Jn 11:43 - Chuj San Sebastian Bible

⁴³ Xlajw yaln jun tzo'n̈ tic, caw 'ip 'ix 'awj cha'an̈: —Lázaro, 'eln̈ta, xchi.

Chuj San Mateo Bible

⁴³ Ix lajvi yalan juntzan̈ chi', te chaan̈ ix yala': —Lázaro, elan̈coti, xchi.

Jn 11:43 Iomraidhean Croise

Mr 4:41

Ax eb' ton̈j 'ix caw sat sc'ojl eb' yuj si'mb'il, 'ix laj yal-lanc eb' 'ixtic: —¿Tas wal sb'o jun tic? 'In tzyiclj 'ic' yet' a mar tas tzyala, xchi eb'.

Jn 11:42

Wojc xoni to smasnil tiempo tzab' tas tzwala. Palta yuj eb' 'anma tic, tzwaln jun tzo'n̈ tic 'ayach, sec wach' 'oj ya'ch eb' 'a sc'ojol, chajtlto ach checjnacn coti, xchi Jesús.

Jn 11:44

Ax win chamnc cha, 'ix 'el paxta. B'a'nto 'och jun tzo'n̈ nip 'a yoc yet' 'a sc'ab'. 'Ay pax jun xotn 'ejm 'a sti'. Yuj cha, xyaln Jesús 'ixtic: —Xuyc 'el jun tzo'n̈ nip tic 'aych 'a 'a, xchi 'a eb'.

Jn 12:1

Ob'xoc to yoch q'uin̈ 'a Jerusalén, atn q'uin̈ yic snanb'il cot yel eb' israel 'a libre, 'ix c'ochx Jesús 'a Betania. Ata 'ay yatut Lázaro, win pitzwnac pax yu'uj.

Jn 12:9

Til wal eb' israel 'ix 'ab'ni to 'ayc' Jesús 'a Betania. Yuj cha, x'at yilnc eb'. Man̈ cojnoc Jesús chi tznib'j eb' yila'. Tznib'j pax eb' yil Lázaro, yujto 'ix 'ajx pitzwc pax 'a scal eb' chamnc yu'uj.

A Tas Sc'ulejnac Eb' Schecab' Jesús Hechos 3:12

Yic xyiln Pedro jun cha, 'ix yaln 'a eb' 'ixtic: —Ex wit israelal, ¿tas yuj tzcaw sat e c'ojl eyilni? ¿Tas yuj tzex 'och q'ueln 'ayn̈ on̈? Man̈ e na', to yuj qui jelnal, mto yuj qui wach'l on̈, xca'n b'ey jun winc tic on̈.

A Tas Sc'ulejnac Eb' Schecab' Jesús Hechos 3:6

Palta 'ix yaln Pedro chi 'a win 'ixtic: —An tic, caw may in tumin. Palta 'ay jun tztac' wu'uj, a yet' 'oj in colwj 'ayach. Yuj spoder Jesucristo 'aj Nazaret, q'uen̈ wa'an, b'eyan̈, xchi Pedro chi 'a winac.

A Tas Sc'ulejnac Eb' Schecab' Jesús Hechos 9:34

Yuj cha, 'ix yaln Pedro 'a win 'ixtic. —Eneas, tzwal 'ayach, a Jesucristo tz'a'n b'oxc a c'ojol. Yuj cha, q'uen̈ wa'an. 'Ij chan̈ a waynub', xchi 'a winac. Yajn̈j wal cha, xq'ue wan winac.

A Tas Sc'ulejnac Eb' Schecab' Jesús Hechos 9:40

Ax Pedro cha, 'ix checn 'emt eb' smasnil. Xlajw cha, x'em cuman, 'ix leslwi. 'Ix 'och q'ueln 'a 'ix Dorcas cha, 'ix yaln 'a 'ix 'ixtic. —Tabita, tzwal 'ayach, q'uen̈ wa'an, xchi 'a 'ix.