Jn 1:14 - Chuj San Sebastian Bible

¹⁴ A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Chuj San Mateo Bible

¹⁴ A jun Slolonel Dios sb'i chi', ochnac snivanil icha quico'. Ulnaquec' cajan d'a co cal. A jun chi' te yel. Nivan svach'c'olal Dios ul sch'oxnac d'ayon̈. Quilnac val snivanil yelc'ochi, yujto an̈ej val jun chi' Yuninal Dios, cotnac d'a Smam.

Jn 1:14 Iomraidhean Croise

Salmos 2:7

Ax Yunnal Dios a tzaln 'ixtic: 'Oj walcn 'el tas sna Jehová, yujto xyalcn 'ixtc 'ayin: A 'a jun c'u tic, 'ix wac' checljoc 'eli to Wunnal ach.

Salmos 45:2

Ach rey, cojn ach yel xo wach' 'elx 'a yib'n̈ smasnil eb' winac. Man̈x jantcoc wach' paxti tzala, yujto 'ix yac' Dios syaxilal 'a eb'n̈ 'a jun 'ejmn̈ej.

Salmos 85:9

Caw wal b'ecn sc'ojl Dios scolwj 'a eb' tz'och 'emmquilal 'a 'a, sec 'oj checljoc cha'an̈, to 'ayc' 'a qui calc yet' spoder.

Is 40:5

'Ixta to b'i'an, ax sch'oxn Jehová chajtlto caw niwn yel'chi, smasnil 'anma', c'uxn 'oj yila'. A Jehová a 'ix alni, xchi jun 'aw cha.

Is 53:2

Yujto 'ix snib'j Dios to 'ix q'uib' jun schecb' cha, 'icha junc te wolte tz'ejm sch'an̈lyib' 'a lum tacn̈ lu'um. A jun cha, man̈ nib'b'ilc wal yilxi, may wal tas wach' yilx 'a 'a.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Ez 37:27

'Oj in can cajn 'a e cal, 'oj woch e Diosaloc, ax e yochx in chon̈b'oc.

Mt 1:16

A Jacob a 'ay yunnal José win yichmil 'ix María, 'ix snun Jesús. A Jesús tzcuch pax Cristo, atn jun 'Ac'b'il Yopiso Colwjumal.

Lc 2:11

A 'a Belén, 'a schon̈b' can win rey David, ata x'alj jun e Colmal q'uiq'ui, atn CRISTO Cajlil.

Lc 2:7

Ata x'alj jun sb'ab'l 'une 'ix. Sb'an 'och 'ix nip 'a jun 'unn cha. Xlajw cha, sc'otn 'ec' 'ix 'a yol jun sjucb' no chej 'aj tzwa no', yujto caw man̈x 'a 'aj x'aj eb' 'a mesón.

Lc 9:32

Ax Pedro yet' eb' yit cuywumal, caw 'ay swayn̈ eb'. Palta ma'ix way eb', yuj cha, xyiln eb' stzictznil Jesús. Xyiln pax eb' chawn̈ winc chi 'ayc' yet'oc.

Jn 1:1

A 'a yic mantzac b'o smasnil tas, 'ayc' xon jun mach, Spaxti Dios sb'i. A jun cha, 'ayc' xon yet' Dios, caw a Dios.

Jn 11:40

—Tox xwal 'ayach, toto tzin a'ch wal 'a a c'ojol, 'oj el nab'n spoder Dios, xchi 'a 'ix.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 14:9

Yuj cha, 'ix yaln pax Jesús 'a 'ixtic: —Felipe, 'in niwn xo tiempo 'ayn 'ec' eyet'oc. ¿Tom mant in ojcoc, mach in? A eb' tzin 'ilni, tzyal 'el'chi wan yiln eb' qui Mam Dios. Yuj cha, ¿tas yuj tzat al 'ayin: Ch'ox quil a Mam chi 'on̈, xa chi?

