Jn 11:51 - Chuj San Sebastian Bible

⁵¹ A win Caifás cha, man̈ munoc xnachj 'el jun chi yu'uj, xyaln jun cha. Palta yujto sat ya'mal 'och sti eb' israel yaj win 'a Dios 'a jun ab'il cha, yuj cha, a 'a win 'ix sch'ox Dios, to 'oj cham Jesús sjelc eb' israel smasnil.

Chuj San Mateo Bible

⁵¹ A vin̈aj Caifás chi', man̈oc d'a yol yic vin̈ ix yal jun chi', palta yujto sat sacerdote yaj vin̈ d'a jun ab'il chi', yuj chi' a Dios ix ac'an yal vin̈ to ol cham Jesús sq'uexuloc eb' israel smasanil.

Jn 11:51 Iomraidhean Croise

Ex 28:30

A 'a yojl te smacl sn̈i sc'ojl cha, ata tz'och chab' xo q'uen q'ue'en, q'uen tzcuch Urim yet' q'uen Tumim: A jun tzo'n̈ q'uen cha, yopiso eb' sch'oxn 'el in nib'b'en; yowlal 'aychn̈ej 'a sn̈i sc'ojl Aarón yic tz'ochch 'a wojltac. 'Ixta wal 'oj yutc Aarón yi'n b'ey jun tzo'n̈ q'uen chi 'a wojltac an Jehová in.

Dn 9:26

A yic 'oj lajwc 'ec' 62 seman cha, ax smilx cham jun Yajl sic'b'il 'el cha, 'icha to may tas 'ix wul sb'o'. 'Oj lajwc cha, ax sma'x 'ejm lan̈chjoc chon̈b' Jerusalén yet' jun yatut Dios yuj eb' 'anma 'aych yet' jun yajl tot 'oj jawoc. 'Icha wal yel a 'elmal a', 'ixta 'oj 'aj satl Jerusalén. Caw 'oj 'ochn̈j owal, til wal tas 'oj satxoc 'eli, a tzyal wal tas nab'il yuj Dios, masnto 'oj jawc slajb' c'ual.

Nm 22:28

Ax 'a jun rato cha, 'ix ya'n Jehová paxtinc no 'axna cha, xyaln no 'ixtc 'a win Balaam: —¿Tas tzach wutej, yuj cha, yox 'ejmal xo in a ma'n tic? xchi no'.

Nm 24:2

Ax xyiln 'at Balaam to latz'mtac yaj scamplamento junjn 'in̈tal eb' israel, yuj cha, 'ix 'och Yespíritu Dios 'a 'a.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Jn 11:49

Palta 'ay jun win Caifás sb'i 'a scal eb'. Atn jun chi sat ya'mal 'och sti eb' 'a Dios 'a jun ab'il cha. A 'ix aln pax 'ixtc 'a eb': —Ax tic, caw may xon jac tas eyojtac.

Jn 18:13

Xlajwn̈ej cha, 'ix yi'n 'at ewin 'a yatut win Anás, win sn̈i win Caifás. A win Caifás cha, sat ya'mal 'och sti eb' 'a Dios 'a jun ab'il cha.

1 Co 13:2

Wach'xam caw 'ac'b'il copiso calnec 'el spaxti Dios, mto tznachj 'el tas cujec, smasnil tas mant 'a mach 'ojtnac, toxn̈ej cojquec cab' smasnil tas 'a yolyib'n̈q'uinl tic, wach'xam caw tzca'c 'och qui c'ojl 'a Dios si'mb'il, sec tztac' qui'nec 'el junc witz 'a yet'ul, palta toto may qui chamc'ojlalec, to 'ixta', caw may jac copisoec.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Sb'ab'el Carta San Pedro 3:18

Yujto a Cristo x'ab'n syail. Cojn jun 'ejm xcham yuj qui mulec. A Cristo caw tojl snab'en. An̈ec xo tic, caw man̈ tojloc qui nab'enec, palta a xyab' syal cujec, yic tzon̈ yi'nec 'at 'a Dios. A yet' sniwnal xchami, palta ax yic 'ix pitzw paxi, pitznn̈ej yespíritu yet'oc.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

A Ch'an̈ B'ab'el Libro Samuel 23:9

'Ix yojquej 'el David chajtlto 'a Saúl wan sc'och yac' owl yet'oc. 'Ix yaln 'a win Abiatar ya'mal 'och sti eb' 'anma' 'a Dios, to tzyij cot win te camx chaleco yic tzc'anb'n eb' 'a Jehová.

A Ch'an̈ B'ab'el Libro Samuel 28:6

Yuj cha, 'ix scanb'n 'a Jehová, palta ma'ix ta'w xon 'a waychil 'a 'a; ma'ix ta'w xon 'a eb' yalmal 'el spaxti', yet' 'a eb' ya'mal och sti eb' 'anma 'a Dios.