Jn 13:19 - Chuj San Sebastian Bible

¹⁹ 'Aycto tzwaln can jun tzo'n̈ tic 'ayex, sec wach' a yic 'oj jawc jun chi 'a wib'an̈, ax e wach' 'a'n 'och e c'ojl 'ayin, to an ton Cristo in.

Chuj San Mateo Bible

¹⁹ Ayocto svalancan juntzan̈ tic d'ayex, yic vach' ayic ol ja d'a vib'an̈ chi', ol eyac'och d'a e c'ool to a in ton Cristo in.

Jn 13:19 Iomraidhean Croise

Is 41:23

Toto caw yel dios ex, alc 'ayn̈ on̈, tas wal 'oj ujc yic b'aq'uin̈. B'oc tas tztac' eyu'uj, toxn̈ej wach' mto tu', sec tzsat qui c'ojl quilni, ax qui xiw yu'uj.

Is 43:10

A Jehová a tzaln pax 'ixtic: Ax israel ex tic in testigo ex, in checb' ex, sic'b'ilx 'el wu'uj, sec wach' tzin eyojquej 'eli, tzin eya'n 'och yipc e c'ojol, nachj cab' pax 'el eyu'uj, to cojn in toni. May junc xo dios b'ab'l 'e'nc wu'uj, may pax junc xo tza'n 'oj jawoc.

Is 48:5

'Aycto waln can eyab' jun tic, yic mantzac uji waln can 'ayex. Yuj cha, ma'oj stac' eyaln 'ixtc yuj jun tzo'n̈ yechl e comn diosal to te', mto q'ue'en: A qui diosal a 'ix nan chan̈ jun tic, a 'ix b'oni, man̈ xe chioc.

Malaquías 3:1

A Jehová tztac' yuj smasnil, a tzaln 'ixtic: 'Oj in b'ab'l checc 'at jun in checab', sec a 'oj b'ab'l b'onc in b'e an Yajl in tic yic mantzac in c'och 'ayex. An tan̈b'iln xon eyu'uj, wal 'a yajn̈ej ax woch 'a yol watut. Ax tic, tze nib'j xon tzjaw jun in checab' yic tzya'n b'o 'el'chc in trato, palta 'ab'ec, an ton 'oj in jawi.

Mt 11:3

'Ix 'at sc'anb'noc eb' 'a 'ixtic: —¿Tom ach tic Cristo to tan̈b'il xon a jaw cuj on̈, mto tzqui tan̈wj sjaw junc xo on̈? xchi eb' 'a 'a.

Mt 24:25

'Aycto, tzwaln can jun tzo'n̈ tic 'ayex.

Lc 21:13

Yuj wal cha, wach' 'oj eyal wab'xil 'a sat ewinac.

Jn 1:15

A Juan aljnac yab'xil jun cha, yic yaln 'ixtic: —'Ay jun tza'n sjaw wu'uj, caw 'ec'b'al yopiso 'a wib'an̈, yujto yic mantzac in 'alji, toxn 'ayq'ui. Tox 'ix wal yab'xil jun chi 'ayex, xchi.

Jn 14:29

'Aycto, tzwaln can jun tzo'n̈ tic 'ayex, sec wach' a yic 'oj jawc 'icha tzwal tic, ax in e wach' 'a'n 'och 'a e c'ojol.

Jn 16:4

Tzwalcn jun tzo'n̈ tic 'ayex, sec a yic 'oj jawc jun tiempoal cha, 'oj e na coti, to waljnacx can 'ayex. Ma'ix wal jun tzo'n̈ tic 'ayx 'a yic yalan̈, yujto 'aynto 'ec' eyet' ta'.

Jn 4:26

—An ton tic wan in paxtin 'aych tic, xchi Jesús 'a 'ix.

Jn 8:28

Yuj cha, 'ix yaln pax 'a ewin 'ixtic: —At yic 'oj in e t'un̈nc q'ue'i, ax snachj 'el eyu'uj, to an 'Ochnc in 'Anma'il. Atta 'oj eyojcoc 'eli to may tas mun tzin b'o in ch'ocoj. An̈j jun tzo'n̈ cuynb'il yaljnac in Mam 'ayin, an̈j tzwala.

Jn 8:58

—Wal yel tzwal 'ayex, yic mantzac 'alj Abraham cha, toxn 'ayn xon 'eq'ui, xchi Jesús 'a ewinac.