Jn 17:22

A jun a wach'l a'jnac can 'ayin, a 'ix wac' pax 'a eb', sec junxn̈ej tz'aj snab'en eb', 'icha waj et'oc.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

Jn 18:37

—¿Tom yel, to ach reych jun? xchi win 'a 'a. —N', reyn ton 'icha tzal tic. An tic, in wulc' 'a yolyib'n̈q'uinl tic, yic tzwul walnc 'el jun tas caw yel. Yuj cha, in 'alji. Jantcn̈ej eb' yic xon jun yel tic, tzya'ch eb' schicn 'a tas tzwala, xchi Jesús.

Jn 2:11

A jun milagro tic, sch'ox Jesús 'a chon̈b' Caná 'a yol yic Galilea. B'ab'l milagro jun chi 'ix sch'oxli. 'Ixta xyutj sch'oxni, to niwn spoder. Ax eb' scuywum, caw xya'ch eb' sc'ojl 'a 'a.

Jn 3:16

Man̈ jantcoc schamc'ojlal Dios 'a eb' 'anma 'a yolyib'n̈q'uinl tic. Yuj cha, wach'xam jun c'otn̈ in an Yunnaln tic, in ya' coti, sec wach' jantcn̈ej eb' tzin 'a'n 'och 'a sc'ojol, ma'oj satcn 'el eb', palta 'ay sq'uinl eb' 'a jun 'ejmn̈ej.

Jn 3:18

A eb' tzin 'a'n 'och 'a sc'ojol, man̈x 'oj 'at eb' 'a yailal. Palta ax eb' matz in 'a'n 'och 'a sc'ojol, 'oj 'ochn̈j yailal 'a yib'n̈ eb'. Yujto cojxn in ton Yunnal Dios in, palta matz in ya'ch eb' 'a sc'ojol.

Jn 6:51

An ton tic cotnc in 'a satcha'an̈, 'icha wal in, yujto 'a'm in q'uinl 'a jun 'ejmn̈ej. Yuj cha, a eb' tzwan jun tic, pitzn eb' 'a smasnil tiempo. A jun 'icha wal tzwac' waxoc tic, atn in chib'jal, xchi Jesús 'a eb'.

Jn 8:32

Toto 'ixta', 'oj eyojcoc 'el spaxti Dios caw yel. Yuj jun spaxti yel cha, 'oj eyijx 'elt 'a libre, xchi Jesús 'a eb'.

A Tas Sc'ulejnac Eb' Schecab' Jesús Hechos 13:33

Ya'jnac can pax sti 'ayn̈ec, yujto yin̈tl on̈ec eb' qui mam quichmec cha. Yic 'ix pitzw pax Jesús, 'ix 'el'ch tas yaljnac can cha, yic ya'n can sti'. 'Icha yaj stz'ib'x can 'a ch'an̈ schab'l Salmo, 'aj tzyal 'ixtic: Ach tic Wunnal ach. A 'a jun c'u tic, 'ix wac' checljoc 'eli to 'ixta aji, xchi Dios.

Ro 8:3

Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Ro 9:5

A jun tzo'n̈ ewin niwn yel'ch 'a sat Dios 'a pecti', atn ewin yin̈tl can smam yichm eb'. A Cristo 'ochnc yit chon̈b'oc eb', yic wul ya'nc 'och sb'a 'anma'il. A Cristo tic, Dios, Yajl yaj 'a yib'n̈ smasnil tas. Smasnil tiempo 'oj alxoc wach' paxti 'a 'a. 'Ixta cab' tz'aji.

1 Co 15:47

A jun b'ab'l winac, a 'a lum lum b'onac. Yuj cha, yic yolyib'n̈q'uinl tic yaji. Ax junx schab'il atn Cajlilec, yic satchan̈ yaji.

2 Co 12:9

Palta 'ixtc yutj yaln Cajlilec chi 'ayin: A in wach'c'ojlal, colb'iln̈ej 'ayach. Yujto a mach may spoder 'a yol yico', ata tzwach' checlj 'el in poder an tic, xchi 'ayin. Yuj cha, wach'xam may wel'ch an tic, palta caw tzin tzalji, sec tzwach' 'a'j Cristo spoder 'ayin.

