Jn 12:1 - Chuj San Sebastian Bible

¹ Ob'xoc to yoch q'uin̈ 'a Jerusalén, atn q'uin̈ yic snanb'il cot yel eb' israel 'a libre, 'ix c'ochx Jesús 'a Betania. Ata 'ay yatut Lázaro, win pitzwnac pax yu'uj.

Chuj San Mateo Bible

¹ Ob'ixxon̈ej yoch q'uin̈ d'a Jerusalén yic snaancot eb' israel tas aj yelnaccot eb' smam yicham eb' d'a Egipto, ix c'ochxi Jesús d'a Betania, b'aj cajan vin̈aj Lázaro, aton vin̈ ix pitzvixi yuuj.

Jn 12:1 Iomraidhean Croise

Mt 21:17

Xlajw xoj cha, 'ix 'atxi, xcan ewin yuj 'a Jerusalén cha. Axta xc'och 'a Betania. Ata xit' jun 'ac'wl ta'.

Mr 11:11

Yic xjaw Jesús 'a yol chon̈b' Jerusalén, 'ix 'och 'a yamq'uil yatut Dios, 'ix 'ec' q'uel-loc, xyiln smasnil jun tzo'n̈ tas 'ayc' ta'. Palta wan s'at c'u, yuj cha, x'at 'a chon̈b' Betania yet' eb' scuywum slajchwan̈il.

Lc 24:50

Xlajw cha, xyi'n 'at Jesús eb' scuywum 'a sla'nil chon̈b' Betania. Ata xyac' chan̈ sc'ab', sc'ann swach'c'ojlal Dios 'a yib'n̈ eb'.

Lc 7:37

Palta 'ay jun 'ix 'aj chon̈b' cha, caw maysch'olnil sb'eyb'al. 'Ix yab'n 'ix to xc'och Jesús chi wac 'a yatut win fariseo cha. Yuj cha, 'ix c'och 'ix 'a 'a. Yet' 'ix jun q'uen limita alabastro sb'i, b'ut'n q'uen yet' jun yal su'q'ui sjab'.

Jn 11:1

A 'a jun aldea Betania sb'i, ata 'ay jun winc caw ya'ay, Lázaro sb'i winac. 'Ay chawn̈ yanab', jun 'ix tzcuch María, junx 'ix tzcuch Marta. Ata 'ayc' eb' yet'oc.

Jn 11:43

Xlajw yaln jun tzo'n̈ tic, caw 'ip 'ix 'awj cha'an̈: —Lázaro, 'eln̈ta, xchi.

Jn 11:44

Ax win chamnc cha, 'ix 'el paxta. B'a'nto 'och jun tzo'n̈ nip 'a yoc yet' 'a sc'ab'. 'Ay pax jun xotn 'ejm 'a sti'. Yuj cha, xyaln Jesús 'ixtic: —Xuyc 'el jun tzo'n̈ nip tic 'aych 'a 'a, xchi 'a eb'.

Jn 11:55

Ax yic wan sjapx stiempoal sjaw q'uin̈ yic snanb'il cot yel eb' israel 'a libre, til wal eb' xlaj cot 'a najat, 'ix laj c'och eb' 'a Jerusalén. Yic mantzac 'och q'uin̈ cha, 'ix c'och eb' ta', sec tzb'o sb'a eb' 'icha xon sb'eyb'al.

Jn 12:12

Til wal 'anma 'ix c'och 'a Jerusalén yuj q'uin̈ yic snanb'il cot yel eb' israel 'a libre. Ax 'a junx c'u, 'ix yab'n eb' to wan sc'och Jesús ta'.

Jn 12:20

'Ay jun tzo'n̈ eb' griego 'ix c'och 'a jun q'uin̈ cha, yic tzyaln sb'a eb' 'a Dios.

Jn 12:9

Til wal eb' israel 'ix 'ab'ni to 'ayc' Jesús 'a Betania. Yuj cha, x'at yilnc eb'. Man̈ cojnoc Jesús chi tznib'j eb' yila'. Tznib'j pax eb' yil Lázaro, yujto 'ix 'ajx pitzwc pax 'a scal eb' chamnc yu'uj.