Jn 12:2 - Chuj San Sebastian Bible

² Yic 'ix c'och Jesús ta', 'ix ya'n eb' jun niwn wal yet'oc. 'Ix wa pax Lázaro yet' eb'. Ax 'ix Marta, a 'ix x'a'n servil eb'.

Chuj San Mateo Bible

² Ayic ix c'och Jesús chi' ta', ix ac'jioch jun nivan vael yuj eb' yuj Jesús. Ix va vin̈aj Lázaro yed' eb'. A ix Marta ix c'atc'ancot eb'.

Jn 12:2 Iomraidhean Croise

Cantares 4:16

A 'ic' 'ay 'a stojlal norte, yet' 'ic' 'ay 'a stojlal sur, 'ec' cab' xummoc 'a scal te wawb'en te tic, sec wach' tzpucl sjab' te'. Ach quelm chamc'ojlb'il wu'uj, cotn̈ 'a 'aj 'ay te 'awb'ente tic, wul lo sat te', caw wal chi eb' te sat tic, xchi 'ix.

Mt 26:6

Ax Jesús, 'ix c'och 'a Betania, axta 'ix 'och wan 'a yatut Simón, a 'a yic yalan̈, ya'ay win yuj jun yab'il lepra sb'i.

Mr 14:3

Ax Jesús 'ayc' 'a Betania 'a yol yatut win Simón. A 'a yic yalan̈, ya'ay win yuj lepra. A yic wocn 'ejm Jesús swa'i, 'ix c'och jun 'ix 'a 'a, yet' 'ix jun q'uen limita alabastro sb'i. B'ut'n q'uen yet' jun su'q'ui sjab' nardo sb'i, caw chan̈ stojol. 'Ix sb'ijn 'el 'ix sjaj q'ue'en, xlajw cha, 'ix stob'n q'ue 'ix jun chi 'a sjolm Jesús.

Lc 12:37

A wal eb' moso chi pitzan yic tzjaw spatron̈ cha, caw wach' yic eb'. Wal yel tzwal 'ayex, caw a win patron̈ chi 'oj 'a'n 'ejm wocn eb' smoso chi wa'oc, ax ya'n servil win eb'.

Lc 14:12

Xlajw cha, 'ix yaln 'ixtc 'a win x'awtn 'at cha: —A yic tza'n 'och junc niwn wa'el, may xon junc eb' a wach'c'ojl tzawtj coti. Man̈ awtc cot pax eb' o'tac, eb' ecan, yet' eb' rico cajn 'a a tz'ey tic. Yujto a eb' cha, 'oj ach yawtc pax eb' wac jun xo, ax a chan can pax spac ec cha.

Lc 22:27

Q'uinloc tz'och junc wa'el. ¿Mach junc yel xo niwn yel'ch tze na'a? ¿Am jun wocn 'ejm wa'oc, mto a junc tz'a'w servil? Atn jun tz'ajx servil chi caw niwn yel'chi. Palta 'in an tic, 'ayn 'och mosoal 'a e cal ex wa'n servil.

Lc 5:29

Ax Leví cha, 'ix ya'ch jun niwn q'uin̈ 'a yatut yic tz'och wa'el, sec tzwa Jesús yet'oc. Til wal eb' tecm 'el tumin, yet' jun tzo'n̈ xo eb' 'anma x'em wocn 'a te mexa yet' eb'.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.