Jn 11:11 - Chuj San Sebastian Bible

¹¹ Xlajw yaln jun tic, 'ix yaln 'ixtc pax yuj Lázaro: —A jun qui wach'c'ojlec cha, to tzwayi, palta 'oj 'at in pitzl swayn̈ cha, xchi 'a eb'.

Chuj San Mateo Bible

¹¹ Ix lajvi yalan jun chi', ix yalanpax yuj vin̈aj Lázaro: —A vin̈ co vach' c'ool chi', ton̈ej svay vin̈. Palta ol b'at in pitzel svayan̈ vin̈, xchi d'a eb'.

Jn 11:11 Iomraidhean Croise

A Ch'an̈ Schab'il Libro Yic Yab'ixal Eb' Rey 4:31

Yuj cha, 'ix 'at Eliseo yet' 'ix, ax Giezi tox xb'ab'lj 'a eb', tox 'ix yac' 'ejm te c'occh chi 'a sat jun 'unn cha, palta ma'ix pitzwi. Yuj cha, 'ix meltzji yic tz'at schanoc Eliseo, 'ix yaln 'a 'ixtic: —A win 'unn cha, ma'ix jaw sc'ojl winac, xchi.

2 Cr 20:7

Ach qui Diosal on̈, ach 'ix ej 'el eb' 'anma cajn 'a sat lum lum tic, atn 'aj 'ayn̈ 'ec' an̈ israel on̈ tic on̈. 'Ix ac' lum 'a smasnil tiempo 'ayn̈ an̈ yin̈tl on̈ Abraham tic on̈, atn jun a wach'c'ojol.

Ex 33:11

Q'uelc'mb'a wal tz'aj Jehová spaxtin yet' Moisés, 'icha wal spaxtin junc mach yet' junc swach'c'ojol, 'ixta tz'aj eb' spaxtini. Tzlajw cha, tzpaxt Moisés 'a camplamento. Palta ax Josué win yunnal Nun, win schecb' Moisés cha, matz 'elt xon win 'a yol Mantiado cha.

Is 41:8

Tzyal Dios 'ixtic: Ex israel yin̈tl can Jacob 'ab'xnan̈c 'a tas tzwala, caw yel in checb' eyaji, an si'jnacx 'eli, ax tic yin̈tl ex can in wach'c'ojl Abraham.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Mt 27:52

A eb' q'uen q'uen olb'il 'aj 'aych eb' chamnac, 'ay q'uen xlaj jacwi. Ax eb' creyente chamnc xo, niwn eb' xpitzw pax yet' sniwnal.

Mt 9:24

Yuj cha, xyaln Jesús 'ixtc 'a eb': —'Eln̈ec 'a tic. A 'ix 'unn tic, man̈ chamncoc 'ix, ton̈j waync 'ix, xchi 'a eb'. Palta ton̈j 'ix tzewj eb' yu'uj.

Mr 5:39

Yuj cha, 'ix 'och 'a yol n̈a cha, 'ix yaln 'ixtc 'a eb': —¿Tas yuj til wal yel eyaw eyoq'ui? Man̈ chamncoc 'ix 'unn tic, ton̈j waync 'ix, xchi 'a eb'.

Jn 11:10

Palta ax eb' tzb'eyc' 'a 'ac'wal, tzcomn telw eb', yujto may sacq'uinl 'a eb', xchi Jesús.

Jn 11:12

—Palta Mamin, toto tzwayi, tecn 'oj b'oxc sc'ojol, xchi eb' scuywum cha.

Jn 11:13

Yic xyaln Jesús to tzway Lázaro cha, tznib'j tzch'ox 'a eb', to chamnc xo. Palta snan eb', ton̈j tzwayi.

Jn 11:3

Yuj cha, 'ix ya'n 'at eb' yanb' chi sti 'a Jesús, 'ix yaln 'at eb' 'ixtic: —Mamin, a jun a wach'c'ojl 'a tic, caw ya'ay ticnec, xchi eb'.

Jn 3:29

Q'uinloc 'ay junc nupnel tz'och ticnec. A win tznupni, tzyi'n junc 'ix. Toto 'ay junc swach'c'ojl win 'ayc' yet' ta', caw tzalj yab'n tas tzyal win tznupn chi yet' 'ix 'ix cha. An̈jtona', 'ixta 'in tzalj ticnec, yujto wan yoch eb' 'anma scuywumoc Jesús.

A Tas Sc'ulejnac Eb' Schecab' Jesús Hechos 7:60

Xlajwn̈ej cha, 'ix 'em cuman. Caw 'ip xq'ue yaw sleslwi: —Mamin, man̈ a'cn 'och jun smul eb' tic 'a yib'an̈, xchi. Xlajw xoj yaln jun cha, 'ix cham yuj eb'.

1 Co 15:18

Ax eb' creyente chamnc xo, jun 'ejmn̈ej am chamnc eb'.

1 Co 15:34

Caw tze na wal e b'a, tze b'o e nab'en. Man̈x e b'o jun tzo'n̈ maysch'olnil, yujto 'ayx mantzac eyojquej 'el wal Dios. Tzwalb't jun tzo'n̈ tic 'ayex, sec 'oj e q'uixw 'eli.

1 Co 15:51

Palta 'ay jun tas mant 'a mach 'ojtnac xoni. Tzin nib'j tzeyojquej 'el ticnec. An̈ creyente on̈ec tic, man̈ qui masnilc 'oj qui chami. Palta qui masnilec 'oj jelmjoc qui niwnalec tic.

Ef 5:14

Yuj cha, 'ay jun tzaln 'ixtic: Ach 'icha to waynac, 'ij 'el a wayan̈. Q'uen̈ wan 'a scal eb' 'icha to chamnc to. Ax Cristo 'oj 'a'nc sacq'uinl 'ayach, xchi.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

1 Ts 5:10

A Cristo 'ix cham qui jelquec. Yuj cha, toxn̈ej pitzn on̈ec, toxn̈ej chamnc on̈ xo, ax sjawi, palta junn̈j 'oj cajc yet' qui masnil.

Santiago 2:23

Yuj cha, tz'el'ch tas tzyal 'a Ch'an̈ U'un̈, 'a 'aj tzyal 'ixtic: A Abraham, 'ix ya'ch sc'ojl 'a tas xyal Dios. Yujn̈ej cha, yaln Dios to wach' 'a sat, xchi. An̈jtona', tzyaln pax 'a Ch'an̈ U'un̈, chajtlto a Abraham cha, swach'c'ojl sb'a yet' Dios.