Gl 4:4

Palta a yic xc'och stiempoal, ya'n cot Dios Yunnal, wul 'aljnac 'el 'a jun 'ix 'icha tzon̈ 'aj calj an̈ 'anman̈ec tic. Wul ya'jnac 'och sb'a israelal. 'Ajxnac mandar yuj jun ley yic Moisés.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

A Scarta San Pablo D'a Eb' Aj Colosas 1:19

A Dios caw 'aych 'a Cristo si'mb'il, yujto 'ixta tznib'ej.

A Scarta San Pablo D'a Eb' Aj Colosas 2:3

Yujn̈ej Cristo tic, tztac' snachj 'el smasnil sjelnal Dios cujec, yet' jantcn̈ej tas yojtac.

A Scarta San Pablo D'a Eb' Aj Colosas 2:9

A Cristo, tz'acn yajch Dios 'a 'a.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

A Ch'an̈ Carta D'a Eb' Hebreo 1:5

Man̈oc 'a junc ángel yaljnac Dios 'ixtic: Ach tic, Wunnal ach. A 'a jun c'u tic, 'ix wac' checljoc 'eli, to Wunnal ach, xchi. A yic yaln Dios junx tic, man̈ yujoc junc ángel yalni, palta yuj Yunnal. Yaln 'ixtic: An 'oj woch mamb'il-l 'a 'a, ax 'oj 'och 'unnab'ilal 'ayin, xchi.

A Ch'an̈ Carta D'a Eb' Hebreo 10:5

Yuj cha, a yic swulc' Cristo 'a yolyib'n̈q'uinl tic, yaln 'ixtc 'a Dios: Matz a nib'j jun tzo'n̈ no xajmb'al tz'ajx 'ayach. Palta a jun in niwnal xac' 'ayin.

A Ch'an̈ Carta D'a Eb' Hebreo 2:11

An̈ec on̈ 'ochc yico'oc Dios, junn̈j qui Mamc yet' jun on̈ 'i'nec 'och yico'oc. Yuj cha, a Yunnal Dios tic, matz q'uixw on̈ yalnec yu'tacoc, mto yanb'oc.

A Ch'an̈ Carta D'a Eb' Hebreo 5:5

An̈jtona', 'ixta pax Cristo. Ma'ix scomn 'a'j 'och sb'a sat ya'malc 'och qui tic 'a Dios. Yujto a Dios 'a'jnac yopiso, 'icha yaj yaln 'ixtc 'a 'a: A 'a jun c'u tic, 'ix wac' checljoc 'eli to Wunnal ach, xchi.

1 Jn 4:14

An̈ tic on̈, caw quiljnac Yunnal Dios on̈. Yuj cha, tzca'n testigoal qui b'a on̈, chajtlto a qui Mam Dios, a 'a'jnac cot Yunnal chi wul scolnc 'el eb' 'anma 'a yolyib'n̈q'uinl tic.

1 Jn 4:9

Caw sch'ox Dios schamc'ojlal 'ayn̈ec, yujto xchec cot jun c'otn̈ Yunnal chamc 'a yolyib'n̈q'uinl tic, sec tz'ajx qui q'uinlec 'a jun 'ejmn̈ej yu'uj.

2 Jn 1:7

A ticnec, til wal eb' 'a'm 'es tzlaj 'ec' 'a yolyib'n̈q'uinl tic. Tz'ec' yal eb' 'ixtic: A yic swulc' Jesucristo, man̈toc 'ochnc sniwnal, xchi cob' eb'. A eb' tzaln 'ixta', caw yes eb', 'ajc'ojl yajch eb' 'a Cristo.

Apoc 19:13

Ax spichl 'aych yu'uj, lab'b'il 'ejm 'a scal chic'. Ax sb'i, atn Spaxti Dios.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.