', yic xin b'icn 'el jac woc. Palta 'ilt jun 'ix tic, 'ix sb'icl woc yet' yal sat. Xlajw cha, 'ix sucn tacjc 'ix yet' xil sjolom.

Jn 13:10

Palta xyaln pax Jesús 'ixtic: —Q'uinloc 'ay junc mach tot 'ix 'achni, man̈x yowlalc tzb'icx sniwnal smasnil. Cojxn yoc tzb'icxi, yujto mant 'a slumal sniwnal cha. Ax tic, 'icha junc tz'achn cha, 'ixta xo eyaji, yujto tox 'ix b'o e nab'en. Palta man̈ e masnilc xb'o e nab'en, xchi Jesús.

Jn 13:6

Ax yic wan 'ijn sb'icn 'el yoc Simón Pedro, 'ix yaln Pedro chi 'a 'ixtic: —Mamin, ¿tom 'ijn tza b'icl woc tic tza na'a? xchi.

Jn 13:8

—Palta may xon b'a'n̈ 'oj wac' a b'icl woc tic, xchi Pedro cha. —Toto matz ac' in b'icl jun, to 'ixta', toxn may aln ec wet'oc, xchi Jesús 'a 'a.

Jn 19:34

Palta 'ay jun soldado 'ix stecch slanza 'a scostl Jesús. Yajn̈j wal cha, 'ix 'el-l pulnjoc chic' yet' a'.

A Tas Sc'ulejnac Eb' Schecab' Jesús Hechos 22:16

A ticnec, ¿tas tza tan̈wej? Q'uen̈ wa'an, 'ac' 'ajxc bautisar a b'a. Al a b'a 'a Jesucristo, sec 'oj 'ajxc can lajwc a mul, xchi win Ananías chi 'ayin.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

Ef 5:26

yic on̈ yi'nec 'och yico'oc. A yic on̈ 'emc 'a yol a', 'ix 'ijx 'el qui mulc yuj spaxti'.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

A Ch'an̈ Carta D'a Eb' Hebreo 10:22

Yuj cha, 'a smasnil qui c'ojol, tzqui nitznec 'och qui b'a 'a stz'ey Dios. Caw ca'c 'och wal qui c'ojl 'a si'mb'il. Yujto sacb'tzab'ilx qui pixnec yu'uj, sec man̈x 'a maysch'olnil 'aych 'a qui nab'enec. Ax qui niwnalec, b'icb'ilx yuj jun a a caw ya'ax.

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

1 Jn 5:6

A Jesucristo wulnc 'ec' 'a yolyib'n̈q'uinl tic. Wul ya'jnac bautisar sb'a. 'Elnc pax schiq'uil. Man̈ cojnoc wul ya'jnac bautisar sb'a, palta 'elnc pax schiq'uil. A Yespíritu Dios tzalni, to yel jun tzo'n̈ tic. A Yespíritu cha, caw yel.

Apoc 1:5

Ax Jesucristo, atn testigo caw yel, ya' cab' swach'c'ojlal 'ayex. A b'ab'l pitzwnac pax 'a scal eb' chamnac. A Yajl yaj 'a yib'n̈ eb' rey 'a yolyib'n̈q'uinl tic. Caw 'ay schamc'ojlal 'ayn̈ec. 'Ix yi'n 'el qui mulc yet' schiq'uil.

Apoc 7:14

—Ach ojtac. Aln tic man̈ wojcoc, xin chi 'a 'a. Yuj cha, 'ix yaln pax 'ixtc 'ayin: —Atn eb' tic 'e'nc 'a jun niwquil yailal. 'Ix 'ijx 'el smul eb' yuj schic'l jun tzcuch Calnelu. 'Icha to 'ix sju'l eb' spichul, caw sac x'aj yuj schic'l cha.

Jueces 19:21

Yuj cha, 'ix yi'n 'at win 'ichm winc chi win 'a yatut. 'Ix ya'n 'och win yan̈ e no b'uru cha, ya' sb'a ax eb' b'eymal 'anma cha, wan sb'icn eb' yoc. 'Ix wa eb', xyu'n eb' tas tzyuq'uej.

A Ch'an̈ B'ab'el Libro Samuel 25:41

'Ix 'em n̈ojn 'ix yuj sch'oxn 'eli to niwn yel'ch David 'a 'a, 'ix yaln 'ixtic: —An tic, schecb' xon David chi waji, caw wal tzchaj in c'ojl in b'icn 'el yoc eb' schecab', xchi 'ix.